عفريت

حول مشروع الاطار الشامل- الجزء الثانى

2010-06-09T08:35:00.000+03:00

كنت قد كتبت تدوينه منذ شهر حول فكرة الاطار الشامل للمعارضه المصريه ووضع خطه طويلة المدى تشمل كل السيناريوهات المتوقعه و الاحتمالات وسط تكامل بين الاحزاب و الحركات الاحتجاجيه و منظمات المجتمع المدنى والشخصيات العامه

طالع الجزء الاول
http://www.facebook.com/note.php?note_id=278911619945

وكما تحقق حلم الحركه الشبابيه المستقله فى 6 ابريل 2008 وتبعها مجموعات شبابيه اخرى تسهم فى اثراء التجربه و تنوعها.
كان هناك ايضا حلم المظله التى تجمع كل الفصائل و المجموعات المعارضه من اجل وضع خطه للتحول الديمقراطى.
وبدأت الآمال تظهر فى الافق مع تأسيس الحمله المصريه ضد التوريث التى جمعت معظم المجموعات السياسيه المعارضه على الحد الادنى المشترك.
ومع وصول د/محمد البرادعى لمصر والحراك المصاحب لذلك والذى يشبه كثيرا الحراك الذى بدأ فى 2005.
وتم تأسيس الجمعيه الوطنيه للتغيير فى منزل د/محمد البرادعى بمشاركة العديد من الشخصيات العامه و ممثلى المجموعات المعارضه.

واستبشر الشباب خيرا بوجود الجمعيه الوطنيه للتغيير التى قد تحقق حلم المظله التى تجمع كل القوى والمجموعات السياسيه التى تعمل وفقا لخطه مشتركه يعمل بها الجميع فى تكامل
فأخيرا تجتمع كل الرموز السياسيه فى مكان واحد
واخيرا سيعمل الشباب طبقا لسيناريو مدروس بدلا من الجهود المتناثره التى تسمى حراك سياسى
واخيرا وجدنا من يستطيع تجميع المعارضه المصريه بدون حساسيات ليكون راس الحربه فى المعركه القادمه ويملك مكانه كبيره وثقل دولى نستطيع التحرك من خلاله

ولكن

الحلو مايكملش

لم تستطيع الجمعيه الوطنيه للتغيير حتى هذه اللحظه وضع الاطار الشامل و الخطه محسوبة الخطوات و الخطط البديله او وضع الاحتمالات و السيناريوهات

ورغم وجود العديد من دعاة التغيير و الديمقراطيه
ورغم حاجتنا فى مصر لقائد يستطيع تجميع كل الفصائل المعارضه المتعارضه
الا ان د/البرادعى إرتضى لنفسه ان يكون دوره داعية للديمقراطيه او داعية سلام على حد تعبيره
رغم ان الضجه و الحماس الذى حدث لم تحدث بسبب انضمام داعيه جديد ضمن مجموعه كبيره من دعاة التغيير
ولكن بسبب اعادة اكتشاف الامل نتيجة ظهور مشروع قائد يستطيع يوحد فصائل المعارضه ضمن مشروع التغييير و يكون رأس الحربه فى المعركه ومقاتلا معهم من اجل الديمقراطيه

الا انه رفض هذا الدور رغم انه الوحيد حتى هذه اللحظه الذى يستطيع فعل تلك المهمه المستحيله

وبدأت منذ فتره تتكشف العديد من الملابسات التى أوضحت العديد من الامور

وتم نشر بعض التفاصيل فى وسائل الاعلام بمقالتى د/حسن نافعه والاستاذ حمدى قنديل

http://www.almasry-alyoum.com/article2.aspx?ArticleID=257906&IssueID=1793

http://www.shorouknews.com/Columns/column.aspx?id=242808

فهناك من نصح د/البرادعى أن يبتعد عن الأخرين ويبتعد عن الجمعيه الوطنيه وباقى المجموعات
وان يكون تحركه منفردا فى اطار الحمله المستقله فقط
وقد نوه الاستاذ حمدى قنديل فى مقاله عن ذلك

نظرية الفرقه الناجيه

وبالفعل طالعنا بعد التحركات المنفرده وتجاهل لكل الاطروحات المقدمه

وبدلا من ان تكون هناك خطه ويتم النزول للمناطق و المحافظات للتغيير من خلال الجمعيه الوطنيه التى تضم رموز محترمه كثيره

اصبحنا نطالع تحركات منفرده و حملات انتخابيه قبل الهنا بسنه

فأصبح هناك حملة البرادعى و حملة نور و حملة حمدين صباحى

رغم ان أيا من الثلاثه لا يمكنه الترشيح فعليا للانتخابات الرئاسيه بدون تعديل حقيقى لقواعد اللعبه و القوانين ومواد الدستور
فالثلاثه حتى هذه اللحظه مجرد مرشحون مفترضون
البرادعى و حمدين صباحى مستقلون لا يستطيعون التقدم للترشيح للانتخابات الرئاسيه دون تغيير الماده 76 من الدستور.. وايمن نور لا يستطيع حتى هذه اللحظه ممارسة حقوقه السياسيه بجانب انه رسميا غير معترف بغد ايمن نور و هو الحزب الاصلى وفى المقابل تم الاعتراف بغد موسى مصطفى موسى و هو الحزب المزيف

وتغيير قواعد اللعبه يتطلب عدة امور

ان يقتنع البرادعى بفكرة ان يكون قائد لانه الوحيد الذى فى إمكانه بالفعل توحيد فصائل المعارضه
ويتم وضع الخطه الشامله التى فيها ادوار للجميع وذلك من خلال الجمعيه الوطنيه للتغيير

ثم يستخدم أحد الامرين
ان يستخدم المنظومه الحاليه للتغيير من داخلها عن طريق الانضمام لاحد الاحزاب ليكون مرشح حقيقى للرئاسه و نستطيع بعدها ممارسة ضغط قوى لفرض النزاهه الانتخابيه بمعاييرها المختلفه من رقابه شعبيه بالاف المتطوعين و رقابه دوليه و تصويت بالرقم القومى

أو خوض معركه من اجل تغيير الدستور و تحقيق المطالب السبعه

وهى معركه حقيقيه رغم اعتراض د/البرادعى على لفظ معركه

فلن يستجيب الحزب الوطنى لنداءات دعاة التغيير و السلام مهما زاد عددهم و يتنازل عن القوانين السيئه التى تضمن بقاؤه

ولن تجدى الحملات المنفرده و زيارات السائحين

ولن يجدى العمل بمعزل عن باقى القوى و الرموز و الشخصيات العامه التى رغم اعتراض اكثرنا على بعضهم الا ان تلك المجموعه المؤسسه للجمعيه الوطنيه بها العديد من الرموز و المناضلين الذين ضحوا طوال تلك السنوات السابقه بالكثير من اجل قضيه التغيير نحو الديمقراطيه و الذين لا يستطيع احد التشكيك فى وطنيتهم و اخلاصهم للقضيه

بل إن استخدام نظرية نحن الفرقه الناجيه هو ما سيعود بالوضع الى الوراء.. لأن استخدامها لسنوات من قبل المعارضه المصريه هو الذى اخر فرصة التغيير الحقيقى

والانبهار بالزخم و الحماس الذى حدث منذ شهور و تجاهل تجربة 2005 و الحماس المصاحب لها و الحاله التى حدثت وقتها والتى تشبه 2010 بالتاكيد سوف يدمر وخصوصا بعد احساس البعض بالغرور الالكترونى الذى كان مفترضا ان ينتهى بعد تجربة 6 ابريل 2008

لا تزال هناك فرصه ذهبيه لو تم التراجع عن نظرية الفرقه الناجيه ولو تم تفعيل الجمعيه الوطنيه ووضع الاطار الشامل و الخطه

وان لم يتم ذلك فللأسف سنعود سنوات كثيره للوراء و سيضيع الاف الشباب ويفقدون الحماس .. وسنظل ندور فى حلقات مفرغه فى انتظار الخطه و القائد

وعندما يحدث التغيير المفاجىء او الانتقال المفاجىء للسلطه فسنبقى فى مقاهينا و احزابنا نتفرج من بعيد ولن يتعدى الامر بعض التظاهرات فى وسط البلد

خواطرحول مشروع الاطار الشامل ... للنقاش

2010-05-06T18:43:00.000+03:00

نتحرك جميعا تحركات كثيره
ويوجد بيننا مئات الشباب المنتجون لافكار رائعه
أفكار فى طور التكتيكات

يمكننا جميعا صنع افكار رائعه كالتيشيرتات و الكتابه على العملات و الستيكرز و الافلام و المطبوعات و المعارض ورسائل المحموول مسرح شارع ومظاهرات مفاجئه وحفلات هادفه و يمكننا انتاج افكار اكثر ابتكارا ببرامج تسويقيه محترفه

يمكننا تنظيم مظاهرات ووقفات
يمكننا تنظيم معارض
يمكننا توزيع مطبوعات
يمكننا فعل الكثير و الكثير

لا يهمنا الاعتقال ولا نبالى به و نعتبره يثقل خبرتنا الانسانيه ويزيدنا صلابه

ولكن ان تحدثنا عن الجدوى فسنجد الاجابات متضاربه

بالفعل بعض تلك الانشطه و التكتيكات يسهم فى خلق حراك سياسى وتحريك للمياه الراكده و اعادة احياء لموتى المعارضه المصريه

ولكن كلها بدون اطار شامل
وسيكون التأثير مئات الاضعاف لو تم وضعها ضمن خطه معلومة الخطوات و الجدوى

واعتقد اننا بذلنا مجهودا كبيرا فى الحرك السياسى فى السنوات السابقه و قد آن الوقت للتحرك المدروس

ومنذ اكثر من عام عندما قررت حركة 6 ابريل وضع رؤيه وخطه و استراتيجيات و تكتيكات
كان الاتفاق على فكرتين رئيسيتين

الاولى فكرة تكوين كتله واعيه تستطيع الدفع نحو التغيير
ولكن ليس اى تغيير

فقط التغيير نحو الديمقراطيه ودولة المؤسسات و الحكم الرشيد و العداله الاجتماعيه
هذه الكتله الواعيه هى التى تستطيع ممارسة الضغوط المستمره لوضع النظام فى مأزق يجبره على التراجع المستمر

والثانيه هى البحث عن البديل ليكون راس الحربه فى المعركه القادمه

وبدانا بالفعل فى هذين الهدفين
تكوين الكتله الواعيه التى تمثل نواه للكتله الحرجه
والبحث عن البديل

وكناقد بدأنا رحلة البحث عن رأس الحربه منذ فتره طويله
طرحنا اسماءكثيره مثل عمرو موسى و المستشار هشام البسطويسى ود/محمد البرادعى و د/أيمن نور واخرين... بل وطرح البعض أيضا فكرة اتفاق بين المعارضه و بعض المؤسسات داخل النظام
وبدأنا نقاش موسع وبدأنا بالاتصال ببعض هذه الاسماء بالفعل

ليس بهدف صناعة إله جديد و لكن ليكون رأس حربه او وسيله للتغيير يستطيع الجميع الالتفاف حوله فى تلك المعركه

وبعد تصريحات البرادعى وعودته لمصر
افترضنا ان نهاية مشوارنا منذ 2005 قد اقتربت

فها هى الكتله تتكون
وها هو رأس الحربه يعلن عن نفسه

ولكن بعد ما جد فى الساحه
من شرذمه و فرقه
وعدم وضوح المشروع و الرؤيا و الخطه للجميع و ليس لشباب 6 ابريل فقط

اصبح الامر مختلفا

فليس هناك فى مصر فى هذه اللحظه من يستطيع اجابة.. وما هى الخطوه القادمه.. أو ماذا سيحدث

فيغيب عنا جميعا الاطار الشامل و الخطه الشامله

--------------------------

------------------

عقدنا منذ عدة ايام حلقة نقاش بين مجموعه كبيره من الشباب بعد عرض فيلم وثائقى لتجربة صيربيا وحركة اوتبور الشبابيه و كيفية نجاحهم فى التغيير وهم مجرد مجموعه من الشباب رغم القمع الشديد الذى تعرضوا اليه والذى وصل للتصفيه الجسديه لمؤسسى الحركه وليس مجرد اعتقالات او عنف

وهى التجربه التى كان للشباب دور كبير فى احداث التغيير والانتشار وسط الجماهير بصوره كبيره واستطاعوا ايجاد مفتاح التاثير فى العديد من الفئات

واستطاعوا احداث تكتل واعى ضخم استطاع وضع النظام المستبد فى مأزق

واستطاعوا توحيد جميع اطراف المعارضه ضمن ائتلاف كبير

واستطاعوا ايجاد المرشح البديل

واستطاعوا توفير عشرات الالاف من مراقبى الانتخابات الذين استطاعوااعداد نتائج موازيه و اثبات التزوير

ثم احداث التغيير نحو الديمقراطيه بطريقه سلميه بعد تزوير الانتخابات عن طريق حشد 3مليون مواطنمن اجمالى 8 ملبون

بالطبع بذلوا مجهود ضخم واعداد استمر ل 8 سنوات كان معظمهم تخبط واخفاقات
وكانت هناك قوى دوليه تقدم المساعده
بعكس مصر التى يلقى فيها نظام مبارك كل الدعم من القوى الخارجيه وتحديدا الولايات المتحده ..لحماية مصالحهم ومصلحة اسرائيل

بالطبع لا يمكن نسخ تجارب الغير نتيجه لإختلاف ظروف كل بلد سواء ظروف داخليه او اوضاع دوليه

وكان تعليق العديد من الشباب الذى شاهد الفيلم بانه كان يمكن صنع تجربه مماثله فى مصر - بإختلاف التفاصيل نتيجه لإختلاف الظروف- لو كان تم العمل فى مصر طبقا لخطه شامله تجمع بين كل الفئات المشاركه فى التغيير
خطه شامله للتغيير مدروسة الخطى تجمع بين الشباب ومستخدمى الانترنت وأحزاب المعارضه ومنظمات المجتمع المدنى والحركات السياسيه والاحتجاجيه والاجتماعيه و المطلبيه
يكون معلوما كيفية توزيع الادوار

ولكن نحتاج للإجابه على اسئله كثيره

ما هو دور كل حزب وكل فصيل وكل مجموعه فى ذلك الاطار الشامل؟

وما هى الطريقه المثلى لإزاحة الخوف و نشر الايجابيه او على الاقل كسب التعاطف؟

وما هى الخطوه بعد جمع التوقيعات؟

وكيف تكون الضغوط؟

ومتى؟

وما هى الخطه فى الانتخابات التشريعيه؟

وما هى الخطه بعدها؟

وما هى الخطه فى الانتخابات الرئاسيه وما هى الخطه بعدها؟

وما هى الاحتمالات؟

وما هو الجمهور المستهدف سواء على الانترنت او الجامعه او الشارع؟

وما هى الرساله
وكيفية الوصول إليه؟

وكيفية تحريكه او على الاقل كسب تعاطفه... أو فى أسوأ الاحوال تحييده بحيث لا يصبح عائق جديد؟

كثيرون يعتقدون - وأنا منهم - أن د/محمد البرادعى وحده هو الذى يستطيع التوحيد ووضع الاطار الشامل كما فعل اول مره.. ولكن

إذا كان معظمنا يؤيد البرادعى - كوسيله و ليس هدف - وهناك قابليه من عديد من التيارات و المجموعات للالتفاف حوله .. ولكن ماذا لو رفض البرادعى ان يترشح؟؟

وهل عنده رغبه حقيقيه فى الترشيح؟؟

وماذا إن قرر الترشح و لم يتم تعديل مواد الدستور؟؟

هل من الممكن ان نعتبر ترشيحه عن طريق احد الاحزاب وسيله للتغيير.. أى نلعب من داخل المنظومه و يكون الحزب مجرد بوابه ليوفر المجهود؟؟

إذا لم فى نية د البرادعى الترشح فعليا للانتخابات و قرر ان يكون محفز للتغيير أو مناضلا مع الجماهير كما اعلن.. الا يجب العمل الجاد على التغيير والوصول للجماهير؟؟

اليس الوصول للجماهير فى ظل قانون الطوارىء يحتاج لمجهود شاق و تحركات مستمره فى المحافظات.. من دكتور البرادعى شخصيا و كذلك جميع المجموعات الباحثه عن التغيير؟؟

ماذا لو لم يترشح ولم يسمح سوى لبعض الممثلون بالترشح.. ماذا سنفعل؟؟

هل سنقاطع الانتخابات وفقط؟؟

ماذا سنفعل فى انتخابات مجلس الشعب؟؟

اليس تغيير قواعد اللعبه وضمان انتخابات نزيهه يتطلب مجهود كبير للضغط الشعبى والنخبوى؟؟

أليس يتوجب علينا اولا اقناع الجماهير بانها طرف فى المعادله؟؟

ومن هو الجمهور المستهدف لصناعة الكتله الحرجه؟؟

وما هو الخطاب الذى يجب ان نتوجه به اليه؟؟

وهل هناك فرق بين الخطاب من فئه لاخرى؟؟

الطريق صعب بالتاكيد لأننا نريد ان نغير ثقافه و نظام و تقاليد مترسخه منذ اكثر من خمسين عاما

ولكن لم يحاول احد من قبل - على حد علمى - فى رسم خطه شامله مفصله مدروسة الخطوات و الاحتمالات.

ومعظم الحديث بيننا حتى الان فى التفاصيل و التكتيكات

والعديد من هذه التكتيكات جميل و مفيد
وهناك ما تم تجربته بالفعل من قبل

لكن الاكثر فائده وجدوى ان تكون كل تلك التكتيكات الجميله ضمن اطار شامل و خطه مدروسة الخطوات

فهل نكون نحن البدايه؟

توضيح جاء وقته .. للمتسائلين أو المزايدين

2010-04-12T08:31:00.000+02:00

بالطبع لم نكن نتمنى أن يصل الحال الى ما هو عليه
لكنه وصل للاسف منذ كتابة ذلك البيان فى ذلك الوقت العبقرى
ولسنا نحن من احدثنا ذلك الشرخ العميق بين الشباب
بل هو ذلك البيان الذى بدأ بالشماته و التطاول ثم البيان التالى الى امتلأ بالمزايدات ذات النوايا السيئه

وكنا نعتقد ان البيان الاول سببه عدم الخبره بالعمل الجماهيرى و حداثة العمل السياسى
لكن البيان الثانى [جاء مخيبا للآمال وامتلأ بالمزايدات التى تدل على النوايا الغير بريئه واستمرار نبرة التعالى

لذلك اضطررنا لتوضيح المور حتى لا يستمر اللبس المتعمد كثيرا

ويشهد الجميع بأننا أول من طرح فكرة تأييد دكتور محمد البرادعى منذ اكثر من عام وقبل تصريخاته و غودته لمصر

ويشهد الله بأننا كنا أول من حاول المشاركه فى الحمله المستقله ولكن تم اقصاؤنا بصوره سيئه فاضطررنا لانشاء حملتنا المستقله لدعم البرادعى بطريقتنا و اسلوبنا

مع العلم بان تأييدنا للبرادعى كوسيله و ليس كهدف
أى ان البرادعى نعتبره وسيله للتغيير و ليس هدف للتقديس

ويشهد الله اننا حاولنا التنسيق مرارا و تكرارا ولكن كل محاولتنا للتنسيق قوبلت بالاستهزاء والاقصاء... بل و الضغوط احيانا لمنعنا عن الدعوه للبرادعى باسلوبنا المباشر فى الشارع بحجة التدرج و بحجة عدم تخويف الشباب الجدد من المضايقات الامنيه

مع ان التدرج لم يمنع الامن من مضايقة من التزموا بالارشادات و التعليمات المتدرجه

فلم يشفع التدرج لدكتور طه بالفيوم ولا لساره برنار فى البحيره ولا كذلك للمصريين بالكويت
وكذلك لم يكن سيحمى الشباب الذى ذهب للكاتدرائيه او لسيتى ستارز ولا كذلك لأى متدرج يتدرج بعد الأن

ومن العبث القول بان يوم المطار او المنصوره نجحا بسبب التدرج او التنظيم.. فاليومان لهما ظروف خاصه جدا والاحتكاك الامنى بهما كان سيكون لها عواقب وخيمه

ولكن هناك بعض الكلمات التى تم ترويجها بصوره خبيثه بغرض الاساءه للأشخاص الداعين لليوم والوارده اسماؤهم رسميا فى إنذار وزارة الداخليه.
فقد تسائل البعض إما بصوره عفويه ونيه حسنه وإما بغرض المزايده الخبيثه عن سبب عدم ظهورهم فى الموقعه فى ذلك اليوم

وهو تساؤل مشروع لو كان بغرض الاستفهام
وللإجابه يستطيع السائل استشارة أى من الساده المحاميين من أى مركز حقوقى وقانونى عن معنى وجود اشخاص المحرضين الرسميين الثلاثه ضمن القضيه
وما الفارق بين وجودهم فى القضيه وعدم وجودهم

عدم وجود الاسماء الثلاثه الوارده اسماؤهم رسميا فى رد الداخليه كان لمصلحة المعتقلين بالتأكيد فقط ولا غير

ومن يستشير أى محامى حقوقى من اى تيار سيعلم بالتأكيد ان عدم وجودهم فى القضيه مع زملاؤهم نسف القضيه من قواعدها وخصوصا وقد تم توجيه انذار رسمى من الداخليه لهم و بالإسم
وعدم وجودهم فى القضيه هو السبب فى الافراج السريع عن النشطاء.. حيث ان التظاهره الوارد ذكرها بالإنذار ليست هى ما حدث فعليا
ووجودهم كان سيجعل القضيه متكاملة الاركان و التهم التى وجهتها مباحث امن الدوله للمتظاهرين صحيحه من حيث انذار للداخليه بالإسم ثم تنفيذ التظاهره بالفعل.
وقد وضح هذا بووضح حرص ضباط الداخليه على القبض على المحرضين الثلاثه الوارده اسماؤهم رسميا بالانذار قبل اليوم و بعد اليوم الى ان تم اخلاء السبيل و حفظ القضيه فلم يعد هناك جدوى لاعتقالهم

ولا سبيل للمزايده على الاسماء الثلاثه باى حال من الاحوال و لا سبيل من السبل
فلا يوجد منهم من يهاب الإعتقال او التعذيب.. فمنهم من يمارس العمل السياسى الميدانى منذ 2003 ومنهم من تم اعتقاله لأكثر من خمس مرات ومنهم من قضى شهورا فى السجون و منهم من قضى فى الاعتقال ما يقرب من العام المتواصل ومن من رأى من صنوف التعذيب ما لا عين رأت ولا أذن سمعت.. وهناك من فقد مصدر دخله اكثر من مره واصبح على حد الكفاف.

ويعلم القاصى و الدانى استعدادهم للتضحيه عشرات المرات الاخرى بدون شكوى او كلل

ولذلك من الخطأ الشديد ان يزايد عليهم احد خصوصا لو كان حديث العهد بالعمل السياسى عموما

ولذلك نتمنى ان يتم اغلاق ذلك الموضوع و ذلك الخلاف و ان تخدم كل المجموعات وطنها بالاسلوب الذى تراه أمثل.

ليس حديثا عن المتدرجين او مدعى الحكمه ولكنه مجرد تحليل

2010-04-12T08:28:00.000+02:00

بعيدا عن الكلمات و البيانات التى يتم ترويجها حاليا سواء بحسن نيه أو بسوء نيه, فهناك الناصح الأمين الذى يبغى لفت أنظارنا للأخطاء التى وقعت بهدف تلافيها فى المرات القادمه وهذا هو ما نشكره ونقدره و نشد على يديه ونحمل له العرفان وننصت إليه ونعيد التقييم وخصوصا وإن إختار توقيتا مناسبا و اسلوبا مناسبا
.
وهناك من انتهز الفرصه ليبدا فى تسديد الطعنات فى وقت حرج .
ولا نستطيع ان نتدخل فى النوايا.. بل أطالب بإلتماس العذر لبعض المهاجمين
فبعضهم ليس له سابق احتكاك او خبره بتلك الاحداث أو اى عمل جماهيرى وبعضهم حديث العهد بالعمل السياسى المباشر ولا عجب من حديثه عن الفشل و التهور وعدم الجدوى.
ونلتمس له العذر حتى فى نشره للإحباط بين الشباب الصغير والتسفيه مما فعلوا
ولا عجب من زرعهم للفرقه و الشقاق بين المجموعات فى وقت حرج نحتاج فيه للتكاتف
ولا عجب من اختيار اسوأ توقيت لبياناتهم بما اصاب العديد من الشباب للإحباط ونقل اليهم الاحساس بأن ما فعلوه ليس له قيمه
ولا عجب من استخدام بعضهم لبعض التلميحات الخبيثه المقصوده بهدف النيل من الاخرين
وأيضا لا جدوى من محاولة اثنائهم عن نشر الاحباط وروح الهزيمه
فغرورهم المعروف عنهم و عنجهيتهم فى التعامل مع الاخرين وكذلك نقص الخبره فى العمل الميدانى والاحتكاكات المباشره وحداثة عهدهم بالعمل السياسى.. وكذلك سلوكهم الاقصائى الذى اعتدناه منهم سيحول دون تصحيحهم لما اقترفوه

وبعديا عن هذا كله لو بحثنا عن اهداف اليوم المعلنه لنقيس النتائج فسنجد أن الهدف المعلن لليوم كان أنه يمثل خطوه فى سلسلة من الانشطه المختلفه التى تتنوع بين الحملات الشعبيه للتوقيعات و العمل الطلابى و ايضا الاحتجاجى.. بالاضافه للعشرات من الخطوات والافكار الاخرى

وما فعله الشباب المشارك هو بطوله بكل المقاييس وسيحدث اليوم بالتأكيد اثرا عظيما فى الحياه السياسيه المصريه فى الفتره القادمه
بل سيتم بناء العديد من الاحداث و الانشطه بناء على نتائج ذلك اليوم
وهى نتائج معظمها ايجابى بالطبع

ويوم 6 ابريل 2010 كشف العديد من النقاط و سلط الضوء على العديد من الاداور للعديد من الاطراف بين النظام و المعارضه و ايضا سلط الضوء على بعض المشكلات الهامه فى القضيه و فى المفاهيم وبعض الصعوبات التى تم تجاهلها ... وهو ما سنتناوله فى تدوينه اخرى

فيوم 6 ابريل 2010 كان مجرد خطوه فى طريق الضغوط من اجل تعديل الدستور و تعديل ظروف الترشيح

وهو ما نجح فيه اليوم من اثاره للقضيه دفعت بالمجتمع الدولى للإهتمام والمتابعه مره اخرى بعد فتره طويله من التأييد التام لنظام مبارك

وبعد يوم 6 ابريل 2010 نستطيع اعلان أن النظام المصرى بدا يفقد احد اهم مسانديه و احد اهم مصادر قوته .. وهو التأييد الخارجى لتصرفاته الحمقاء بعدما استطاع ايهامهم ان الديمقراطيه فى مص تؤدى لعدم الاستقرار

واصبحت الرساله التى وصلت للعالم كله.. ان فى مصر ألاف من الشباب المصمم على نيل مطالبه
الالاف من عشاق الحياه
لا يرغبون سوى بتحقيق الديمقراطيه.. لا تصدقون مبارك بان الديمقراطيه تعنى عدم الاستقرار.. ولكن الاستبداد هو عدم الاستقرار الحقيقى
أما عن حديث بعض مدعى الحكمه بأن اليوم أفزع النشطاء من المشاركه .. فللأسف ربما يزعجهم أن العكس هو الواقع , فكل من شارك و تحمل الضرب و الارهاب على استعداد للمشاركه عشرات المرات بل ان تلك الاحداث حمست المئات الاخرين للمشاركه
وكل من نظم و شارك كان على استعداد لما حدث وكان معلوما ومتوقعا وقد وضح ذلك للجميع فى الدورات القانونيه التحضيريه لليوم

وكانت الرساله الهامه التى وجب توجيهها عمليا للجميع وخصوصا النشطاء الجدد بأن تغيير الدستور و تعديل قواعد اللعبه ليست نزهه كما يصورها مدعى الحكمه و دعاة التدرج

وأنه يجب الاستعداد و التدريب على المواجهه
وان يوم 6 ابريل 2010 لم يكن معركه كبرى .. بل هو معركه صغرى من ضمن عشرات المعارك تنتهى بالمواجهه الأخيره التى تفرض فيها ارادة الشعب
وان تحييد وسائل قوة الخصم (مثل جهاز الشرطه)لن تتم بالهروب منه و تلافى المواجهه معه و إنما ستتم إن وجد إصرارا و تصميما .. و الاهم هو الحشد الحقيقى و نزع الخوف المتغلغل و التوعيه الصادقه بالقظيه و اهميتها و اهمية النضال الحقيقى

الخوف هو العائق الحقيقى لمشاركة الجماهير
مفهومنا للمقاومه السلميه يدفعنا اصرارا و تصميما على المواصله.. بالتأكيد ليس بنفس الطريقه فقط .. فالاحتجاجات السلميه هى احد اهم الوسائل و لكن هناك العشرات من التكتيكات الاخرى
, فنحن نملك من المرونه ما يجعلنا نستطيع التوع و التدرج بين الوسائل و التكتيكات لتحقيق اهدافنا النهائيه.

وبالطبع لا نقصد بمفهوم التدرج نفس مفهوم مدعى الحكمه الجدد و إلا لإنتظرنا ثلاثون عاما اخرى من التدرج او لإنضممنا لاحد احزاب البشاوات التى تتدرج منذ السبعينات.
بالتاكيد ليس من حق احد الزامنا بأفكاره المتدرجه و خصوصا و انها قد فشلت فى حماية انشطة الاعضاء المتدرجين من بطش الامن.

قد نفاجىء الجميع ونعلن باننا لا نكن اى عداوه للمتدرجين و مدعى الحكمه الجدد مهما كانت نواياهم
بل ندعوهم لتقديم مثال ناجح للتدرج و التروى.. بل ندعوهم ايضا لعدم تكرار تجربتنا او اعداد نسخه اخرى منها مزال منها مفهوم المقاومه و مضاف اليه مفهوم التدرج و التروى و الصبر

تحيه لكل أبطال يوم 6 ابريل 2010 ممن شارك فى اليوم او شارك فى الاعداد او شارك فى الدعم القانونى او متابعة اليوم

تحيه لكل الشباب الذى تخلى عن خوفه و ساهم فى صنع حدثا سيؤثرا كثيرا فى الفتره القادمه

تحيه لكل من ضحى بوقته او عمله أو من تم التعدى عليه باى صوره من الصور

فكل مساهمه و لو كانت صغيره هى مؤثره بالتاكيد

وتحيه ايضا لكل من تخلى عن اليوم

العبد الفقير الى الله
احمد ماه

بيان حول التهديدات قبل يوم 6 ابريل 2010

2010-04-12T07:53:00.002+02:00

تتعرض حركة شباب 6 ابريل لتهديدات امنيه مستمره منذ تم الإعلان عن بدء أعضاء الحركه فى حملات جمع التوقيعات على بيان الجمعيه الوطنيه للتغيير فى الجامعات و الأحياء الشعبيه

بدأت تلك التهديدات بمحاولة إقتحام منزل مها الخضراوى . الطالبه بجامعة عين شمس.. وتهديد والدتها بضرورة إبعاد إبنتها عن السياسه . وهذا يعد انتهاك صارخ للقانون و لمعايير حقوق الانسان و حرية الممارسه السياسيه.وفى الاسكندريه وفى سياق متصل تعرض الطالب طارق خضر للإختطاف الغير قانونى من أمام جامعة الاسكندريه منذ يوم الخميس 25 مارس الماضى بسبب نشاطه فى الدعوه للتوقيع على بيان الجمعيه الوطنيه للتغيير بداخل جامعة الاسكندريه

وما زال محتجزا بصوره غير قانونيه حتى هذه اللحظه بمقر مباحث امن الدوله بالاسكندريه بالفراعنه بدون تهم و بدون إذن نيابه و بدون أى سبب و بدون أى سند قانونى.وبعد ذلك قام ضباط امن الدوله بالاسكندريه على رأسهم ضابط يدعى حازم نور الدين بزيارات غير قانونيه لمنازل عدد من اعضاء الحركه وقاموا كذلك بالاستدعاء الغير رسمى و الغير قانونى للاعضاء سميه على وخالد العنانى.. وكل من يرفض يتم تهديده و تهديد اهله بالخطف و التعذيب.وقد قام عدد من المحاميين بالأسكندريه و القاهره بتقديم بلاغات للمحامى العام بالاسكندريه و النائب العام بالقاهره تفيد وقائع الخطف لطارق خضر و التهديد الذى حدث لأهل سميه على و خالد العنانى.ولم تتحرك النيابه حتى الأن و كانها تبارك أفعال البلطجه الذى يمارسها جهاز مباحث امن الدوله بالاسكندريه.. وكانها تخلت عن دورها فى حماية المواطنين من بلطجة رجال الشرطه فى مصر.

وتعلن حركة شباب 6 ابريل انها لن تثنيها تهديدات جهاز مباحث امن الدوله الذى يعتبر الذراع العسكرى للحزب الوطنى الحاكم فى مصر عن مواصلة دورها فى التوعيه السياسيه للجمهور وحملات التوقيعات على بيان الجمعيه الوطنيه للتغيير وكذلك المطالبه بالحقوق السياسيه المشروعه والتحضير ليوم 6 ابريل 2010و تناشد حركة شباب 6 ابريل كل المنظمات الحقوقيه و القانونيه و كل نشطاء حقوق الانسان داخل مصر و فى كل دول العالم وجميع المنظمات الدوليه للتدخل و التضامن لوقف التهديدات التى تحدث من الحزب الحاكم فى مصر و جهازه العسكرى المسمى بمباحث امن الدوله ضد اعضاء الحركه.كما تناشد الحركه كل الاحزاب والتيارات السياسيه و أعضاء الجمعيه الوطنيه للتغيير للتضامن معنا ضد إرهاب جهاز امن الدوله.للمزيد من المعلومات

الجروب الرئيسى على الفيسبوك

http://www.facebook.com/group.php?gid=9973986703

البث التجريبى لموقع شباب 6 ابريل

http://6april.org

المجموعه البريديه لشباب 6 ابريل نرجوا الاشتراك الآن

http://groups.yahoo.com/group/shabab6april

/مدونة شباب 6 ابريل

http://shabab6april.wordpress.com

خدمة تويتر لشباب 6 ابريلاشترك على تويتر و اعمل تتبع لشباب 6 ابريلوتوصلك اخبارنا على طولhttp://twitter.com/shabab6april

الايميل الرسمى للحركه

shabab6april.mov@gmail.com

0102864919

تدوينه مقرفه فى يوم مقرف وسط ايام كتير مقرفه ... يلعن ابو كده

2010-01-20T23:26:00.000+02:00

التدوينه دى مش من ضمن اسهال التدوينات اللى شغال اليومين دول
دى مجرد سرد لملاحظات متراكمه ليوم سىء ضمن ايام سيئه بتعدى فى حياة الواحد
المفارقه الغريبه كانت الصبح وأنا رايح الشغل ... قعدت افتكر اسم مدونتى القديمه " عفريت منحوس" ... وافتكرت السؤال اللى اتسأل من صحفيين و باحثين و اصدقاء كتير فى السنين اللى فاتت
كان السؤال دايما ليه عفريت و ليه منحوس؟؟
كانت اجابتى وقتها ان المدونه اتعملت فى 2006 و كان ليا زمايل بيقولوا عفريت علشان كنت دايما راشق فى مجالات كتير ... عضو فى اكتر من حركه سياسيه و اكتر من حمله .. شغال فى شركه و كمان ليا مكتب صغير ليه شغل بعد الضهر.. بعمل دراسات عليا فى ادارة المشروعات الهندسيه و التخطيط
ومنحوس لإن مفيش حاجه من دول بتكمل للاخر
كنت امبارح الصبح بضحك على الاسم و بفكر اغيره ... عفريت مبسوط او عفريت اقرع ... أى اسم يتناسب مع المستجدات
لكن امبارح من الصبح وأنا عمال اخد صدمات ورا بعض خليتنى اعيد تفكير فى حاجات كتير
كانت اول صدمه لما روحت الشغل ولقيت ان فيه خبر انتشر ان الزياده فى المرتب هاتتصرف لادارة التخطيط الشهر ده ... قولت اخيرا .. بقالى سنه و نص مستحمل قرف الشغل علشان خاطر الزياده دى.
كانت الصدمه لما عرفت ان كل المهندسين اللى معايا زادوا بما فيهم الجداد الا انا تقريبا
طيب ليه ؟؟؟ دا السؤال اللى سألته للمدير الجديد اللى كان من فتره بسيطه زميل ليا فى نفس الاداره
علشان انت مش مركز و كل يوم بتفتح اللابتوب و تدخل على الفيسبوك وكمان بتاخد اجازات ولما كنت بتسافر الصعيد كنت بتعمل حاجات تانيه غير الشغل و تقابل زمايلك فى الحركه وبترجع من الصعيد مش مظبط شغلك ... ده كان رده
طيب و البهدله و السفر للصعيد بصوره شبه اسبوعيه و السهر و التعب ... كل ده مايشفعش؟؟
كل زمايلك فى نفس القرف مش انت لوحدك ومحدش منهم بيشتكى
وقعدنا فى جدال و رغى بدون اى نتيجه
انت كده بتقوللى امشى .. ... دا كان اخر تعليق ليا
اللى يريحك ... دا كان اخر تعليق ليه
يمكن كلامه كان فيه جزء كبير صح علشان كده مفكرتش فى الجدال لفتره اطول وان كنت متضايق انى مستحمل الشغلانه دى رغم انها بتستهلك وقت ومجهود ذهنى كبير وفى الاخر .. مفيش تقدير
الموضوع مش موضوع فلوس ..لو الواحد كان عايز فلوس كان عمل ايام المكتب.. بس أنا بتكلم عن التقدير
بس عموما السوق واسع و اكيد هلاقى وظيفه وقتها يسمح بالاهتمام بالسياسه و الدراسه

كانت الصدمه التانيه فى الدراسات العليا اللى بقالى 5 سنين مش عارف اخدها
الامتحانات بدأت يوم السبت اللى فات .. يالسخرية القدر
ازاى نسيت و ازاى ماذاكرتش ... مش عارف

والصدمه التالته كانت من بعض الاصدقاء المعتقلين بنجع حمادى
كعادة الوسط السياسى فى مصر .. يحصل سوء تفاهم و تلاقى واحد خبيث او مريض ياخد واحد على جنب و يرجع فى ودانه اى كلام فارغ
والتانى يسخن و يصدق او يفترض سوء النيه بدل افتراض حسن النيه
ويدخل اللى يسوى و اللى مايسواش يسخنوا الموضوع ... وتلاقى واحد مالوش دعوه بالليله اساسا بس بقاله سنين نفسه فى فرصه يشمت او يشتم
وتقوم حريقه من لا شىء
والناس تشيل من بعض والمشاعر الجميله اللى كانت من كام يوم تتحول لشىء اخر قبيح
ويتم تغليب سوء النيه على اى شىء و تسمع تفسيرات مريضه
واى حاجه كويسه تعملها تلاقيها تتفسر بنظرية المؤامره بدون اى محاوله للتفكير المنطقى او البحث عن الاسباب او التعليل او التأكد من الشائعه

لقيت نفسى بقول طب انا استفدت ايه من كل ده
وصلت لفين
عملت ايه
وبعد ده كله لا شغل ولا دراسات عليا ولا استقرار اسرى
مرتبى نظريا كبير لكن غرقان فى الديون لأسباب كتير
عندى خبره فى شغلى عاليه لكن الوضع زى ما هو ... حتى السياسه شكلها مفيش امل
الواحد لما يعمل حاجه تلاقى الف واحد يبوظهالك .. و لما مايعملش يسمع كلام مالوش لازمه
مزايدات لما تعمل و مزايدات لو ماعملتش

كتير بقعد اقول يلعن ابو السياسه على ابو اللى يفكر يشتغل فيها

بقت الناس بدل ما تتعاون مع بعض .. تلاقيهم متبنيين نظرية المؤامره و التفسيرات الغير منطقيه و بقت السياسه فى مصر اشبه بالمستنقع ومحدش بيهرب منه ... وفى الاخر بنكسر مجهود بعض و نتفرغ لتدمير بعض
مش هاقول انا الملاك اللى فى السياسه
انا كمان دخلت فى القرف اللى موجود و بقيت جزء منه

كان زمان لما الواحد بيخسر شغل كان بيقول معلش .. اهو الواحد عمل حاجه كويسه للبلد و بيحاول يغير
ولما ما اعرفش اكمل فى الدراسات اقول معلش اهو الواحد عمل حاجه تانيه كويسه
حتى السياسه شكلها مفيش فيها امل ... مجرد هم ووجع دماغ و تعب اعصاب وديون و مشاكل ومخاطره وخساره للأصدقاء
تفتكروا على الفاضى؟؟؟ ولا يمكن فيه امل؟؟؟

حاجات لازم اقولها .. يمكن اعرف انام

2010-01-18T16:18:00.000+02:00

يمكن كان فيه ناس شايفين إنى مش مهتم .. و يمكن كان فيه ناس شايفين اننا ماعملناش اللى المفروض يتعمل
ليهم حق فعلا فى اننا ما عملناش اللى المفروض يتعمل
لكن محدش كان متوقع ان الأمن يكون بالغباء و التخلف ده
كان كل الناس متوقعين ان الاجهزه السياديه بالدوله(او هكذا يطلقون عليها) و أمن الدوله هايخرجوا الناس اخر النهار بعد ما مفتى الحزب الوطنى يمشى بعد اداء مسرحيته الهزليه المكرره

علشان كده يمكن الناس افتكروا انى مش مهتم
لأنى كنت بقول انهم هايخرجوا اكيد اخر النهار
ويمكن لإن العربيه عملتها كالعاده و بهدلتنى و فرجت عليا الشارع وانا رايح الوقفه واخرتنى عن المعاد

ما علينا
بس انا بجد حزين و مش عارف انام رغم انى معروف عنى النوم السريع فى اى وقت
نفس الاحساس بالكأبه و الحزن يوم ما تم اعتقال اخواتى يوم 6 ابريل 2008
كنت يومها حاسس بالذنب قوى خصوصا تجاه اسراء و أحمد بدوى
اسراء لانى ورطتها و كانت قبل 6 ابريل لما بتقولى انا قلقانه يا احمد كنت بقولها ماتخافيش محدش هايعتقلك لأنك بنت .. أنا اللى هاتمسك مش انتى
وفى الاخر هى اللى اتمسكت مش انا

وبدوى لأنه قبل 6 ابريل بأيام كان لسه متعين فى وظيفه جديده فى شركه كبيره و كان بيقوللى مش عايز اخسر وظيفتى واتحبس
ولما لقيته فجأه تحمس للدعوه للاضراب فرحت جدا و قعدت اشجعه و اطمنه

يوم ما اتمسكوا يوم 6 ابريل كنت فى قمة الحزن
حاسس بالضياع
نفس الاحساس اللى انا فيه دلوقتى

حسيت وقتها ان اسراء غاليه عندى جدا
وبدوى كأنه اخويا و كنت بحب اخلاصه للقضيه من ايام 2005
وكنت حاسس بالذنب يوم ما اعتقل

وكنت حاسس بحزن رهيب
ودلوقتى حاسس نفس الاحساس

كنت بقول انا كان لازم اكون معاهم جوه
يمكن كان اللى مصبرنى فى 2008 انى كنت بره عارف اكمل و ان الشباب اللى اتجمعوا على جروب الاضراب ما اتفرقوش و قدرت اعمل مشروع تكوين حركه شبابيه مستقله بمساعدة الشباب اللى انضم لجروب الاضراب
الحلم اللى كان عندى من سنين

لكن حاسس ان المره دى اصعب كمان
فيها ناس تانيه معتقلين و غاليين عليا

زى باسم فتحى
نصى التانى
اللى مهما اختلفنا .. بحبه جدا و هايفضل على طول ... نصى التانى
وهايفضل اغلى صديق ليا مهما حصل

المره دى فيها وائل عباس
اللى لا يمكن انسى دوره فى صناعة حركة 6 ابريل اعلاميا و مساندته ليا و للحركه من اول يوم

باسم سمير
المخلص لمبادئه و افكاره وابو دم خفيف و كلامه مايتشبعش منه

ناصر
المحترم و الجدع و اللى تفكيره منظم وجاد جدا رغم انه ساعات بيعقد الدنيا شويه

مصطفى النجار
وده بالذات اسطوره فى الاحترام و الادب و مثال جميل للاسلامى المنفتح على الاخرين و المحترم لكل المختلفين معاه

سلمى
دى بجد بنت جميله جدا
صغنونه و هاديه لكن بتلاقيها جدعه و فى كل مكان و نشطه و بتخدم فى اى قضيه بكل طاقتها

شاهيناز
اسكندرانيه جدعه بجد
قابلتها مرات قليله
لكن فى كل مره بلاقيها بنت جدعه و كانت من اوائل الناس اللى حركوا الدنيا فى مصر بتدويناتهم و كتابتهم

كل الناس المعتقلين

نفسى كلامى يوصلهم

نفسى يعرفوا انى بحبهم كلهم
وانى كان نفسى ابقى معاهم
وانى هابذل كل جهدى و انا بره علشان اخفف عنهم و اقصر مدة وجودهم جوا

نفسى اى حد منهم اختلفت معاه قبل كده يسامحنى و ينسى
على الاقل لغاية ما يخرج و نبقى نكمل خناقاتنا بعدين

إعلان وثيقه القاهرة يشعل شرارة : بناء حركة موحدة

2010-01-18T16:17:00.000+02:00

إعلان وثيقه القاهرة يشعل شرارة : بناء حركة موحدة
10 يناير 2010

ما حدث خلال الأسبوعين الماضيين في مصر يمكن ان يعتبر اكبر مساهمة عالمية لبناء حركه موحدة الجسور قضايا العدالة الاقتصادية والاجتماعية ، والسياسية لجيلنا.

تجمع أكثر من 1300 من الأجانب في محاولة لدخول غزة وكسر الحصار العسكري ونحاول ان نظهر للعالم الواقع الوحشي للسجن الواقع , و الذي يتعرض له 1.5 مليون فلسطيني يوميا. و لقد منعنا بالقوة من قبل الحكومة المصرية حتى من مغادرة القاهرة للسفر الى الحدود بين مصر و غزة ، تحت ضغوط مكثفة من الولايات المتحدة واسرائيل.
مظاهرة ضخمة تحولت إلى نوع من التقارب الدولي ، وليس من المستغرب أن عندما ينضم المنظمون معا، فانهم ينظمون!

طوال الأيام الطويلة التي قضيت في القاهرة ،جرت مباحثات قويه و جذريه بين ممثلين من حوالي 40 بلدا ، وحركة دولية قد تولدت من جديد ، مسترشده بمبادئ جديدة.

كما هو الحال في أي حركة جماهيرية ، وخاصة القوات البصيرة الظهور ، في هذه الحالة ، فإن هذه الرؤية جاءت من وفد من جنوب افريقيا.

ما يطلق عليه إعلان القاهرة لديه إمكانات حقيقية لإعطاء تعريف خطير لحركتنا السياسية ، والآن يتركز حول "الفصل العنصري الإسرائيلي." اللغة تأتي مباشرة من مؤتمر نقابات جنوب افريقيا ، ومؤتمر نقابات عمال جنوب أفريقيا (الذي شعاره هو "إصابة واحدة هي ضرر للجميع "). الرسم على تاريخ طويل من النضال في جنوب افريقيا ، التي لديها الشجاعة والوضوح في استخدام لغة محددة للغاية حول حقيقة أن الفكر السائد الذي يوجه السياسات الإسرائيلية والصهيونية ، هو بطبيعته العنصرية ، وهو السبب الجذري للصراع ، الاحتلال والقمع والعنف في فلسطين. وفقا للإعلان ، فإنه من خلال العمال ، وليس مجرد مستهلكين ، أنه من الضروري لتنظيم حملة عالمية من المقاطعة وسحب الاستثمارات وفرض العقوبات (خدمات تنمية الأعمال التجارية). واضعوا الإعلان نعتقد أن المقاطعة يجب أن تأتي على جميع نقاط التقاطع في الاقتصاد حيث يتم إدخال السلع والبضائع الإسرائيلية ؛ العمال المشاركين في الشحن والمناولة ، والتجزئة ، والاعلان يجب ان يكون منظم ليحدث أكبر تأثير.

إعلان القاهرة والحركة التي ولدت كان متميزا و تأثرت بمشاركه النقابيين بجنوب افريقيا ، وبعضهم يصف الفصل العنصري الإسرائيلي في فلسطين ، بالخسيه اكثر من نظام الفصل العنصري في جنوب أفريقيا. وحول تنظيم هذه المسألة ، الآن مؤطرة في ضوء جديد ، وأكثر ملاءمة للعنصرية والتمييز العنصري الواضح و هو نداء من أجل التضامن الدولي . بوصفهم مواطنين عالميين ملتزمين بالعداله في جميع أنحاء العالم مشاركتنا تعتبر في غاية الأهمية في الكفاح العالمي ضد نظام الهيمنة في فلسطين ، الأمر الذي يتسبب في مستويات مذهلة من القهر والمعاناة. هذه فرصة استثنائية لتثقيف وتنظيم عبر الحدود وعبر خطوط الصناعة لخلق صلات أكثر عمقا من أي وقت مضى في جميع أنحاء العالم. قبل كل شيء ، ونحن مضطرون للقدوم إلى مساعدات أفراد مجتمعنا العالمي الذين طلبوا مساعدتنا.

ما يمكن قوله هو ان النار فد تم اشعالها ، ويوما بعد يوم ، الموقعين على هذا البيان في تزايد مستمر من جانب الآلاف. نحن ندعوك إلى الانضمام إلينا في التوقيع على إعلان القاهرة و التضامن مع الفلسطينيين في كفاحهم من أجل التحرر وحلفائها في جميع أنحاء العالم. كما قال نيلسون مانديلا ، "... حريتنا ناقصة من دون حرية الفلسطينيين".النشطاء الذين كانوا مجتمعين في القاهرة الاسبوع الماضي نشطاء في فلسطين ، وجنوب أفريقيا وفرنسا وجميع أنحاء العالم ، ينبع من الاعتقاد بأن هذا هو نضال مشترك ، وأنه حان الوقت الآن للتنظيم

As we return home after an historic gathering and protest in Cairo, energized by the momentum our global movement has created, we seize the moment to remind Israel and the governments that protect her that our resistance is more powerful than ever, and swelling.

Our convergence in Cairo at the beginning of 2010 produced a document, the Cairo Declaration (www.cairodeclaration.org)

, and a unique international structure for coordinated actions. We want not just a moment, but a movement, and the Cairo Declaration provides the framework with which to move forward.

In order to keep the momentum going throughout this global network we call on all to organize demonstrations, vigils or other forms of protest at Israeli embassies and consulates around the world on the weekend of January 16-17 to continue to mark the anniversary of last year’s devastating 3 week brutal assault on Gaza. The purpose of these actions is to demonstrate global solidarity with Palestinians. Thus any action, no matter how small, would contribute significantly to this message.

Take this opportunity to widely distribute the Cairo Declaration and to involve as many organizations and individuals as possible. In order to highlight the global character of this movement, we ask that you register your actions at the following link. This site will also allow you to see actions that are already planned in your region and show your local media that you are taking part in a coordinated protest worldwide:

http://salsa.democracyinaction.org/o/424/p/salsa/event/common/public/index.sjs?distributed_event_KEY=548
Free, free Palestine!

الأن ونحن نستعد للعودة الي أوطاننا بعد اللقاء التاريخي والاحتجاج في القاهرة الذي ولد فينا حماس وطاقة من خلال حركتنا العالمية، ننتهز الفرصة لتذكير إسرائيل والحكومات التي تحميها ان مقاومتنا هي أقوى من أي وقت مضى وهي في إزدياد..

وقد أثمر تفاعلنا وتجمعنا سوياً في القاهرة في مطلع عام 2010 عن إصدار وثيقة إعلان القاهرة
(www.cairodeclaration.org)
، وتشكيل هيكل فريد لاتخاذ إجراءات دولية منسقة. نحن لا نريد مجرد لحظة ، ولكن حركة ، وإعلان القاهرة يوفر إطار العمل الذي نتحرك به إلى الأمام.

من أجل الحفاظ على استمرار الزخم في جميع أنحاء هذه الشبكة العالمية، فإننا ندعو الجميع لتنظيم المظاهرات ، والاعتصامات ، أو غيرها من أشكال الاحتجاج أمام السفارات والقنصليات الاسرائيلية في جميع أنحاء العالم في عطلة نهاية الأسبوع من 16-17 يناير لمواصلة إحياء الذكرى السنوية للإعتداء الإسرائيلي الوحشي على قطاع غزة الذي إستمر 3 أسابيع فيالعام الماضي. والغرض من هذه الأنشطة هو إظهار التضامن العالمي مع الفلسطينيين.وبالتالي أي عمل ،مهما كان صغره، من شأنه أن يساهم بشكل كبير في هذه الرسالة.

أنتهز هذه الفرصة لنشر إعلان القاهرة علي أوسع نطاق وإشراك أكبر عدد ممكن من المنظمات والأفراد. من أجل إبراز الطابع العالمي لهذه الحركة ، ندعوك لتسجيل الأنشطة الخاصة بك على الرابط التالي. هذا الموقع سوف يتيح لك الإطلاع علي الأنشطة التي سيتم تنفيذها في منطقتكم وتعريف الإعلام المحلي بمشاركتكم في إحتجاج منسق دولياً:
http://salsa.democracyinaction.org/o/424/p/salsa/event/common/public/index.sjs?distributed_event_KEY=548

حرروا حرروا فلسطين

لا للصفقه المشبوهه

2010-01-18T16:15:00.000+02:00

لم يعد هناك أى مجال للشك فى وجود صفقه مشبوهه بين النظام المصرى و الاداره الامريكيه تقتضى ان تكثف الحكومه المصريه الحصار على غزه بكل الوسائل بما فيها الجدار الفولاذى و مقابل ذلك يتم تسهيل مشروع التوريث و يتم غض الطرف عن قمع المعارضين فى مصر

وفى سبيل التوريث و بقاء الحزب الحاكم فى السلطه اصبحت مصر مجرد راعى للمصالح الامريكيه و مجرد حامى لإسرائيل

وفى ذكرى مرور عام على القصف الوحشى لغزه ... قرر المئات من الننشطاء فى اكثر من 40 دوله القيام بأنشطه مختلفه للتذكير بالعدوان و التذكير بالقضيه فى مختلف دول العالم فى يومى 16 و 17 يناير

ولذلك فندعوكم لوقفه صامته بالشموع فى ميدان طلعت حرب و ذلك يوم السبت الموافق 16 يناير فى تمام الساعه السادسه مساء

وذلك لإحياء الذكرى .. كى لا ننسى
وللتعبير عن رفضنا لصفقة الجدار الفولاذى المشبوهه التى تحمى أمن اسرائيل و تطيل بقاء الحزب الوطنى فى السلطه و لا عزاء للشعوب

والدعوه يتشارك بها العديد من شباب القوى السياسيه المختلفه

لا للصفقات المشبوهه لتمرير التوريث
لا لخداع الشعب واستغلال حجة السياده المصريه من اجل البقاء فى السلطه
لا للمشاركه فى حصار الشعب الفلسطينى من اجل ضمان امن اسرائيل

من فضلك
انشر الايفينت
http://www.facebook.com/event.php?eid=247217816526

• شباب 6 ابريل
شباب بيحب مصر

للمزيد من المعلومات

الجروب الرئيسى على الفيسبوك
http://www.facebook.com/group.php?gid=9973986703

الموقع الرسمى للحركه
• http://6april.org
•

المجموعه البريديه لشباب 6 ابريل نرجوا الاشتراك الآن
http://groups.yahoo.com/group/shabab6april/

خدمة تويتر لشباب 6 ابريل
اشترك على تويتر و اعمل تتبع لشباب 6 ابريل
وتوصلك اخبارنا على طول
http://twitter.com/shabab6april

الايميل الرسمى للحركه
shabab6april.mov@gmail.com

0102864919

0110479445

حركة شباب 6 ابريل ترحب بمقاطعة احزاب الوفد و التجمع و الناصرى لمؤتمر القله المندسه

2009-10-23T15:59:00.000+02:00

حركة شباب 6 ابريل ترحب بمقاطعة احزاب الوفد و التجمع و الناصرى لمؤتمر القله المندسه

رحبت حركة شباب 6 ابريل بمقاطعة احزاب الوفد و التجمع و الناصرى لمؤتمر الحركه الثانى الموازى لمؤتمر الحزب الوطنى و الذى يحمل عنوان مؤتمر القله المندسه . هنا القاهره و ليس الجابون و الذى يعتبر اولى مشاركات الحركه عمليا فى الحمله المصريه ضد التوريث تحت قيادة منسقها الدكتور حسن نافعه

و ذكرت الحركه فى بيانها انها تشكر تلك الاحزاب على مقاطعتها لمؤتمر القله المندسه وخصوصا بعد ذكرهم لحجج واهيه عن مشاركة عبدالحليم قنديل "رغم عدم مشاركته من الأساس" او عدم اهمية مؤتمر الحزب الوطنى.. وان تلك الاحزاب هى التى افسدت الحياه السياسيه فى مصر و افسدت اجيال كامله و اصابت آلاف الشباب بالاحباط بسبب خنوعها و صفقاتها مع الحزب الوطنى من اجل الفوز ببعض المقاعد البرلمانيه وخروجها عن اجماع باقى المعارضه.

و الجدير بالذكر ان الحركه سوف تعقد مؤتمر القله المندسه الثانى فى اواخر اكتوبر الحالى تحت عنوان هنا القاهره و ليس الجابون و يتكون من مؤتمر افتراضى على الانترنت لمدة ثلاثة ايام و ينتهى بجلسه ختاميه على ارض الواقع و يستضيفها حزب الجبهه الديمقراطيه فى مقره بالمهندسين بعد رفض نقابتى الصحفيين و المحاميين و عدد من الفنادق و المسارح بسبب رفض الجهات الأمنيه.

وسوف يتحدث المؤتمر فى عدد من المحاور مثل الاقتصاد و التعليم و الصحه و الاسكان و حقوق الانسان و يستضيف عدد من الشخصيات السياسيه و الاكاديميه سواء على المؤتمر الافتراضى على موقع الحركه او فى الجلسه الختاميه مثل د.أيمن نور و د. اسامه الغزالى حرب و النائب محمد انور السادات و المهندس ابوالعلاماضى ود.ممدوح حمزه و د.يحى الجمل و جورج اسحاق و الاستاذه سكينه فؤاد و الاستاذ جمال عيد وأحمد سيف الاسلام
ونادر فرجانى - جلال أمين - إلهامى الميرغنى – جودة عبد الخالق و فهمى هويدى – وإبراهيم زهران – والسفير إبراهيم يسرى والعديد من الشخصيات العامه و الاكاديميه و السياسيه

كما بدات الحركه فى تجهيز طرحها الخاص للخروج من الازمه الحاليه و الذى سيكون مفاجأه الحركه التى سيتم تقديمها فى المؤتمر الذى يعتبر تعتبره الحركه اولى مشاركه عمليه فى الحملة المصريه ضد التوريث .

للمزيد من المعلومات

الجروب الرئيسى على الفيسبوك
http://www.facebook.com/group.php?gid=9973986703

البث التجريبى لموقع شباب 6 ابريل
http://6april.org

المجموعه البريديه لشباب 6 ابريل نرجوا الاشتراك الآن
http://groups.yahoo.com/group/shabab6april
/

مدونة شباب 6 ابريل
http://shabab6april.wordpress.com

خدمة تويتر لشباب 6 ابريل
اشترك على تويتر و اعمل تتبع لشباب 6 ابريل
وتوصلك اخبارنا على طول
http://twitter.com/shabab6april

الايميل الرسمى للحركه
shabab6april.mov@gmail.com

0102864919

0110479445

عصر انهيار السكه الحديد .. المصرى اللى على حق يقول للغلط لأ

2009-10-23T15:57:00.000+02:00

عصر انهيار السكه الحديد .. المصرى اللى على حق يقول للغلط لأ
المصرى اللى على حق يقول للتوريث لأ
لشلة جمال من رجال الاعمال لأ

قرفونا بالإعلانات اللى بتبشر بعهد جديد لسكك حديد مصر و انها هاترجع نضيفه و منضبطه زى أيام الانجليز و يمكن أحسن شويه

و فرحانين بصفقة الجرارات العملاقه اللى تم شراءها مؤخرا
و بدأ التبشير بإنتهاء عهد تأخر مواعيد القطارات و إن خلاص مابقاش فيه جرارات بتعطل

والحق يقال ... بالفعل من اول ما الجرارات العملاقه دخلت الخدمه فى السكه الحديد و المواعيد بالفعل اتظبطت
و لكن النظام الفاشل كما كان
لو دخلت احد القطارات الفاخره اللى تذكرتها من بخمسين جنيه من القاهره للاسكندريه أو ب 150 من القاهره لأسوان هتلاقى دايما مشاكل من عينة التكييف اللى عطلان لدورات المياه ذات الرائحه الفائحه لعدم نظافة عربات القطار من الداخل لعدم القدره على اغلاق الابواب بسبب تآكل المفصلات احيانا
دا طبعا غير الفيران اللى ساعات بتجرى فى القطر و بتسبب ذعر بين الركاب وطبعا سرقة الشنط

اللى فات ده فى الدرجات الفاخره

تخيل بقى قطار الغلابه بيبقى عامل ازاى ... و قطر الغلابه ده بيسموه مميز علشان شالوا الكراسى الخشب و استبدلوها بكراسى من الفايبر و البلاستيك شكلها انضف لكن غير مريحه
فى قطارات الغلابه طبيعى جد انك تلاقى الناس واقفين فوق بعض واحيانا متشعبطين حتى لو القطر رايح اسوان
و كلمة دورة مياه بتبقى غريبه جدا لعدم وجودها اساسا... انت هتلاقى صحيح باب مكتوب عليه w c لكن يا إما هتلاقيه مليان قذاره بطريقه مفزعه
يا اما هتلاقى الناس ناسيين انها كانت دورة مياه اساسا وقاعدين فيها لعدم وجود مكان بديل
حتى لو فيه موسم أو عيد أو وقت صيف أو سفر أو دراسه ... برضه هتلاقى عدد القطارات ثابت و مش بيزيد
و الخدمه و النظافه من سىء لأسوأ
ويوم ما يشتروا جرارات عملاقه يقعدوا يذلونا بيها و يعملوا اعلانات تتكلف ملايين
الكارثه اساسا طلعت فى الجرارات دى
تم توريدها بدون دراسه تأثيرها على التربه و السكه الحديد نفسها
جرارات وزنها 180 طن بتجرى بسرعه على السكه الحديد اللى كانت شايله الجرارات اللى وزنها 100 طن بالعافيه
بالتأكيد أول ما اشتغلت الجرارات العملاقه الجديده المواعيد اتظبطت لمدة كام شهر
وطبعا التربه اللى تحت السكه انهارت مع الشغل بمرور الوقت و خصوصا انها من ايام الانجليز
و مع الهبوط للتربه سببت مشاكل لكل القطارات .. وبدات اعمال الصيانه اللى مش بتحصل غير بعد الكوارث
حقن للتربه و استبدال التالف من السكه الحديد ... و الكارثه هى رجوع الجرارت القديمه للعمل تانى و بطء حركة سير القطارات.
ولا حد درس ولا حد شاف تأثير الوزن و الاهتزازات
الحاج منصور شيفورليه وزير النقل بتاعنا كل اللى كان يهمه انه يستورد جرارات غاليه من جنيرال موتورز اللى هو اساسا صاحب توكيلاتها فى مصر
و ينزل حمله اعلانيه ضخمه يكمل بيها اشتغالات برنامج السيىء الرئيس الانتخابى

فكر جديد و عبور للمستقبل ... على سكه متهالكه و اساس لا يتحمل

يعنى ايه القله المندسه

2009-10-23T15:46:00.000+02:00

أكيد سمعت المصطلح ده قبل كده

القله المندسه

بتسمعه فى النشره او بتقراه فى الجرايد بعد الاحداث الكبيره

لما بتلاقى تزوير فاضح للإنتخابات و تلاقى ناس بتعترض .. تلاقى حكومة الحزب الوطنى تقولك دول قله مندسه

و لما تلاقى ناس تعترض على زيادة الأسعار تلاقى حكومة الحزب الوطنى بتقول فى اجهزة الاعلام إن دول قله مندسه

و لما تلاقى ناس بتقف ضد الظلم برضه يقولوك سيبك منهم دول قله مندسه

و لما تلاقى ناس بتطالب بحقوق الناس و تفضح فساد رجال اعمال الحزب الوطنى برضه هايقولوك عليهم دول قله مندسه

العمال و الموظفين و المدرسين اللى بيطالبوا بحقوقهم كل يوم ... هايقولوك عليهم قله مندسه

و كل الاحزاب و الحركات و التيارات من اليمين لليسار
الوفد و التجمع و الناصرى و الغد و الجبهه
الاخوان المسلمين و كفايه
شباب 6 ابريل
كل التيارات و الافكار
ليبراليين و اشتراكيين و ناصريين و اسلاميين

برضه حكومة الحزب الوطنى بتسميهم قله مندسه

حتى آلاف العمال و آلاف الموظفين اللى بيعملوا اضرابات كل يوم علشان يطالبوا بحقوقهم المشروعه .. بيقولوك عليهم دول قله مندسه

رغم إن الاغلبيه اللى بيزعمها الحزب الوطنى ... جايه أساسا من تزوير الانتخابات و البلطجه و استغلال موارد الدوله بطريقه غير مشروعه

إحنا بقى قررنا نجمع كل القله المندسه فى مكان واحد

لو انت مندس زينا شارك معانا

لو انت من القله المندسه اللى بيقولوا عليها ... يعنى سياسى معارض من اى تيار و بتعانى من الظلم و الاضطهاد السياسى .. أو حتى ماليكش فى السياسه .. سواء طالب مش لاقى تعليم كويس أو موظف بتقبض مرتب مش بيكفى المواصلات .. أو عامل مهضومه حقوقك
أو مواطن اتعرض للظلم فى التعامل مع ظباط الداخليه.. يبقى انت من القله المندسه زينا

شارك معانا فى مؤتمرنا

مؤتمر القله المندسه الثانى ...الموازى لمؤتمر الحزب الوطنى

تحت شعار
هنا القاهره و ليس الجابون

للمزيد من المعلومات

تابعونا

الجروب الرئيسى على الفيسبوك
http://www.facebook.com/group.php?gid=9973986703

البث التجريبى لموقع شباب 6 ابريل
http://6april.org

المجموعه البريديه لشباب 6 ابريل نرجوا الاشتراك الآن
http://groups.yahoo.com/group/shabab6april/

مدونة شباب 6 ابريل
http://shabab6april.wordpress.com

خدمة تويتر لشباب 6 ابريل
اشترك على تويتر و اعمل تتبع لشباب 6 ابريل
وتوصلك اخبارنا على طول
http://twitter.com/shabab6april

الايميل الرسمى للحركه
shabab6april.mov@gmail.com

0102864919

0110479445

☺♠○•○•○•○•○•○•○•○•○•○•○•○•

○•○•○•○•○•○•○•○•♠
☺♠"ـــــــــPLEASE & PLEASE" INVITE YouR FRIEND'Sــــــ☺♠
☺♠ـــــــــــــــــــWE NeeD MORE MEMBERSـــــــــــــــــــ☺♠
☺♠○•○•○•○•○•○•○•○•○•○•○•○•○•○•○•○•○•○•○•○☺♠

╔═════════════════╗
║ INVITE ALL YOUR FRIENDS ║
╚═════════════════╝

ياريت كلنا نتبع الخطوات الاتية:
1 - انضم للايفينت بالضغط على
http://www.facebook.com/event.php?eid=140367322450

ثم
attending
في اليمين تحت الصورة.

2 - اضغط على
Invite People to come
في اليمين تحت الصورة.

3 - اختار كل الاصدقاء في قائمتك

4 -اضغط على
Send invitation

5- وكمان ما تنساش تنشر الايفينت على الوول بتاعك فى خطوه واحده عن طريق الضغط على
share
تحت الصوره على اليمين

6- شكرا
thank you

كل واحد يخللى باله من بنيته التحتيه

2009-08-23T12:40:00.000+02:00

البرادعه و التيفود و الصرف الصحى و الصعيد .. كله داخل على كله
و كل واحد يخللى باله من بنيته التحتيه ..أصل الحكومه خلاص نفضت

كنت الاول ناوى اكتب تدوينه عن شرح لبعض المصطلحات و المشكله اللى بتحصل فى مصر دلوقتى من انتشار التيفود و الكارثه اللى مصر مقبله عليها بسبب عشوائية التخطيط

لكن لقيت انى لازم احكى القصه من البدايه .. أو احط مقدمه ممكن ماتشوفش ليها لازمه لكن لازم احط تسلسل الاحداث

البدايه لما كنت فى اعدادى هندسه فى 1997 أيام ما كان قسم مدنى من افضل اقسام الهندسه و كان دخول قسم مدنى بيعتبر حلم كبير
وقتها كان لسه مفيش هندسة كمبيوتر و كان قسم هندسة الاتصالات بدأ يكون ليه اسم كبير

و قسم الهندسه المدنيه يحتوى على عشرات التخصصات
تندرج تحت تخصصين رئيسيين

الانشاءات و يندرج تحتها تصميم وكذلك تنفيذ المنشئات الخرسانيه... و المنشئات المعدنيه.. و الكبارى... و الانفاق... و ميكانيكا التربه... و تصميم الهياكل الانشائيه ... و ادارة المشروعات الهندسيه

و قسم الاشغال العامه و يندرج تحتها تصميم أو تنفيذ الطرق.. و المطارات ...و شبكات المياه و اساليب تنقية و معالجة المياه و شبكات الصرف الصحى ... و انظمة الرى ...و السكك الحديديه

و بعد ما دخلت قسم مدنى بدأ سعر الحديد يتضاعف من 750 جنيه ل 1500 جنيه ل 3000 جنيه خلال شهور
و السوق العقارى وقف و الانشاءات قلت جدا و بقوا مهندسين المدنى مرميين على القهاوى

و بسبب ظروف السوق الكل كان بينصح الالتحاق بأقسام الاشغال العامه من صرف و تنقية مياه و طرق و رى و سكه حديد حيث ان تلك المشروعات لا تتوقف

و لكنى فضلت الالتحاق بقسم الانشاءات و كان مشروع تخرجى فى تصميم المنشئات الخرسانيه و الكبارى و المنشئات الغير تقليديه و كان المشروع الثانوى فى ادارة المشروعات الهندسيه

و لم ادخل قسم تصميم المنشئات المعدنيه نظرا لظروف السوف و ندرة تلك المنشئات فى مصر

وقت تخرجى فى 2004 كان مرتب الخريج من 300 جنيه ل 450 جنيه
و كان مرتب ذوى الخبره 3 سنوات مابيعديش 1000 جنيه
و كان ممكن تلاقى خبره 5 سنوات و مرتبه برضه 1000 جنيه
و فى 2004 و 2005 كان المهندس المدنى او العماره لازم يبقى قرد ..لازم يكون مهندس تصميم و تنفيذ و مساح و محاسب وعامل ومشرف
و لو مش هاتبقى قرد و تعمل كل حاجه ... فيه الاف المهندسين المرميين على القهاوى

و سوق المقاولات فى مصر عموما ليه قواعد خاصه
لازم تبقى سافل و قاسى القلب
فى سوق المقاولات مفيش حاجه اسمها رحمه الا فيما ندر
مهمتك انك تحقق اكبر مكاسب و اقل خسائر باقل سعر و اقل وقت و كفاءه عاليه .. و ساعات الكفاءه بتبقى مش مهمه فى شركات كتير لإن الالتزام بالمواصفات بيكلف فلوس .. و كله عايز يوفر
المهندس لازم ياكل المقاول أو المورد أو العامل .. و المقاول لازم ينصب على المهندس و يشتغله و يطلسق الشغل و يحقق اكبر ربح .. و العامل لازم يحقق اكبر ربح بأق مجهود .. و المورد يجيبلك بضاعه بايظه و يبيعهالك بسعر النضيف و الرمله بتبقى ناتج حفر ارض جنبك
و كله بياكل كله
و الغلطه بموته

و طبعا كان عندى مشكله كبيره فى التعامل فى الوسط ده فى البدايه
لازم الواحد يكون مفتح و مدردح و حورتجى و صايع و سافل و لسانه طويل

و المواهب دى ماكانتش موجوده عندى فى البدايه

و لجأت لطريقه كانت نادره جدا و تقريبا مش معترف بيها فى السوق
و هى انى بدل ما اقعد طول النهار اشتم و اسب الدين و ازعق و اتخانق
بقيت اتصاحب على المقاولين و العمال
و اكل معاهم و اهرج معاهم
و احضر مناسباتهم
و ده كان بيخللى الناس تديك الشغل الصح من غير قلة ادب
بس برضه مش بينفع مع كل الناس ... لأننا مصريين
فيه ناس سفله لازم تتعامل معاهم بسفاله
و اللى كان بيبقى سافل او يتطاول او يفتكر المهندس ده طيب بقى و بيهرج و بيصاحب الناس او طيب و ممكن نشتغله
كان بيندم اشد ندم بعد نفاذ كل درجات الرأفه

و فى حالات قليله كان لازم الظروف تجبرك انك تكون ندل
مثلا تبقى واعد عامل او صنايعى بمبلغ معين اخر الاسبوع
و فجأه تلاقى المحاسب مجاش
او صاحب الشغل نفض و قفل تليفونه
او الشيك ما اتصرفش
او اى مشكله
ساعتها يا اما تدفع من جيبك و تتخيط انت
يا تخلع انت كمان و تحاول تنسى منظر الراجل و هو مروح لعياله اخر الاسبوع و ماجابلهومش حاجه
أو مورد بقاله اسبوع بيوردلك و فجاه الشركه حصل فيها ازمه ماليه.. و تيجى اخر الاسبوع تلاقى الديانه واقفالك
يبقى اقفل تليفونك يا معلم و اتنكر و اخلع و ماترجعش الموقع الا لما يكون معاك فلوس

وطبعا الغفير بتاعك هو اللى بتسيبه يشيل الليله و يتعامل هو مع الناس
و تراضيه لما تيجى فلوس
و تراضى كل الناس اللى نفضتلهم يوم الخميس

لإن يوم الخميس ده بيبقى اليوم المقدس فى سوق المقاولات فى مصر

و برضه كانت بتحصل مقالب من المقاولين او الموردين او العمال
زى انك تكون مجهز لشغل و جايب ناس بفلوس .. و تكون مرتب على توريد الخامات فى يوم معين .. و فجاه تلاقى المورد اختفى
او ماعرفش يجيب خامات او الناس نفضوله

و تلبس انت خساره بالالاف

هو السوق كده

بس بداية من 2006 و 2007 الظروف تغيرت تماما
أعداد مهوله من المهندسين المصريين سافروا الخليج
و العراقيين نزحوا باعداد مهوله للسكن فى القاهره الجديده و اكتوبر
و المصريين فى الخارج ابتدوا يفكروا فى الاستثمار العقارى

والسوق العقارى انتعش بصوره مهوله
و كله بقى يبنى أو يشطب او يجدد
و قفز سعر الشقق من 800 جنيه للمتر الى 2800 جنيه للمتر خلال سنه واحده ووصل فى بعض الاماكن ل 3500 جنيه للمتر نصف تشطيب

و بقى المهندسين المدنى عمله نادره
و بعد ما كان خريج 2004 ب 300 جنيه و اللى مش عاجبه يمشى .. بقى خريج 2006 ب 1500 جنيه و خريج 2007 ب 2000 جنيه

و اللى عنده خبره 3 سنين بيتكلم فى 3500 مرتب جنيه و اللى عنده خبره 5 سنين بيتكلم فى 5000 جنيه فى الشهر غير البدلات

و دا كمان كان فى الشركات المتوسطه

لكن لو شركه كبيره او شركه اجنبيه و عندك خبره 4 سنين او خمسه
يعنى بتتكلم فى مرتب 6000 وانت طالع

و ياسلام بقى لو تشوفلك فيللا تمسكها اشراف بعد الشغل او شوية تصميمات او برنامج زمنى
البليه هاتلعب و هاتتظبط
انا نفسى فتحت شركه صغيره فى نهاية 2007 و حتى مايو 2008 و كانت الدنيا قشطه

و الدنيا باظت معايا لأسباب كتر كنت قولتها فى تدوينات قديمه مش عايز اقولها تانى

و فى منتصف 2008 بدأ سوق العقارات فى التشبع و الاسعار تثبت ثم تقل
و مع بداية الازمه العالميه بدا المهندسين المصريين يرجعوا من الخليج
و الشغل فى مصر بدأ يقل
و المرتبات بدات تقل
و كل اللى كان فاتح مكتب او شركه صغيره بدأ يخسر
و الحديد ارتفع سعره ل 9000 جنيه فجأه
و الدنيا وقفت

و رجعت تانى الشركات تتنك على المهندسين

و معلش يا بشمهندس هانوقف البدلات
و شويه و معلش يابشمهندس المرتب هايقل شويه علشان الظروف

و اللى مش عاجبه فيه زيه كتير على القهاوى

و حتى فرصه السفر للخليج بقت صعبه

ايه يا عم الرغى ده
مالنا احنا و مال الكلام ده كله
فين البرادعه و الصرف الصحى و الكارثه

هاقول اهوه

فى منتصف 2008 لما خسرت فى المقاولات ... كان فيه فرصه انى اعوض الخساره و ابدأ اكمل تانى و لكن كان لازم وقت و تفرغ للشغل و طبعا كان مستحيل يحصل ده فى مايو و يوليو و اغسطس 2008
فكان الحل الاسلم هو البحث عن شركه كبيره و شغاله فى مجال هندسه مدنيه غير متقلب و غير مرتبط بظروف السوق

و كان الحل فى مشروعات تنقية المياه و محطات المياه و انشاء الخزانات و شبكات المياه و الرى و الصرف
يعنى شغل البنيه التحتيه

و دا كان مجال تأثره ضعيف بتقلبات السوق
و معروف ان مهندس الاشغال أو شغل البنيه التحتيه بيكون مرتباتهم عاليه علشان الشغل ببقى صعب و متعب جدا

و بسبب ان تخصصى اساسا بعيد عن هذا المجال المضمون.. فكان شغلى فى ادارة تلك المشروعات اللى بتحتاج تخطيط جيد و تحديث مستمر للخطه

لانها بتتكلف ملايين و اى خساره او تأخير بيبقى بالملايين

و لما قربت من هذا المجال و كان فيه السنه اللى فاتت انفتاح كبير فى مجال الخدمات و مشروعات البنيه التحتيه و خصوصا للقرى المحرومه

مشروعات بمليارات الجنيهات سنويا

و القطاع الخاص دخل بتقله فى المجال ده بالمنافسه مع الشركات الكبرى زى المقاولين العرب و حسن علام و مختار ابراهيم

و الدنيا ماشيه و المرتبات عاليه و مستقره و الدنيا زى الفل

و المشروعات دى بتكون جزء منها من ميزانية الدوله سنويا
و جزء كبير جدا منها (و الحته دى لبتوع لن تمروا) بيكون من المعونه الامريكيه و الاوربيه و منح من دول أخرى
مئات الملايين من الدولارات سنويا من المعونات الاجنبيه لبناء مشروعات البنيه التحتيه

و بقالى سنه كل يوم مشروعات زيادة كفاءة محطات تنقيه و معالجة صرف صحى و غابات شجريه و خزانات و خرسانات

و بقيت اشوف قرى فى الصعيد و كمان فى القاهره بعدد سكان كبير و كانوا عايشين فى القرن ال 18 بدون ميه نضيفه او تصريف سليم لمخلفات الصرف الصحى

و لقيت ان الاف القرى فى صعيد مصر و كمان داخل القاهره محرومين من المياه النظيفه و الخدمات الاساسيه

و فجأه من حوالى 4 او خمس شهور
بدا الايقاف المفاجىء لمعظم مشروعات تنقية المياه او شبكات الصرف الصحى او معالجة الصرف الصحى لكل الشركات

قرار سيادى مفاجىء بدون ترتيب

و شركات مقاولات كتير خسرت ملايين طائله فى الشهور القليله الماضيه
شركات حكوميه و خاصه

و كل الشركات حاليا بتحاول تلم الشغل و تهرب بأقل خسائر

و المشاريع اللى اتدفع فيها مليارات الجنيهات و الدولارات لم تكتمل

و ضاعت مليارات الجنيهات و الدولارات بدون استفاده حقيقيه بسبب هذا القرار السيادى الغير معلوم سببه

و مازالت جميع شركات المقاولات الكبرى حاليا تهرول لتقليل الخساره الفادحه
و منها مشروعات كان قد تم انشاء فيها شبكات صرف جزئيه و تكسير نظام الصرف القديم القائم على نزح الطرنشات
و فجاه توقفت
ولا فيه طرنشات الناس تنزحها
ولا فيه شبكات صرف

و الدنيا باظت

و ده احد اسباب اختلاط مياه الشرب بالصرف الصحى و تشبع التربه بمياه الصرف

فيه نقطتين عايز اتكلم فيهم كانت الجرايد اتكلمت عنهم لما بدات الازمه تكبر
نقطة تنقية المياه و كيفية اختلاطها بمياه الصرف

و نقطة المعالجه الثنائيه و المعالجه الثلاثيه

صحيح انا مش مهندس موقع فى مجالات المياه
و لكن بما انى شغال فى التخطيط للمشروعات فلازم يبقى عندى المعلومات العلميه الكافيه عن التنفيذ

و هحاول اشرع بصوره مبسطه وبدون مصطلحات علميه مكلكعه

اولا تنقية المياه فى مصر بتقوم على طريقه واحده و الاختلاف من مكان لمكان بيبقى فى التفاصيل
الفكره الاساسيه فى تنقية المياه فى مصر هى فصل الدهون عن المياه بواسطة الشبه و قتل الميكروبات و الجراثيم و المواد العضويه بواسطة الكلور

بس

الاول المياه بتيجى من خلال المأخذ اللى بيكون فى النيل ولازم يكون بعيد عن القاع و بعيد عن اى مكان تلوث ولازم يحيط بيه شبكه مصافى

و بالنسبه للقرى البعيده عن النيل بيكون المأخذ فى الترعه علشان كده بتلاقى معظم المياه اللى فى الارياف بتبقى مالحه شويه و مش بتدوب الصابون
و ساعات محطات التنقيه بتاخد من المياه الجوفيه

و بتروح على احواض خرسانيه ضخمه دائريه اسمها المروقات و بيتحط عليها مادة الشبه
ايوه هى الشبه بتاعة الحلاقه و هى الشبه اللى حطوها على الأكل فى فيلم 30 يوم فى السجن و ماعرفوش يتكلموا

بعد الاضافه بتلاقى الدهون بتتحد مع الشبه و تكون روبه بيتم فصلها بطرق معينه
و بعدين بيتم اضافة كلور اولى لقتل الجراثيم و المواد العضويه و اى كائنات حيه اخرى

و بعدين بتروح على احواض خرسانيه ضخمه جدا اسمها المرشحات
و دى بتكون الفلاتر الرمليه و الزلطيه

و فيها المياه بتدخل على طبقة زلط مختلف الاحجام ثم طبقة رمل

و الميه بتطلع نضيفه و بعدين بتروح للتخزين فى خزانات خرسانيه ارضيه او تحت الارض و بتكون ضخمه جدا و بيتم قبلها اضافة الكلور الثانوى للتاكد من قتل الميكروبات و بيتم اضافة اليود (والمرحله الاخيره دى مش فى كل الاماكن فى مصر)

و بعدين بيتم رفعها بواسطة طلمبات للخزانات الخرسانيه العاليه اللى المفروض تكون ارتفاعتها اكبر و اعلى من أعلى مبنى فى القريه أو المدينه او الحى

الاختلافات بين المراحل دى بتبقى بسيطه
لكن الاهتمام بيبقى فى المدن الكبرى اكتر من الاقليميه و فى المدن الاقليميه اكبر من القرى

لكن بره مصر بيكون التعقيم عن طريق الأوزون بدل الكلور اللى بنحطه عندنا
و بتكون الفلتره بفلاتر كربونيه بدل الفلاتر الزلطيه و الرمليه اللى فى مصر

كده توصلنا لنتيجة ان الفلتره و التعقيم فى مصر مش بيكون بنسبة 100% لكن ممكن نقول انه 80 % فى اماكن و 60 % فى اماكن اخرى بسبب ضعف الامكانيات

و لكن المشكله الاكبر هى فى الشبكات

الطبيعى و البديهى و المنطقى ان كل دول العالم المتحضر بتفضل تجدد شبكاتها و تعمل صيانه طول الوقت
لأن اى شبكات مياه لازم يكون ليها عمر انفرادى

زمان كانت مواسير الشبكات من الصلب او الزهر

دلوقتى بقى فيه بروبلين و مواد تانيه

الطبيعى ان لازم يتعمل احلال تحت مواسير الشبكات يعنى استبدال التربه الضعيفه بتربه قويه
و الطبيعى ان يحصل تغليف للمواسير

و لكن ساعات بيحصل غير كده من بعض شركات المقاولات و ساعات مهندس الحكومه بينفض يستلم من مهندس شركة المقاولات و فيه حوارات كتير فى الجزئيه دى و مئات الالعاب
و بيحصل هبوط للتربه تحت المواسير و بتحصل شروخ بتسمح بتسريب المياه من و الى المواسير

دا غير ان المواسير بيكون ليها عمر افتراضى و بتصدى
وطبيعى انها تتغير كل فتره

انا عندى فى التجمع الخامس الميه على طول صفرا و ساعات بنى من صدأ المواسير و أخيرا جيبت فلتر فى البيت

و بسبب عدم الصيانه الدوريه للشبكات بيحصل اختلاط مياه الصرف بمياه الشرب فى بعض المناطق خصوصا ذات التربه الطينيه و المياه الجوفيه

نيجى بقى على معالجة الصرف الصحى
وكنا قرينا فى الجرايد عبارات زى المعالجه الثنائيه و الثلاثيه

الاول مياه الصرف بتتجمع من البيوت على المطابق ثم للشبكات ثم لمحطات الرفع و بعدين بيبقى فيه خطوط طرد بترمى مياه الصرف الصحى فى حفره كبيره جدا اسمها الخور لو فيه منطقه صحراويه و الميه دى بتنزل فى الارض و تتصفى و تنضف بعد مرور السنين و احيانا بسبب طبقات الصخور الارضيه بتضم على الابار الجوفيه الطبيعيه العملاقه زى البئر الجوفى الطبيعى فى الصحراء الغربيه فى مصر اللى بيشرب ليبيا كلها و احنا استفادتنا منه قليله جدا فى الرى
و ممكن بعد سنين بيتم حفر ابار جوفيه عميقه و بيتم استخراج المياه الطبيعيه و تستخدم فى الرى او فى الشرب بعد تعقيمها جيدا أو بيتم تعبئتها كمياه طبيعيه (مش جوفيه)

اما لو مفيش منطق صحراويه محيطه فبيتم معالجتها و القائها فى المصارف الزراعيه و برضه بترجع تانى للترع و للرى منها بس بعد ما تاخد دورتها

و منذ سنوات قليله بدات الدوله تستفيد من مياه الصرف و معالجتها و انشاء غابات شجريه أو استخدامها فى الرى بعد المعالجه

و مؤخرا كان مكتوب فى بعض الصحف ان المعالجه فى معظم قرى الدلتا ثنائيه و ليست ثلاثيه بسبب عدم وجود ظهير صحراوى

المعالجه الثنائيه لمياه الصرف موجوده فى كل قرى مصر و بيتم القاء المياه فى المصارف الزراعيه
و المعالجه عموما بتكون بتصفية مياه الصرف فى المصافى و دى اللى بتحجز الشباشب و كياس الشيبسى وفرد الكاوتش و جثث الحيوانات الصغيره و احيانا جثث البنى ادمين

و بتدخل فى احواض عملاقه للاكسده باستخدام البكتيريا الهوائيه واللاهوائيه لتفتيت المواد الصلبه
و بعدين بتدخل فى احواض ترسيب بتعمل زى الفلتره و يتم اضافة كلور لتقتل الجراثيم و بعدين بتترمى على المصارف الزراعيه

اما المعالجه الثلاثيه فبتكون بمراحل اكثر و بتخرج منها ميه صالحه لاعادة الاستخدام و بيتم رى الغابات الشجريه و مياه الزراعه عموما و لكن بتبقى غير صالحه للشرب

و يمكن تحويل مياه الصرف الصحى لمياه شرب مره اخرى و لكن دى بتحتاج تكلفه عاليه جدا جدا لكن بتنتج مياه يمكن انضف و انقى من مياه النيل .. و لكنها غير موجوده فى مصر

يبقى كده عندنا مشكلتين
اولا تأكل شبكات الصرف الصحى و ايضا شبكات المياه بسبب عدم صيانه دوريه و تجديد مما يؤدى لاختلاط مياه الشرب بالصرف الصحى بالمياه الجوفيه

و ثانيا القاء مياه الصرف الصحى المعالجه ثنائيا و ليث ثلاثيا فى المصارف اللى بعد دورتها بتصب فى الترع الكبرى و بيتم اعادة الرى بها

و حاليا اكتشفوا ان مياه الصرف الصحى بيتم القائها فى الترع مباشرة رغم انها معالجه ثنائيا و ليس ثلاثيا

المفروض ان انشاء محطات تنقية المياه و شبكات الصرف و محطات معالجة الصرف ده شىء طبيعى جدا فى اى بلد متحضر
و كمان الصيانه و التجديد و التوسع بيبقى شىء طبيعى جدا فى اى بلد محترم

البنيه التحتيه لازم ليها كل شويه التجديد و التطوير و الاضافه و التوسع
و بتتم طبقا لخطط مؤيه و استراتيجيات و اى حكومه بتيجى بالانتخاب لازم تمشى على نفس الخطه و تكمل بدون تفاخر انها بتعمل كده لإن ده شىء طبيعى جدا

عمرنا ما سمعنا ابدا ان رئيس جمهوريه فى بلد متحضر و متقدم بيقعد يتفاخر بشبكات الصرف الصحى او محطات المعالجه او محطات المياه
الكلام ده بيحصل فى مصر بس

مبارك بيقعد يذلنا بمشروعات البنيه التحتيه اللى بيروح يفتتحها مع انها شىء طبيعى فى اى دوله فى العالم

و مؤخرا اكتشفنا انه كمان فاشل فى كده رغم ان كل دعايته و انجازاته مركزه على مشروعات البنيه التحتيه اللى هى اساسا تعتبر تطور طبيعى و فلوسها من الميزانيه اللى بندفعها أو من المعونات الاجنبيه

كل شبكات المياه اللى فى مصر عايزه تتجدد
كل شبكات الصرف الصحى عايزه صيانه

مياه الشرب فى قرى بحرى و الصعيد معظمها غير صالح للشرب
و حتى فى المدن المياه ملوثه

و شبكات الصرف الصحى فى المدن عايزه تطوير
و محطات المعالجه عايزه تطوير

و لسه فيه عشرات الالاف من قرى مصر فى الصعيد ماعندهومش اساسا صرف صحى و لسه بينزحوا الطرنشات

لسه فى صعيد مصر بل و فى داخل القاهره .. قرى لا تزال تعيش فى القرن ال 18

و خلاص الحكومه نفضت لكل مشروعات البنيه التحتيه

يا ترى مصر رايحه على فين؟؟؟

و كل واحد يخللى باله من بنيته التحتيه
احنا لينا إيه غير بنيتنا التحتيه

ناقش مع شباب 6 ابريل .. رؤيتنا الشبابيه للتغيير

2009-05-12T21:16:00.001+03:00

للتغيير فى مصر سيناريوهات عديده
و حتى الان لا يستطيع اكثر السياسيين حنكه و خبره معرفة او استقراء مستقبل مصر
و للمعادله اطراف كثيره
داخليه و خارجيه
كل طرف يسعى لكسب اكبر قدر من النقاط لدعم مشروعه او تصوره للحكم فى مصر

السيناريو الاول للتغيير هو التغيير عن طريق الثوره الشعبيه
أو التغيير عن طريق الناس
و هو ما يطرح عدة سيناريوهات فرعيه

فإذا افترضنا أنه حدث فى مصر حدث كبير
او ظرف مفاجىء
و تشبع الناس بالغليان و تحركوا فجأه
بغض النظر عن وعى الجماهير او عدم وعيهم

فسيطرح الامر سيناريوهين رئيسيين

الاول ان تقفز القوه السياسيه الاكثر تنظيما الى السلطه و قد تحتفظ بها للابد و قد يحدث تبادل بعد ذلك و الله اعلم

و الثانى ان تتحرك المؤسسه العسكريه لظبط الموقف و تتحكم فى السلطه لأجل مؤقت او دائم
و هناك بعض الاراء المطروحه حاليا من ضرورة اتحاد المعارضه للتفاوض مع المؤسسه العسكريه حين ذاك و ضمان عدم انفرادها بالسلطه .. و التفاوض حول مرحله انتقاليه و دوله مدنيه و ان يكون مهمة الجيش هو حماية الدستور الذى يعده عدد من المثقفين و الشخصيات العامه المحايده
كالنموذج التركى الذى فيه الجيش هو الحامى للدستور و الدوله المدنيه
و يختار الشعب هناك حكومات ليبراليه او اشتراكيه أو اسلاميه بدون اى تغيير للدستور او انفراد للسلطه
فالحكومات تتعاقب و تتغير و يبقى الجيش هو حامى الدستور و الدوله المدنيه

و هناك السيناريو الثانى الذى يراهن عليه بعض المفكرين و الكتاب و هو التغيير من داخل النظام
بمعنى ان يحدث استغلال للصراعات الحادثه الأن بين جناحى الحزب الحاكم من جهه
و أن يحدث استغلال للنديه القائمه بين مؤسسة الرئاسه و بعض المؤسسات السياديه من جهه اخرى

ليحدث تغيير من داخل النظام و استبدال شخصيات بشخصيات.. و ان يتم الدفع بالشخصيات المحترمه نسبيا التى داخل النظام الحالى

و من وجهة نظرى الشخصيه فإن هذا السيناريو لا اعتبره تغيير
بل هو مجرد مسكن
و ان تغيير الاشخاص لتقوم بالحكم داخل نفس المنظومه لا يمنعم تحولهم لفاسدين مثل من سبقوهم

و ان التغيير الذى ننشده ليس تغيير الاشخاص الفاسدين بأشخاص طاهرى اليد او اشخاص اقل فسادا
بل نحن نتحدث عن تغيير المنظومه بالكامل من دستور و قوانين و علاقات بين المؤسسات و عادات و تقاليد

و هناك السيناريو الثالث و هو السيناريو الاصلاحى الذى يتحدث عن التغيير السلمى عن طريق صندوق الانتخابات
و فى رأيى الشخصى اراه خياليا
لأن هذا النظام بالتأكيد لن يسمح بالتغيير و خصوصا و هو من وضع قواعد اللعبه ووضع قوانين ممارسة الحقوق السياسيه
و بالطبع لن يتخلى الحزب الوطنى عن حكمه لمصر وخصوصا و هو حريص على بقاء حالة الطوارىء و كل القوانين المقيده للحريات

و بالنسبه لهذا السيناريو الاصلاحى الخيالى هناك بعض الاصوات التى تنادى بعدم المقاطعه لتلك المسرحيات و ضرورة استغلالها جيدا للوصول للناس املا فى التغيير الحقيقى بعد ذلك والذى يقوم به الناس و هم فى حالة وعى و رغبه حقيقيه للتغيير

و هناك السيناريو الرابع الذى يراه الكثيرون هو الاقرب
بان يتم التوريث فجأه
و نجد انفسنا امام احتمالين
فإما ان يمر مشروع التوريث بسلام و بمباركه امريكيه و من باقى الاجهزه السياديه و أما حالة عجز للمعارضه و الشعب
و إما ان ترفض المؤسسه العسكريه ذلك و تقرر عزل الابن و نعود للسيناريو الاول من استيلاء على السلطه اما مطلق و اما عن طريق مفاوضات بين السياسيين و العسكريين قد تنتهى بالفشل و قد تنتهى بفتره انتقاليه و تطبيق نموذج اقرب بالنموذج التركى للجيش الذى يحمى الدستور المحايد و الدوله المدنيه حتى و ان تعاقبت الحكومات الليبراليه او الاسلاميه او الاشتراكيه

و هناك من يتحدث عن سيناريو التغيير من الخارج و نورى المالكى و الدبابات الامريكيه
و هو ما اراه امرا هزليا و مفرط فى الخياليه
فامريكا لا تحتاج للدبابات لحكم مصر
بل هى تحكم مصر بالفعل عن طريق مبارك و نظامه
ولا تريد المغامره بإستبدال مبارك الذى يحقق لها كل مصالحها و يحافظ بمنتهى الهمه و الضمير على مصالح اسرائيل و هو حامى الحمى للدوله الصهيونيه

لذلك فأنا اعتقد ان اى حديث عن التغيير من الخارج هو دربا من الهزل و الخيال المفرط الغير واقعى
لأن الخارج يهمه بقاء الوضع الحالى
و امريكا تستغل موضوع الديمقراطيه و حقوق الانسان لممارسة ضغوط اكثر على مبارك و نظامه لتحقيق اكبر قدر من المصالح لها و لاسرائيل

و انه لا يجب تجاهل ان الشعب المصرى لن يرضى بتغيير تفرضه امريكا علينا

--------------------
اما بالنسبه لشباب 6 ابريل فأعتقد اننا بحاجه ماسه للنقاش حول سيناريوهات التغيير و ما هو المقبول كليا او جزئيا و ما هو المرفوض كليا او جزئيا و ما هو المتاح

فالسنوات القادمه هى سنوات التغيير

ربما يحدث الظرف فجاه و نجد انفسنا فجأه غير مستعدون و يتم فرض علينا ما سيفرض على الشعب

و ربما تحدث الاحداث الممهده للتغيير و نتمنى ان يكون لنا دور فيها

ناقش مع شباب 6 ابريل
www.shabab6april.wordpress.com

الزميل محمد الشرقاوى اليوم فى جلسة النطق بالحكم بسبب قضية نشر... فى ازهى عصور حرية النشر و التعبير

2009-03-28T09:02:00.000+02:00

تنظر محكمة جنح قصر النيل بعابدين اليوم السبت 28 مارس،القضية رقم 4732 لسنة 2008 جنح قصر النيل، والمتهم فيها كلا من"مجدى الشافعى" مؤلف رواية "مترو"،و"محمد الشرقاوى" ناشر الرواية،بعد أن احالتهم نيابة حوادث القاهرة للمحاكمة بعد أن قام المتهم الأول(مجدى الشافعى) بتأليف كتاب"مترو" الذى يحث الناس على الخروج على نظام الحكم.. وقدمه المتهم الثانى(محمد الشرقاوى) الذى قام بطباعته ونشره وتوزيعه.."،وطالبت النيابة بمعاقبة المبدعين بموجب المواد30 و171 و178 و198 من قانون العقوبات.

و الجدير بالذكر بأن رواية مترو تعد من الروايات المصوره (كوميكس) ذات الافكار المبتكره و التى تتناول الكثير من المعاناه التى نتعرض لها فى مثل هذا النظام الحاكم و بها عبارات تدعوا للايجابيه و التحرك لازالة النظام المستبد

و الجدير بالذكر ايضا بأن تم اقتحام دار ملامح للنشر و مصادرة الروايه بعد حبس الزميل محمد الشرقاوى على خلفية يوم 6 ابريل 2008 حيث تم اعتقاله من امام منزله صباح يوم 6 ابريل 2008 اثناء توجهه لميدان التحرير للمشاركه فى التظاهرات التى كان من المفترض القيام بها
و ان ما يحدث له يعد عقوبه من جهاز مباحث امن الدوله التى اعتقلته و اعطت الاوامر لمباحث المصنفات بمصادرة الروايه ثم استمرت القضيه التى سيتم الحكم فيها اليوم بصوره عاجله

و اعلن تضامنى التام مع صديقى العزيز و رفيق الزنزانه فى 2006 "محمد الشرقاوى" ضد ما يتعرض له من متاعب بسبب معارضته لذلك النظام المستبد

6 ابريل 2009 .. لماذا؟؟؟

2009-03-13T10:11:00.000+02:00

بعد انتهاء عام 2005 و احداثه السياسيه المتلاحقه بدأت مرحله من الخمول السياسى النسبى بدات فى التصاعد بعد إعتقالات أحداث القضاه فى منتصف 2006 و إحكام القبضه الامنيه مره أخرى .

و بعد عدة محاولات من قوى معارضه مختلفه للنزول للشارع مره أخرى و اعادة التواصل مع الجماهير تزامنت مع خروج العديد من التحليلات التى تصب فى فكرة تصحيح مسار قوى المعارضه الوطنيه و ضرورة الإتصال الحقيقى مع الجماهير.و لكن احكام القبضه الامنيه و غياب الخريطه الموحده لقوى المعارضه ساهم فى صعوبة المهمه كثيرا.

و فجأه ظهرت الإحتجاجات الإجتماعيه فى 2007 التى رغم انها أحد نتائج الحراك السياسى فى 2005 إلا أنها كانت الملهمه لكثير من القوى السياسيه الوطنيه.. و كانت بمثابة الأمل لكثير من السياسيين بأن هذا الشعب الذى ينتفض من أجل المطالبه بحقوقه البسيطه و لو كانت اقتصاديه و إجتماعيه و لكنه حتما سينتفض يوما ما من أجل المطالبه بحقوقه السياسيه الضائعه.

و فى نهايات 2007 ظهرت دعوة عمال المحله للقيام بإضراب عام فى مصنع غزل المحله إن لم يتم الاستجابه لمطالبهم.. و تلقف العديد من النشطاء هذه الدعوه و فكروا فى تطويرها لإضراب عام لشعب مصر,و اتفقت العديد من القوى السياسيه على فكرة اضراب عام لشعب مصر.

و قد كان للقوى السياسيه الوطنيه سابق تجربه فى الدعوه لاضراب عام فى 23 يوليو 2007 و لكنها لم تنتشر بالقدر الكافى .

و قد كان لنجاح دعوة اضراب 6 ابريل 2008 و الاستجابه الغير متوقعه التى حدثت العديد من العوامل و الاسباب أهمها و ابرزها هو حالة الاحتقان الشديد التى كانت متوفره لدى جميع طوائف الشعب بسبب الغلاء المهول فى الاسعار و ثبات المرتبات و العشوائيه المفرطه فى اتخاذا القرارات.. بالاضافه لوجود الشباب الذى استجاب لدعوه الاضراب و بدأ فى تطويرها و نشرها بجميع الوسائل الحديثه و التى كان أهمها هو موقع الفيسبوك الشهير.

و لو نظرنا للاوضاع الحاليه فسنجد ان الظرف الموضوعى لا يزال مستمرا و فى ازدياد, فلم تنخفض الاسعار كما وعدت الحكومه , و لا تزال المرتبات فى القطاع العام و غالبية القطاع الخاص لا تفى بالاحتياجات الضروريه , و لم تنخفض اسعار الوقود فى مصر رغم انخفاضها فى العديد من دول العالم,و لا يزال اسوق فى مصر يعانى من الفوضى و الاحتكار لصالح افراد قلائل, و لا تزال حكومة الحزب الوطنى تفشل فى حل ابسط المشكلات و لا تزال العشوائيه و الفوضى هى المسيطره على جميع القرارات الحكوميه.

بالاضافه لتاثيرات الازمه الاقتصاديه العامليه و موجة عودة العاملين المصريين فى الخارج و موجة التسريح المفاجىء التى انتشرت فى القطاع الخاص المصرى نتيجه لعدم الالتزام بقانون العمل بسبب غياب الرقابه.

و بالطبع لم تحدث اى اصلاحات حقيقيه طبقا للوعود لا فى الحكومه الحاليه و لا فى الحكومات السابقه.. بل و لن تحدث اى اصلاحات فى الحكومات القادمه التابعه لنفس الحزب و نفس المنظومه.

فالحزب الوطنى و حكومته و نظامه لا يرغب فى اى اصلاح حقيقى, بل هى مجرد مسكنات لإبقاء الوضع على ما هو عليه .

و لكن لماذا 6 ابريل 2009؟؟؟

لو اعتبرنا ان يوم 6 ابريل 2008 هو خطوه اولى لحدث جامع شارك عشرات الآلاف من الشباب الغير منتمى لتيارات سياسيه فى نشره, و استجابت له العديد من الشرائح و الفئات.

و لو اعتبرنا أن 6 ابريل السابق خطوه هامه و كبرى فى المشوار الطويل للتغيير و خطوه هامه فى مشروع ايقاظ الشعب من غفوته و إعادة الايجابيه للشباب المصرى.

و لو علمنا حقيقة ان الإضراب السابق لم يكن هدف فى حد ذاته و إنما وسيله لنشر ثقافة الاحتجاج السلمى و تشجيع الناس على المطالبه بالحقوق المشروعه .

فإن 6 ابريل القادم هو الخطوه الثانيه المكمله للتراكمات التى حدثت منذ بدايات 2005, و يمكننا ان نعتبره انه الخطوه الثانيه الكبرى فى مشوار إعادة ايقاظ الشباب المصرى و تجميعه على مطلب واحد , و الخطوه الثانيه فى مشروع اعادة بعث روح الايجابيه و الانتماء فى الشباب المصرى.

ولا تزال الظروف التى سببت الإحتقان و الغليان موجوده و فى ازدياد مستمر , و بالطبع لن تزول لأن الحزب الوطنى و نظامه ليس لديه رغبه جديه فى اصلاح حقيقى.

و لابد من التراكم و البناء على ما حدث فى الاضراب السابق و تطوير الفكره و تحديثها و تجنب السلبيات التى حدثت سابقا.

و هناك بالطبع بعض الانتقادات الموجهه لفكرة الاضراب السنوى و الحدث الموسمى, و لكن لو نظرنا لبعض التجارب المشابهه فى الدول التى استطاعت تغيير الانظمه المستبده فسنجد ان فى شيلى مثلا كانت الدعوه للاضرابات و الاحتجاجت موسميه و متكرره و مبتكره مما ساهم فى الاستجابه الشعبيه الواسعه التى ساهمت بعد ذلك فى تغيير النظام المستبد الذى كان يحكم البلاد بالحديد و النار بعد سنوات عديده من الاحتجاجات و الائتلاف و المقاومه السلميه و التصميم على النجاح.

و هناك العديد من التجارب التى حدثت فى السنوات السابقه و التى كانت تعتمد اعتماد اساسى على فكرة حرب اللاعنف و استراتيجيات التغيير السلمى و نشر ثقافة الاحتجاجات و الاضرابات السلميه إلى ان تنفض الشعوب الخوف عن نفسها و تغير واقعها بنفسها.

و لو نظرنا للعام الماضى فسنجد أنه عام 2008 و بداية 2009 هى فترة تصاعد الاضرابات و الاحتجاجات الفئويه و ازديادها ربما على خلاف المتوقع.

فقد توقع العديد من المحللين السياسيين أن بعد اضراب 6 ابريل 2008 لن يكون هناك اضرابات اخرى و أنه تم ضرب الحركه العماليه فى مقتل.

و لكن الواقع العملى يشهد بغير ذلك ,.. فالاضرابات و الاحتجاجت السلميه فى ازداياد مستمر.. بل أن المفاجئه هو تحول العديد من المطالب الاجتماعيه للعديد من الفئات لمطالب سياسيه فى المقام الأول. ترسيخا للقاعده القائله بأنه لا فصل للمطالب السياسيه عن المطالب الاجتماعيه و الاقتصاديه.

و يوم 6 ابريل هو فرصه عظيمه ليوم جديد لتوحيد كلمة الشعب .. بأن تتحد كل الفئات التى تطالب كل يوم بحقوقها على يوم واحد لإعلان الإضراب السلمى العام حتى تتحقق لكل فئه مطالبها سواء بفك الحراسه عن النقابات أو الكادر أو الارباح أو البدلات أو رفع المرتبات أو خفض الضرائبى الغير مدروسه أو أى مطالب إقتصاديه أو اجتماعيه مشروعه.

بالاضافه لاضراب الطلاب لتحقيق مطالبهم الطلابيه التى اعلنوها فى يوم 21 فبراير الماضى من تحسين مناهج واحوال التعليم الجامعى و خفض اسعار الكتب الجامعيه و المصروفات و خروج الحرس الجامعى تنفيذا لاحكام القضاء و الغاء الائحه الطلابيه الحاليه التى دمرت نظام التعليم المصرى.

بالاضافه لمطالب عامه تهم كل الفئات المصريه من حد أدنى للأجور و ربطها بالاسعار و إجرائات حقيقيه لضبط السوق ووقف الفوضى.

ولا يوجد ما يمنع من ان يشمل اليوم العديد من الانشطه و الافكار.

فبجانب الدعوه للاضراب عن العمل او الدراسه أو الشراء إحتجاجا على تردى الأوضاع الاقتصاديه , لا يوجد مانع من أى دعوات سياسيه تصب نفس الهدف المطلوب.

بل ان الدعوه للإضراب العام يوم 6 ابريل من الممكن أن تكون بدايه حقيقيه للإتلاف بين جميع القوى السياسيه و العمل الموحد الذى يليه مزيد من التعاون على انشطه موحده.

أما بالنسبه للتخوف من الفوضى أو اى اعمال عنيفه فهى بالطبع تخوفات مشروعه و لكننا نؤكد على سلمية الدعوه و سلمية الاحتجاج و نشدد على وزارة الداخليه بان تمارس دورها الحقيقى بحماية المنشئات و الممتلكات فقط و ليس مهاجمة الجماهير التى تقوم بالاحتجاجات السلميه المشروعه لأن البدء بالعنف و القمع لا يولد سوى رد فعل عنيف .. و الضغط يولد الإنفجار.

اما نحن .. فبالطبع لن نتوب عن حب الوطن .. و بالطبع لن نتوب عن حلمنا بتغييره بكل وسائل المقاومه السلميه.

لنجعل يوم 6 ابريل 2009 هو يوم جديد لإتحاد كل الفئات على فكرة المطالبه بالحقوق المشروعه.

لنجعل يوم 6 ابريل 2009 هو بداية الائتلاف الحقيقى بين كل القوى السياسيه الوطنيه.

ليكن شعارنا يوم 6 ابريل القادم هو … حقنا و هناخده

شباب 6 ابريل

شباب حر

شباب بيحب مصر

الرساله الاولى و الاخيره للمقدم محمد سعيد من مباحث امن الدوله.. عيب .. احنا مش بناكل من الكلام ده

2009-02-05T15:56:00.001+02:00

فيه ظابط فى امن الدوله اسمه المقدم محمد سعيد.. أو ايا كان اسمه علشان كلهم بيستخدموا اسماء حركيه.
المهم الظابط ده يقال عنه انه محترم
و لكنه فى الفتره اللى فاتت بيتصل بوالد واحده زميلتنا نشيطه فى الحركه باستمرار و عايز يقابله مقابله وديه للنقاش
طبعا الاسلوب ده قديم و معروف خصوصا مع البنات.
الظابط يتصل بأهل البنت و يطلب يقابلهم و ساعات الظابط يكتفى بالتليفون فقط و يبدأ النقاش بالشكر و المدح و محاضره عن المعارضه المقبوله و المعارضه غير المقبوله .. على شوية ضحك او هزار و يبدأ زى بنتك ليه مع العيال المجانين دى.. و ده غلط .. و كده ممكن تأذى نفسها .. و إحنا خايفين عليك و عليها.. و انا بكلمك زى اخوك الكبير أو الصغير"حسب عمر الظابط و عمر الأب".
و احيانا الظابط بيرمى كل ورقه و يظهر الوش التانى فى أول قعده و احيانا بيأجله لو أول حوار ماجابش نتيجه.
و الوش التانى بيبقى عباره عن تهديد زى إحنا ممكن نبهدلك و نبهدلها.. و ممكن نضيعهالك فى لحظه و مالهاش عندنا ديه .. و محدش هاينفعها ولا هاينفعك و ممكن نعمل و نسوى و .. و..و..

ده الاسلوب المتبع بالضغط على اهالى البنات و استغلال خوف الاهل على عيالهم
فى بعض الحالات القليله خصوصا لو كانت البنت جديده.. الاهل بيضغطوا ضغط جامد و بيحاصروا البنت حصار عنيف و فى الاخر البنت بتبعد عن السياسه
و الاغلب الاعم الأهل بيضغطوا و البنت بتتصادم معاهم أو بتهدى لفتره و بتكمل بعدها تانى لأنها مقتنعه إنها مش بتعمل حاجه غلط و مقتنعه بالقضيه
و فى حالات اخرى تلاقى الاهل هما كمان مش خايفين و بيدخلوا شمال فى الظابط و بيقطعوا اى اتصال معاه.. لأنهم بيبقوا فاهمين إن كل ده تهويش و ضغط نفسى.. و ان بنتهم فعلا بتعمل حاجه كبيره و مش بتعمل حاجه غلط.

نرجع تانى للمقدم محمد سعيد
احنا بنسمع انك محترم... مجرد سماع
بس هل فيه ظابط محترم بيهدد اهل بنت لانها بتقول رأيها فى نظام الحكم اللى بيتعب اهلك زى ما بيتعبنا.
ممكن دى تكون اوامر من رئيسك... لكن هل ده يصح؟
هل تقبل إننا مثلا نفضحك قدام مراتك او اهلك أو نتصل بأى حد منهم ؟؟
هاتبقى فرحان مثلا لما يتعمل بلاغ ضدك انك بتهدد الناس بصوره غير قانونيه..و تتنشر صورك فى الجرايد و يبقى منظرك بايخ قصاد ولادك و معارفك و اهلك و قرايبك ؟؟
بالتاكيد لأ .. .. و رغم ان فيه حاجات كتييييييير مجنونه ممكن نعملها و احنا يا عم مش هانبدأ بالعداوه ... خلينا محضر خير

فنصيحه وقف اتصالاتك مع اهل البنت علشان مش هاتجيب اى نتيجه .. و اذا كان الراجل الطيب ساكت و بيرد عليك باحترام .. فده مش معناه انه خايف منك.
اقولك
قول للعميد أحمد السيد أو ايا كان اسم اللى مكلفك بالاتصال ان المحاوله فشلت .. و اطبعله الرساله دى و قدمها فى تقريرك

احنا مابناكلش من الكلام ده

عيب

اعلن انضمامى لحركة مدونون من أجل الارهاب .. الحريه لمحمد عادل

2009-02-03T12:18:00.006+02:00

كان أول مره اعرف فيها محمد عادل فى جروب شباب من اجل التغيير على الياهو فى صيف 2005
كان مصدع دماغنا بدفاعه عن الاخوان.. كل يوم خناقات و نقاش معاه.. و فى يوم كان فيه حد استفزه علشان ينزل معانا مظاهرات و يخرج عن طوع الاخوان.
و فى الاخر اتفاجئنا بطفل صغير بيقول انا محمد عادل
و كانت الدهشه و البلاهه على وجوه الجميع.. انت؟؟
انت عندك كام سنه يابنى؟؟ .. و لما قال انه عنده 16 سنه و داخل فى ال17 .. فيه ناس مننا جاتلهم تشنجات من كتر الضحك لسه ملازماهم لغاية دلوقتى.
بقى انت اللى مجننا و خانقنا على النت... انت؟
و بعد كده بفتره لاقيناه راشف فى أى حاجه.. اى موضوع تلاقيه موجود فيه.. و عرفنا بعدها انه مش عضو فى الاخوان كعضو تنظيمى.. و لكن ليه وجود و صلات كبيره بكوادر و شباب كتير منهم.. و كمان هو من بيت اخوانى
و لكن الحمدلله لم يؤثر قربه من الاخوان على تصرفاته بصفه عامه... و خصوصا اننا عرفنا ان عصبيته الغريبه اللى بتطلع فجاه و تختفى فجأه دى طبع فيه اساسا مش لانه اخوان ولا حاجه.

و فى اعتقالات القضاه فى صيف 2006 لقيته داخل عليا السجن فى احد الايام و هو مبتسم ابتسامته البلهاء
قولت فى نفسى .. ييييييييييه .. يعنى الواحد داخل السجن علشان يستريح و يهدى اعصابه.. يقوم يجيله جوه السجن محمد عادل.. انت ايه اللى نزلك مظاهرات يابنى... مش فاكر وقتها كان رده ايه .. بس هو عموما لما بيتعصب بيبتسم و يقول عايز ايه ياض.. مش عاجبك ولا ايه.. على شوية خبطات فى الكتف او لكمات فى الفكين على سبيل الهزار الحميم.

و طبعا لا يمكن انسى انه كان ماسك الإعاشه جوه السجن و كان بيصادر اى اكل او مستلزمات بتيجى من اهالينا او من لجان الاعاشه.. و يوزعها على الكل بعد كده بالقطاره ..و كان مجوعنا و منشفها علينا خصوصا فى السجاير.
المهم نخرج من السجن و تمر الايام و ابص الاقى محمد عادل فى كل حته.. فى اى مظاهره أو مؤتمر او ندوه او اجتماع... لدرجة انى ساعات كنت بخاف انى افتح الحنفيه و الاقى محمد عادل نازل منها.

حتى فى شباب 6 ابريل.. رغم عدائه لتلك الحركه الوليده كمعظم المدونين... و رغم التريقه اللى كان بيقولها فى السر والعلن.. لكن برضه كنا بنلاقيه بيشارك فى معظم انشطتها و بيدعمها بقوه و ينشر الاخبار و يساعد فى اى حاجه محتاجينها.
بصراحه.. انا اكتشفت انى بحب محمد عادل جدا.
و اكتشفت انه واحشنى جدا و انه كان حد طيب و محترم و صافى رغم غلاسته .

و اعتقد ان محدش يقدر ينكر إن محمد عادل راجل فى قمة الجدعنه و الاخلاص لقضية التغيير

مش عارف ازاى المتخلفين بتوع امن الدوله عملوله قضيه تافهه زيهم علشان يعطلوه عن دعمه لغزه و قوافل فك الحصار
قضيه تافهه عملها ظابط تافه ان دلت على شىء فإنما تدل على تفاهة الجهاز المسمى بمباحث امن الدوله.. و انه جهاز بارع فقط فى حماية لصوص الحزب الوطنى بكل الوسائل الغير قانونيه و الغير مشروعه
و بما انهم تافهين.. و بما اننا مجانين... فقد قررت و أنا بكامل قواى العقليه أن انضم لحركة مدونون من أجل الارهاب..

و زى ما هو اتمسك بسبب انه متصور فى غزه بسلاح فشنك.. و لفقوله بسبب الصوره الطفوليه دى قضية الانضمام لتنظيم مسلح و تلقى تدريبات عسكريه
و اخيرا قدرت اجيب حتة سلاح خرز علشان اقدر انضم للتنظيم الجديد... و يمكن يضمونا للقضيه التافهه بتاعة محمد عادل و أخد أجازه من الشغل و اريح اعصابى شويه فى السجن

و اعلن كامل ولائى للتنظيم و انى مستعد لتنفيذ أى عمليه يتم تكليفى بها
و جارى اعداد عشرة الاف مقاتل ابريلى مستعدون للتضحيه بكل ما يملكون من خرز فداء لمحمد عادل

أحمد ماهر
عضو بحركة مدونون من أجل الارهاب

الاخوه المجاهدون

الملا وائل عباس امير المدونين

www.misrdigital.com

اسد

http://www.asadx.net/

مواطن مصرى واخد على قفاه

http://www.egymasr.com/?p=441

الحاج جرجس

http://egyptwatchman.blogspot.com/2009/02/blog-post.html

ردا على مقالة حمدى رزق بالمصرى اليوم

2009-01-24T14:32:00.000+02:00

الكاتب الفاضل حمدى رزق
فى مقالك المنشور يوم 18 يناير الماضى بجريدة المصرى اليوم كان لك بعض التساؤلات عن من هم شباب 6 ابريل و الى ماذا يهدفون و ما موقفهم من الدوله المدنيه..و تسائلت عن مشروعيتهم السياسيه و من هى القوى السياسيه التى شاركوها الدعوه لاضراب 6 ابريل الماضى.. و ما علاقتهم بالاخوان.. و فى نهاية المقال لصقت بهم تهمة الفوضى و التخريب و حملتهم دم ضحايا المحله الابرياء.
و لكنك لو عدت بذاكرتك للوراء و طالعت ما تم نشره فى العديد من الصحف المستقله قبل و بعد اضراب 6 ابريل الماضى لعلمت ان هناك بعض القوى السياسيه التى اتفقت على جعل يوم 6 ابريل الماضى يوم لاضراب عام سلمى فى مصر للاحتجاج على الاوضاع المتدهوره.. من بينها على سبيل المثال لا الحصر حركة كفايه و حزب الغد و حزب الجبهه وحزب العمل و حزب الكرامه و الحزب الناصرى و حزب الوسط و العديد من الحركات و التجمعات الاخرى.. و لم يكن بينهم بالطبع جماعة الاخوان المسلمون التى رفضت الدعوه للاضراب نتيجه لحسابتهم السياسيه حيث كان فى هذا الوقت الجلسات النهائيه للمحاكمات العسكريه لبعض قيادات الاخوان.. و قد تلقف بعض الشباب من النشطاء السياسيين الدعوه و قاموا بتطويرها و تعديلها ونشرها على اوسع نطاق بالعديد من الوسائل من بينها موقع الفيسبوك الشهير و قد أدى ذلك لانتشار الدعوه على نطاق واسع.
و لعلك تتذكر ان جماعة الاخوان المسلمون تبرأت من دعوة الاضراب قبل 6 ابريل فى بيان شهير ثم دعمت دعوة احتجاج 4 مايو شكليا بدون مساهمه حقيقيه.
أما اذا كان المقصود من المشروعيه هو صكوك الغفران التى تعطيها لجنة شئون الاحزاب التى يرأسها الحزب الوطنى للمعارضه المستأنسه.. فبالتاكيد يختلف تفسيرنا للمشروعيه عن تفسير سيادتكم.
و للتذكير مره أخرى فاننا شاركنا الدعوه للاضراب لبعض القوى التى تحمل مشروعية لجنة شئون الاحزاب و لم يشارك الاخوان فى الدعوه لاضراب 6 ابريل الماضى و هذا معلن و تم نشره فى العديد من الصحف.
أما بالنسبه لمن هم شباب 6 ابريل و ما هى افكارهم و إلى ماذا يهدفون.. فقد كانت الإجابه على هذا التساؤل سهله جدا و موجوده على الكثير من المقالات و الانشطه على موقعنا.. و نحن حاليا بصدد تجهيز صياغه واضحه توضح افكارنا و رؤيتنا و اهدافنا.
و لكن للتسهيل أيضا يمكننى قول ان شباب 6 ابريل هم الشباب الذى يعانى من سوء الاوضاع فى مصر.. هم الشباب الذى يجنى ما زرعته الأجيال السابقه سواء كانوا حكومه أو معارضه أو أهالى مستسلمون للواقع الأليم..هم الشباب الذى يجنى ثمار الديكتاتوريه و القمع و حكم الفرد الواحد.. هم الشباب الذى يعانى بسبب المنظومه التعليميه العقيمه.. هم الشباب الذى ينتظر لسنوات من اجل الحصول على وظيفه تفى بالكاد مصروفات مواصلاته.. هم الشباب المنتشر على المقاهى فى انتظار فرصه او ربع فرصه .. هم الشباب الذى رفض الهروب والهجره من هذا البلد حتى لو كانت النتيجه هى الموت غرقا بحثا عن فرصة عمل .. و لا تحدثنى عن القنوات الشرعيه للتعبير عن الرأى.
فأنت تعلم جيدا كم السيطره الأمنيه على كل مجريات الأمور فى هذا البلد.. و تعلم جيدا أن معظم هذه الأحزاب الرسميه الشرعيه من وجهة نظرك ما هى إلا ديكور ساذج أو أخرون قلائل لا حول لهم ولا قوه مستسلمون للتعليمات الأمنيه الصارمه.
و لا نختلف فى مطالبنا عن معظم الأفكار الموجوده من اتاحة الحريات السياسيه و حرية تكوين الاحزاب وإقامة حياه ديمقراطيه سليمه حقيقيه و دستور جديد جامع متفق عليه من الجميع بدون أى ايدلوجيات او صبغات و فتره انتقاليه و التأكيد على مبدا الدوله المدنيه.. و الاهم هو إرساء مبدأ الحساب لكل المقصرين و ان نكون فعلا دولة مؤسسات و ليس على الورق فقط.

ولا تحملنا ما لا طاقة لنا به.. فلسن نحن من أشعل المحله .. و لو بذلت مجهود اكبر فى البحث عن المعلومه لاكتشفت ان من قام بالاحتجاجت العفويه هناك هم أهالى المحله البسطاء الذين لا تكفى دخولهم ثمن العيش الحاف الذى يبذل المرء مجهودا عظيما للفوز به .. و إن طالعت التغطيات و التحليلات وقتها لعلمت انه تم حبس عمال المحله داخل مصنعهم منذ ليلتها و تم اعتقال قادة الإضراب العمالى.. و فى الصباح خرج الأهالى البسطاء فى احتجاج عفوى يطالبون بلقمة العيش.. و كعادة حكومة الحزب الوطنى و جهازها القمعى المسمى بجهاز امن الدوله انهمر الرصاص المطاطى و قنابل الغازعلى الاهالى.. و رد الاهالى بالحجاره و ردت قوات الامن بالرصاص الحى.. و شوهد الامن يستعين بسلاح البلطجيه الشهير لايجاد مبرر للقمع المفرط و هو السلاح الذى اثبت جدواه فى الانتخابات البرلمانيه و اثبت جدواه فى قمع المعارضه المصريه فى احداث كثيره سابقه.
سيدى العزيز نحن لا نبحث عن الفوضى.. بل نحن من يحاول انقاذ مصر منها.
فلا تنسى بأن الضغط هو ما يولد الانفجار.. ولا تنسى أن هناك حالة من الضباب تحيط بمستقبل مصر و الاوضاع كل يوم تزداد سوء.. ولا توجد حتى الان كيانات معارضه منظمه تستطيع منع الفوضى فى حال المفاجئات.. فالحزب الوطنى و جهازه الامنى اجهز على كل الكيانات و القوى و كل مكونات المجتمع المدنى الحر.
يا سيدى الفاضل إن الاحتجاجات ستتوالى بنا أو بدوننا.. و الاحتجاج و الإعتراض حق مشروع.
فأحرى بك أن توجه نصيحتك لوزارة الداخليه أن تمارس دورها الحقيقى.
للحمايه من الفوضى سواء فى احتجاج 6 ابريل القادم او ما سيتم بعده منا او من غيرنا وجه نصيحتك لوزارة الداخليه ان يكون دورها هو دورها الطبيعى فى حماية المنشئات و الممتلكات فقط لا غير.
إنصحهم ألا يستخدموا القمع المفرط كما تعودا.. فالحلول الامنيه لا تحل شيئا و انما تعمق المشكله و تكرس للفوضى المفاجئه.
إنصحهم أن من حق هذا الشعب الإعتراض على الاوضاع التى تزداد سوء.. و ان يكون دور الشرطه هو الحمايه و التنظيم فقط لا غير.. لأنه طالما بقيت الأوضاع السياسيه و الاقتصاديه و الاجتماعيه فى تدهور فستزداد الاحتجاجات بنا أو بدوننا.. و نحن حريصين على سلميتها أكثر من أى احد أخر.
و قد كانت النيه فى الاضراب السابق هى التعاون و تجنب اى احتكاكات مع الامن.. بل و كنا على استعداد للقبض على المشاغبين و تسليمهم للامن.. و لكن الامن هو من بادر بالاعتقالات و القمع فأدى لتدهور الاوضاع.

انصحهم بالله عليك حماية لمصر من الفوضى

الى جهاز مباحث امن الدوله .. نشكركم على عدم تعاونكم معنا

2008-12-30T18:44:00.002+02:00

الى العميد احمد السيد من جهاز مباحث امن الدوله- سواء كان ده اسمك الحقيقى او الحركىفى اتصالاتك بيا كان اسلوبك بصراحه غايه فى الادب و التهذيب.. و ده وقف تشغيل اسطوانة الردود البايخه اللى بتنتهى باغلاق الخط .. و الاسطوانه دى بتشتغل توماتيكى لما ظباط امن الدوله بيتصلوا.. لكن اسلوبك المهذب خلانى أرد ردود مهذبه.اما بالنسبه لمحتوى المكالمه و هو طلب اتكرر قبل كده انى اجيلكم ندردش و نتناقش و نتفاهم الى اخره

الطلب ده اتكرر قبل كده بعد اضراب 6 ابريل 2008 و طبعا نفضت و اختفيت شويه و لما ظهرت لقيتكم مستنيين و حصل اللى حصل و شوفنا قرصة الودن بتبقى عامله ازاى.

المره دى برضه يؤسفنى انى اقولك انى هانفض برضه رغم انى محتاج الكاميرا بتاعتى اللى عندكم و مش عارف اطلع بطاقه ولا رخصه بدل اللى اخدتوها.انت حاولت تقنعنى فى المكالمه زى ما حاولوا يقنعونى عندكوا قبل كده لما روحت بالعافيه فى مايو 2008 اننا ممكن نتعاون و ممكن نبقى اصحاب و ساعتها هاتبقى الدنيا زى الفل و هانريح بعض و كمان فوق كده هتنهال عليا الجوائز و المباركات و حتى التليفزيون الارضى زى رفعت السعيد و شغل بدل اللى ضاع بقى و كل حاجهو ساعتها طلعت غبى من وجهة نظركم و من وجهة نظر بعض السياسيين الكبار و رفضت عرضكم.

و بكرر الرفض لاسباب كتير منها على سبيل المثال لا الحصر

* انا بالتأكيد مش مقتنع ان جهاز امن الدوله جهاز وطنى بيحمى مصر لانه هو الجهاز اللى بيحمى الفاسدين و بيساعد الحزب الوطنى فى تزوير الانتخابات و هو الجهاز اللى بيعتقل الناس بدون ذنب او ادنى احساس بالمسئوليه

ظباط امن الدوله ممكن يحبسوا واحد لمدة شهر او اتنين او اكتر لاسباب تافهه و عمرهم ما يفكروا فى الشخص المعتقل هل ليه عيال .. هل اترفد من شغله ..

ظباط امن الدوله مابيفرقوش بين المحترم و غير المحترم ..

اهم حاجه تنفيذ الاوامر اللى بتصدر من الؤساء و اللى بتصدر من قيادات الدوله

كل واحد همه مصلحته و كل واحد همه يحافظ على كرسيه

هل اللى عملتوه فى المحله من عنف جنونى ادى لتفاقم الازمه كان لصالح مصر؟؟

طيب هل تعذيبى عندكوا فى شهر مايو كان لصالح مصر؟؟

طيب هل اعتقالاتنا فى 23 يوليو لما كانا بنغنى كان لصالح مصر؟؟

طيب هل اعتقال محمد عادل هاينقذ مصر؟؟

هل اعتقال نور و احمد اشرف و شوقى و رامى لصالح مصر؟؟

أشك طبعا

• بالتاكيد جهاز امن الدوله عارف و متاكد اننا مختلفين عن الحركات السابقه و الحاليه

• احنا مالناش مصلحه غير اصلاح مصر

• لا نبسعى للسلطه ولا بنقبض على شغلنا

• بالتاكيد مختلفين عن شخصيات سياسيه ليها اسمها و شهرتها بتجعجع فى الفضائيات و الصحف و عاملين نفسهم مناضلين و هما شغالين بالتنسيق و اوامر منكم

منهم صحفيين كبار و منهم رؤساء احزاب...

بالتأكيد مختلفين عن ناس كبار و صغيرين بيناضلوا الصبح و يبلغوكم بالليل.. و الغريبه ان ضميرهم مرتاح

• بالتأكيد مختلفين عن مناضلين المراكز اللى قبل اى خطوه او نشاط بيسألوا بكام

العميد احمد السيد .. احنا غير الباقيين.. و لو انتوا بجد بتحموا مصر زى ما بتقولوا .. اثبتوا كده باعتقال اللصوص الكبار و تقديمهم للمحاكمه

لو انتوا بجد بيبقى هدفكم هو تامين الشوارع و الممتلكات يبقى لما تسمعوا اننا هانعمل حاجه تنفذوا وظيفتكم بحماية المنشئات و الممتلكات فقط .. مش تضييق و منع و ضرب و اعتقالات و اهانه و ارهاب

العميد احمد السيد .. ماينفعش ناخد اوامر منكم ... و لو فيه شوية اطفال صغيرين مننا بيسمعوا كلامكم و اوامركم بالتبليغ قبل او بعد الانشطه او باثارة المشاكل و تكوين التكتلات و الانشقاقات لاى سبب.. بالتاكيد هايندموا

لما ظابط امن دوله يطلب التعاون مع واحد معارض بيبقى بالظبط زى واحد طمعان فى واحده و عايزها و نيته ليها مش حلوهو يقعد كل يوم يقولها ماتيجى نتقابل فى السريع يا بت

انا نيتى خير و مش هالمسك صدقينى و محدش هايعرف.. اشوفك بس

و لو هى قالت لنفسها ايه يعنى .. اقابله بس فى الشارع و مش هايلمسنى و محدش هايعرف

و مع تكرار المقابلات و تنوع العروض و تسهيلها.. يقنعها انهم ممكن ياخدوا كام بوسه خفيفه عنده فى الشقه و تنزل على طول.. مش هى واثقه فيه .. مش هو اللى بيحميها

و لما تروح عنده و يعمل كل اللى هو عايزه .. يبقى خلاص كل لما يقولها تعالى مش هاتعرف ترفض

--------------------------------------------------------------

يا ريت الناس اللى معانا و اتضحك عليهم و بقوا فرحانين ان معاهم رقم هشام بيه او عمرو بيه او غيرهم يفكروا فى الكلام ده كويس

شويه بشويه هيلاقوا نفسهم بيتورطوا من غير ما يشعروا...

شوية خدمات و بعدها طلبات و فجاه هتلاقى نفسك عصفوره من غير ما تحس...

و ساعتها مش هاتقدر ترفض

----------------------------------------

هى الحكايه بتيجى كده ..

الظابط الامور يدخل الدخله المعتاده

انا اخوك الكبيرو المعارضه مش عيب

احنا ممكن نبقى صحاب و لو وقعت فى اى مشكله بلغنا

مش عايزين منك حاجه خالص صدقنى

و بعد ما الزبون يتصل بعمو الظابط فى كام كمين على كام مصلحه تبدا المرحله التانيه

على فكره انتوا شباب جامدين قوى.. بس احنا خايفين عليكوا من الدخلاء..

ابقى بلغنا بس قبل اى حاجه هاتعملوهاو كده انت مش خاين على فكره

احنا جهاز وطنى.. و متنساش لما عملنالك كذا و كذا

و تدريجيا يبدا الزبون يغرق فى الوحل من غير ما يشعر

و لو صحى فجاه و حب يرجع و يبطل يبلغ معلومات او حب يلاعبهم و يديهم معلومات غلط بيظهر الوش التانى

نعم يا روح امكانت نسيت نفسك ولا ايه

انت فاكر نفسك هاتلعب بينا ياض

احنا كده هانغير الاسلوب

اللى عايزينه منك هاييجى بالزوق او بالعافيه ..

انت نسيت ولا ايه

و يبدا الوش الخشب

و يلاقى نفسه صعب يرجع تانى

الحل السليم و المنطقى انه يقفل السكه عليهم

اصله لو تعاون معاهم فعلا حتى لو حب يلاعبهم .. عمره ما هيبقى فى السليم

فى عصافير بياخدوا اوامر انهم ينزلوا مظاهرات و لما يتفاجئوا انهم اتمسكوا يجروا على عموا الظابط يسألوا هما اتمسكوا ليه

و بيبقى لمزيد من المعلومات

فاكرين لما اسرائيل باعت المليشيات العميله بعد انسحابها من جنوب لبنان

نفس الموقف بالظبط

اما بالنسبه للعصافير الحزبيه

فمنهم كبار.. و بيبقى منهم اللى بيبقى عايز يمشى امور حزبه من غير ما الامن يضايقه فبيتصل و يقول قبلها.. و لما يقولوله ممنوع بيبقى خلاص ممنوع

و منهم صغيرين

اللى مع العروض المتتاليه بيفكر و يضحك على نفسه و يقول ايه المشكله.. انا برضه معارض زى ما انا.. بس هى السياسه كده و كله بيعمل كده

الحل

اقطع و امنع اى اتصال من الاول... اعتذر له بأدب... و لو لبخ فى الكلام .. لبخ انت كمان... موقفه اساسا غير قانونى

كل ظابط بيبقى همه نفسه و منصبه و تقريره و بس

لا انت و لا البلد كلها تفرق معاه فى حاجه

رساله لظباط امن الدوله .. هل فعلا مصدقين نفسكم انكم بتحموا الوطن؟؟؟؟

2008-11-05T07:43:00.000+02:00

الى الظباط الذين يعملون فى جهاز يسمى زورا امن الدوله
يمكن دى الرساله رقم 3 اللى اكتبها دلوقتى... الاولانيه كان فيها سخريه شديده .. و التانيه كانت بالفصحى فقولت بلاش علشان الترجمه
لكن بقالنا فتره بنلعب مع بعض لعبة القط و الفار
حضرنا لمؤتمر يفضح الحزب الوطنى اللى بتحموه .. و منعتوه على ارض الواقع... لكن بالطبع مش هانسكت .. عملناه برضه على النت و وصلنا كلامنا لكل مكان و كنا احنا السباقين بالخطوه دى و حركنا ناس كتير كبار غاروا مننا و هايعملوا زينا و ان شاء الله احسن كمان
منعتونا فى جامعة عين شمس .. لكن نجحنا فى القاهره و حلوان و فضحنا الحزب الوطنى و كان كم التعاطف معانا كبير جدا بين الطلبه و اثبتنا نفسنا هناك
منعتونا من الاحتفاليه على الكوريش .. لكن نجحنا اننا ننفذها فجأه فى الازهر بعدد كويس برضه و الناس اللى حوالينا كانوا فرحانين بينا و مننا
تفتكروا مين اللى كان خايف
احنا؟ظ
و لا انتوا اللى حاصرتم حديقة الازهر بالعدد المهول من القوات الجراره علشان تمنعوا شباب بيغنوا فى حب بلدهم

طب نتكلم شويه بصراحه؟؟
هل انتم فعلا مقتنعين انكم بتحموا البلد؟
و من مين
مننا؟؟
انتوا عارفين كويس اننا شباب نضيف لا بناخد اوامر من حد ولا تبع حد
و عارفين كويس جدا اننا بالفعل نفسنا ننقذ مصر
انتوا عارفين كويس اننا غير ناس كتير كبيره و اسمهم لامع بيشتموكوا الصبح و يتصلوا يقولوا التقارير بالليل

و برضه عارفين كويس انكوا بتضحكوا على نفسكم لما بتقولوا على نفسكم انكم جهاز وطنى بيحمى مصر من الفوضى
لإنكم عارفين كويس انكم مش بتحموا مصر .. انتوا بتحموا الحزب الوطنى .. و عارفين اكتر مننا انه الحزب اللى خرب مصر و اللى هايودى مصر للفوضى
بس انتوا بتحاولوا تقنعوا ضميركم بكده
طبعا بسبب المرتبات و الامتيازات و السلطه المطلقه اللى بتخيلم بالفعل تحكموا البلد
و الاهم انكم عارفين اننا مش عايزين فوضى
كان فيه ظابط امن دوله انهارده كلمنى فى الحصار اللى تم ليا على الكورنيش
ما اخدتش بالك انى ماسلمتش عليك و سلمت على ظابط المباحث؟؟
سألت نفسك ليه؟؟
ظابط المباحث اتكلم معايا بإحترام و ذوق .. فسلمت عليه وانا ماشى
انما انت بتتكلم معايا من طرف مناخيرك و بعنجهيه و غرور كانك إله
طبيعى اتجاهل وجودك اساسا
بس انت عرفتى اهم حاجه انهارده لما سألتنى فين عربيتك
عرفت انك كنت معاهم فى الحفله اللى كانت عليا فى لاظوغلى فى 7 مايو
اهم حاجه انهارده انى شوفتك و سمعت صوتك اللى سمعته قبل كده هناك و انا متغمى
صدقنى مش هنساك ابدا ... بالتاكيد
انا عارف انك راشق معانا على الجروب
و الاهم من ده كله ليا كام سؤال
و انت مشترك مع باقى البشاوات فى الحفله اللى كانت عليا عندكوا
كنت بجد مقتنع من جواك انك بتخدم الوطن؟؟
انهى وطن؟؟
لما هجمتوا انهارده على الجنينه بجيش يحرر القدس علشان تمنعوا شباب انهم يقولوا تحيا مصر
هل كنت برضه بتخدم مصر؟؟
يا ريت تعترف من جواك انك بتخدم الحزب الوطنى
ياعنى بتخدم شوية حراميه و لصوص بينهبوا الوطن
بلاش تضحك على نفسك

اعترف علشان يبقى اللعب على المكشوف

و اكيد طبعا مش بكلمك لوحدك
الكلام لكل ظباط امن الدوله اللى بيضحكوا على نفسهم و بيضحكوا على اهاليهم و بيقولوا احنا بخدم الوطن
اكيد انت مبسوط بالامتيازات اللى انت فيها
لكن اكيد ليك اهل او قرايب بيعانوا زينا
حاول تفكر بهدوء بينك و بين نفسك ... حاول تنسى الاوامر شويه

عموما لسه الايام جايه كتير
انهارده على فكره كسبنا الماتش 3 لينا و 2 ليكوا
و لسه الدورى شغال

اكيد طبعا انهارده تعبتوا مننا و اتخنقتم من متابعتنا فى كل حته و اللى منكم ساب مراته و اللى منكم ساب ولاده و ده طبيعى جدا..احنا مش مطالبين نسهر على راحتكم
على الاقل انتوا اخدتم بدل .. ابسط يا عم
احنا بقى دفعنا من جيوبنا و بنهمل بيوتنا و اهالينا

و انتوا بتأدوا وظيفتكم فى حماية الحزب الوطنى
و احنا برضه هانؤدى وظيفتنا فى حماية مصر

يوم 4 نوفمبر.. عيد الحب فى كل مصر... اوعى تقول مصر وحشه.. قول حكومه فاشله و حزب فاشل

2008-10-04T02:18:00.000+02:00

يوم 4 نوفمبر ... يوم عيد الحب المصرى
فكره مصريه خالصه للتعبير عن الحب
كل اتنين فى اليوم ده بيجيبوا ورد و دباديب لبعض

عايزين اليوم ده يكون يوم فى حب مصر
كل الشباب يعبروا عن حبهم لمصر
نخليهم يحبوا بلدهم... محدش يشتم فى البلد
اللى عايز يلوم يبقى يلوم الحكومه الفاشله و الحزب الفاشل

ادينا كل يوم بنشوف اخواتنا عايزين يهربوا من مصر بأى طريقه و يروحوا اى بلد تانيه... مش مهم انهم يموتوا فى السكه و يغرقوا فى البحر ... مش مهم انهم لو وصلوا احياء يشتغلوا هناك عبيد

اليوم ده ننشره بكل قوتنا زى ما نشرنا فكرة اضراب 6 ابريل و 4 مايو
عايزين ننشر الفكره فى كل حته
على النت فى المدونات و المنتديات و المواقع الاخباريه
و فى الجامعه و على الحيطان و فى الشوارع و الحوارى

أوعى تقول بلدنا وحشه ... قول حكومه فاشله و حزب فاشل

عايزين اليوم ده نعبر عن حبنا لمصر بكل الوسائل
نعبر ازاى بقى؟؟؟

ادخل قول رأيك هنا
http://www.new.facebook.com/topic.php?uid=9973986703&topic=14345

شباب 6 ابريل
شباب بيحب مصر

http://shabab6april.wordpress.com/

جروب شباب 6 ابريل على الفيسبوك.. اكبر الجروبات المصريه و العربيه حتى الان
http://www.new.facebook.com/group.php?gid=9973986703

ايفينت اليوم
http://www.new.facebook.com/group.php?gid=9973986703#/event.php?eid=41667306412

اسكندريه رايح جاى

2008-10-03T23:30:00.000+02:00

اسكندريه رايح جاى

لم تكن الاسكندريه بالنسبة لى كما اسمع من الجميع .. فالاسكندريه ليست معشوقة الجميع .. بل معشوقتى وحدى

فاسكندرتى تختلف عن اسكندرية الجميع .. فهى تلك المدينه التى قضيت فيها طفولتى و اسعد لحظات حياتى

فهى المكان الذى به اشخاص كثيرون احبهم و يحبوننى بدون اى نفاق أو مصلحة ما

تعودت دائما ان اكون مبتهجا فى الاسكندريه .. بمجرد رؤيتى للشوارع و الازقه و المقاهى و الناس و الاسواق و الاقارب و الاصدقاء

لكن هذه المره كانت مختلفه

لم اتخيل يوما أنى قد اكون فى الاسكندريه انظر الى البحر من وراء القضبان .. و اشم نسيمه و لا استطيع النداء عليه

كنت قديما ابوح لصديقى البحر بكل آلامى و احزانى و كان يتقبلها بصدر رحب و يدفنها داخله متقبلا .. كان يكفى ان اجلس ليلا على صخور بير مسعود و انظر الى السماء حتى اتحول لشخص أخر

فى مساء يوم 23 يوليو جلست على مقهى بجانب شريط قطار ابوقير مع بعض الزملاء الناجين من عملية الاعتقال... كنا نلهث من المطاردات و رغم الاحزان لكننا شكلنا غرفة عمليات للاتصال بالمحامين و رواية التفاصيل و متابعة الزملاء المعتقلين و الاتصال بالصحافه ووكالات الانباء و اصدقاءنا المدونين و مراكز حقوق الانسان المصريه و الدوليه ... و فجأه سمعت صوت ما يشبه العويل و النحيب يأتى من بعيد حتى اصبح عاليا

كان هذا صوت قطار ابو قير الذى كنت اركبه منذ صغرى و لكن صفارته هذه المره تشبه عواء ذئب جريح يبكى بقوه.

جلست بعدها احاول استعادة احداث ذلك اليوم ..فلم اكن اتخيل ان يتطور الموضوع الى هذه الدرجه وكنت حريصا على الا يحدث هذا الموقف لاى شخص

لكن الامور تطورت سريعا لا اعرف متى او كيف ربما بدأت التفكير فى الامر عندما بدأت اشرب كوب خروب كلية الطب بعد مطارده طويله لى فى شوارع الاسكندريه بعد مظاهرة اهالى طوسون ..رغم كل تعبى وقتها ولكنى بدأت الاستمتاع بالاسكندريه ووجدت عندى القدره على التفكير مرة اخرى بعد تلك الاحداث المتلاحقه

لم اشأ ان اشوه ثوانى بدايه استمتاعى بالاسكندريه بأى تفكير وبدأت ارشف باستمتاع كوب الخروب .....

حتى فوجئت بخمسة ظباط أمن دوله يحيطونى مره واحده ويعيقون حركتى

تعالى معانا .....اركب .

عجزت عن المقاومه بسبب التكتيف والعنف والسرعه و المفاجئه.

وجت نفسى داخل سيارة زرقاء رتمو على ما اعتقد.

انت بقى احمد ماهر ....يا مرحب يا زعيم
يصيح الا خر بعنف .. انت ممكن تتهرب منهم هناك فى مصر بس عندنا فى اسكندريه......انسى
بدأت ارد ببرودى المعهود المفيد جدا فى هذا الموقف
اهرب فين بس قبل ما شوفكوا .......ده انا حتى كنت مستنيكم
ههههههههه...هاتشوف كل حاجه نفسك فيها ....احنا برضو لازم نوجبو معاك دة انت مدوخنا وراك ياراجل من امبارح.......بس هاتروح فين
يتكلم كبرهم فى التليفون ...اية يا باشا لقينا احمد ماهر هانطلعو دلوقتى على هناك ...افتح السكه الطريق زحمه

يبدأ الضابط الذى يكتف يدى فى خف يده تدريجيا مع ابتسامى المتكرر ويبدأ اخر فى تفتيش متعلقاتى و يختطف أخر تليفونى ....

*مين الى بيتصل بيك ده يا احمد

* اكيد صحفى او محامى..... بس لو سمحت التليفون دة كان فى امن الدوله فى مصر وكل الارقام الى عليه معروفه فياريت يرجع تانى علشان عليه ارقام الشغل و ارقام مهمه

* انت فاكرنا حراميه ولا ايه .... هانرجعهولك امانات

*ما انتوا كل مره بتقولوا كده برضه و فى الاخر بتختفى الحاجات دى

*انسى اى حاجه قبل كده احنا حاجه تانيه...هع هع هع هع

لحظات صمت طويله اثناء سير السياره فى الشوارع المزدحمه ابدأفى التفكير اخيرا و صوتين يتناقشان بحده شديده داخلى ..* لماذا لم ترحل من الاسكندريه بعد اعتقال زملاءك

*و اسيبهم ازاى يعنى؟؟

* انت اصلا فقر .. يعنى عرفت تفلت و تقوم ترجع برجليك تانى

* ما كانش ينفع امشى .. كنت هازعل من نفسى قوى

* يابنى انت غبى .. انت هاتعرف تفيدهم من بره احسن بكتير من جوه

* لا لا انت اللى مش فاهم .. انا عملت كل دورى بتاع بره امبارح و زى الفل .. بس اكيد ربنا مرتب انى اكون معاهم جوه .. اكيد هما محتاجيننى معاهم .. دول كلهم لسه أول مره يتحبسوا

* يعنى عاجبك انك هاتتحبس تانى و يمكن تتعزق علقه زى المره اللى فاتت أو الحبسه تطول و شغلك يضيع زى كل مره ... عاجبك الملل و القرف اللى جوه السجن

* أكيد مش عاجبنى.. افهم بس .. اللى حصل اساسا من امبارح الصبح كان غريب .. كل السيناريو اللى اتحضر من فتره طويله اتغير فجاه لسيناريو يبان انه مش مترتب .. بس الغريبه انك لو فكرت شويه هتلاقى كل الاخطاء اللى حصلت ليها فوايد كتير .. من اول فشل تأمين اليوم لغاية تغيير خطة اليوم لغاية اعتقال البعض و نجاة البعض لغاية اعتقالى دلوقتى .. و انى ليه ما رجعتش مصر رغم انى عارف انهم بيدوروا عليا فى اسكندريه .. كل تصرفاتنا كانت غريبه بس سبحان الله هى جت كده.

* اقعد بقى اتفلسف و برر لنفسك

* بقولك ايه .. مش عايز دوشه .. ياللا امشى دلوقتى .. ورايا يوم طويل .. و ابقى تعالى فى السجن نفكر مع بعض .. ولا اقولك .. ماتجيش خالص مش عايز وجع دماغ .. انا فى السجن بحب انام و استجم

تمر الاحداث سريعه بعد ذلك من قسم باب شرق لقسم الرمل لنيابة الرمل ... و الغريبه هو ان المعامله كانت محترمه من الجميع باستثناء طبعا لحظات الاعتقال الاولى .. واضح انهم كانوا مستعجلين قوى

فى النيابه أجد أن وكيل النيابه يضحك اثناء تلاوة التهامات

انت تهمتك يا احمد انك أسست تنظيم يهدف لقلب نظام الحكم عن طريق الفيس بوك و مولت من جيبك طباعة منشورات و تيشيرتات .. و قمت بتوزيع الادوار انت و مسئول الحركه فى الاسكندريه احمد نصار بغرض القيام بمظاهره لتكدير السلم العام و اثارة البلبله و تعطيل المرور... نفس الاتهامات المحفوظه .. و اجبته بنفس الاجابات المحفوظه

رجعت للزملاء فى الترحيلات.. و كانت فرحة اللقاء و الاطمئنان ... جلس كل منا يروى للجميع ما حدث معه .. كيف اعتقلوه و كيف عذبوه .. الغريبه اننا كنا نحكى و نضحك رغم الالم

قضينا جميعا وقت ممتع فى سجن برج العرب.. أعتقد ان هذه الحبسه هى المثاليه من حيث التجانس و الود و المحبه و القدره على الاستمتاع بكل الاحداث مهما كانت مؤلمه

قابلنا مناضل عظيم مثل مسعد ابو فجر كان بمثابة اخينا الاكبر ... لن ننسى زملاء السجن الذين اهتموا بنا و اعانونا و خففوا عنا ما نحن فيه بكل طاقتهم و عاملونا كالاهل و ربما اكثر

لن انسى ابتسامة الرقيق كريم عامر ولا جدعنة اهالى المحله اصحاب الاضراب ولا فخر معتقلى الاخوان بنا و اصطفافهم لتوصيلنا حتى باب السجن يوم خروجنا فيما يشبه التشريفه

كانت تجربه زادتنى معرفه و خبرات كثيره و كان الاهم اننا استطعنا داخل السجن و خارج السجن ان نفكر بعمق و يقترب كل منا من الاخر.. و ان نذيب أى خلافات موجوده او مدسوسه

كان اهم مكاسبنا اننا عدنا

اغسطس 2008

سياسة النفس الطويل

2008-10-03T19:02:00.000+02:00

اسئله هامه لابد من الإجابه عليها… من نحن؟؟؟ و لماذا نحن هنا؟؟؟
و لكن قبل الإجابه عن تلك الأسئله يجب ذكر بعض الوقائع و القصص المختصره التى حدثت منذ سنوات

فى أحداث إنتفاضة الاقصى فى عام 2000 و 2001 امتلأت الجامعات المصريه و ايضا المدارس بمظاهرات يوميه تندد بما يحدث فى فلسطين و كانت المظاهرات بعشرات الالاف فى كل جامعه مصريه فى جميع المحافظات و كان تعامل الامن بالعنف المفرط المعتاد من اعتقالات و تعذيب
و لكن بعد تلك الاحداث اقترب شباب التيارات السياسيه من بعضهم البعض .. خصوصا الناصريين و الشيوعيين و بعض الاسلاميين و جلسوا يفكرون سويا.. اين المفر
و توصلوا لنتيجه مهمه بأنه لا تحرير للقدس بدون تحرير للعواصم العربيه من الحكام الخونه
وكان هؤلاء الشباب هم شباب التيارات السياسيه من جيل التسعينات الذى ولد وحيدا بدون اى رابط او أى مشروع أو أى هدف

و فى عام 2003 كان ضرب العراق و انتشرت المظاهرات مره اخرى فى كل الجامعات المصريه
و بسبب تواطؤ مبارك فى ضرب العراق كان الغضب موجه ضده بدرجه كبيره ..و كان لأول مره فى مصر هتافات ضد مبارك فى الجامعات المصريه.. و لكن اكنت تقابل بالرعب الشديد من الطلاب

فى نهاية عام 2004 كان تأسيس حركة كفايه.. و هى حركه تضم مثقفين مصريين و اكادميين و باحثين و ساسيين من مختلف التيارات السياسيه و لكن كان الهدف المتفق عليه انه كفايه 25 سنه من الاداره الفاشله لمصر
لا للتمديد .. لا للتوريث

و تجمعت حركة شباب من اجل التغيير التى اتشرف بكونى احد منسقيها فى أحد الايام
و كانت فى البدايه تضم من تبقى من جيل التسعينات و ما تبقى من مظاهرات 2000 و 2001 و 2003 بالإضافه لمئات من الاعضاء الجدد الذين كان عندهم الامل فى التغيير… و كان الجميع يحلم بذلك اليوم
كان الجميع مثل خلية النحل التى تعمل ليلا و نهارا… تحضير لمظاهرات و وقفات احتجاجيه و توزيع يومى للبيانات فى الشوارع و لصق لإستيكارات و كتابه على الحوائط
مجهود يومى بدا من نهايات 2004 حتى نهايات 2005… و لكنه كان منحنى بلغ اشده فى فترة ما قبل الانتخابات الرئاسيه
كانت الاجتماعات التنظيميه لحركة شباب من اجل التغيير يحضرها مئات الاعضاء… و المظاهرات بالالاف… و الوقفات الاحتجاجيه شبه يوميه لا يحضرها عدد اقل من 500 ناشط سياسى
و لكن اين ذهب كل هذا؟؟.. و لماذا انتهت شباب من أجل التغيير؟؟؟
كانت البدايه هى جمود الفكره … لا للتمديد و لا للتوريث… يسقط يسقط حسنى مبارك
و لكن لم يسأل أحد نفسه.. و ماذا نفعل إن لم يسقط؟؟… و ماذا نفعل ليسقط؟؟ .. و ماذا نفعل إن سقط؟؟؟
و كان أيضا جمود التكتيك و الوسائل.. فقط بيانات و تظاهرات شبه اسبوعيه و هتافات متكرره لا تهم رجل الشارع فى شىء.. و كان الأمن وقتها يسمح بتلك التظاهرات إرضاء للحكومه الامريكيه و لإستكمال ديكور مهزلة الانتخابات الرئاسيه

و بعد انتهاء مسرحية الانتخابات الرئاسيه بدأ شباب كل تيار فى التقوقع.. بأوامر من الكبار احيانا و بسبب التعصب الاعمى و سوء الفهم احيانا أخرى
و فجأه اصبحت حركة شباب من أجل التغيير ساحه للصراعات الحزبيه و تصفية الحسابات
و اصبح كل الشغل الشاغل للشباب المنتمين للاحزاب هو كيف يفوزون باكبر نصيب من تورتة شباب من اجل التغيير.. و اصبح معيار تفوق أى حزب أو تيار هو كم من الشباب إستطاع تجنيدهم لتياره… و يا ليته جنده و تركه يستكمل الحلم.. وانما يجند ليعزله عن الباقيين

و بدا الشباب المستقلين فى الانصراف يوما بعد يوم… و اصاب الإحباط الجميع
و اصبحنا نرى تيار معين يحشد كل شبابه لكى يستطيعوا افشال التصويت على قرار معين.. و شباب تيار اخر يأتى بكامله لأول مره لإنتخاب اكثر عدد ممكن من اعضائه فى اللجنه التنسيقيه للحركه
و هكذا.. مع استمرار تدخل الكبار العاقلين و تغذيتهم للصراعات … انتهت حركة شباب من أجل التغيير سريعا بعدما ملأت مصر حراكا و نشاطا
وبالطبع لا نستطيع تجاهل الدور الأمنى فى توسيع الخلافات بإستخدام سلاح العصافير

و احبط الكثيرون بعد نزول المنحنى لنقطة الصفر و سافر كثيرون.. و تزوج كثيرون و فضلوا الاستقرار العائلى عن حلم التغيير
و لم يتبقى سوى بعض الافراد يراقبون من بعيد…بعضهم يحاول مع اى حزب او تيار يسعى.. و بعضهم اكتفى بصالونات المثقفين ثم حلقات التنظير الحنجورى ثم نضال المقاهى.. و احيانا نضال السراير بإسم الحريه و الديمقراطيه

و لكن يبقى السؤال الملح الذى ينبغى أن نسأله لأنفسنا قبل ان نخطأ نفس الاخطاء
اين ذهب الألاف من الشباب فى 2001 و 2003
اين ذهب المئات من الشباب الرافض لمبارك فى 2005

معظمهم يراقبون من بعيد ينتظرون اللحظه.. و بعضهم أرضى ضميره بالنشاط الحقوقى أو الاعلامى… و معظمهم للأسف فقد الأمل

و لكننا يجب أن نجيب على بعض الأشياء
من نحن.. و ماذا نفعل هنا.. و كيف؟؟؟؟

نحن كما نعلم شباب به بعض الأفراد القلائل مر ببعض الخبرات السابقه و الاغلبيه منه لم يكن له سابق خبره او مشاركه و لكنه تعلم بعض الاشياء بالممارسه و تعلم اخرى بخبرات السابقين
القاعده التى تجمعنا كلنا هى حب هذا البلد و الرغبه الملحه فى انقاذها مما هى فيه… و حيث انه لا فائده ترجى من الإصلاح او الترقيع فى ظل تلك القوانين و السلطات المتشابكه…. فلا بديل عن التغيير
ليس تغيير شخص..
و لكن تغيير منظومه بالكامل… دستور و قوانين و اليات إدارة و حكم و حساب.. و ربما بعض عادات الشعب ايضا .. تغيير لبعض المفاهيم التى يعتقد البعض انها دوجمه ثابته لا تتغير

و لكن كيف نستطيع التغيير
هل صدق القائل بإمكانية حدوث معارضه مليونيه تتوجه للقصر الرئاسى لتسقط النظام و يهرب اللصوص؟؟.. ربما
و لكن ايضا كيف فى كل تلك الترسانه من القونين التى تبرر اعتقالك قبل ان تبدا التنفيذ و الحشد
إنه غير مسموح الان سوى بالوقفات الإحتجاجيه على سلالم نقابة الصحفيين أو سلالم النائب العام أو بعض قاعات المحكمه
نظل نصرخ و نصرخ حتى نتعب و نظن أننا أدينا ما علينا و نخلد بعدها للنوم مرتاحى البال
غير مسموح سوى بإصدار بعض الصحف التى تصرخ بلا مجيب و كانها تؤذن فى مالطه
غير مسموح سوى ببعض الندوات و بعض المؤتمرات التى يحضرها نفس الأشخاص و نرى فيها نفس الوجوه.. يزيدون احيانا و يقلون احيانا

ربما تكون المظاهرات الحاشده احد وسائل التغيير
و ربما تكون كذلك الندوات و المؤتمرات
و لا ننكر ان للوقفات الاحتجاجيه دور اعلامى و سياسى هائل
و لكن كيف نسعى للتغير… و من الذى يغير
هل المثقفون ام الشعب
بالتاكيد لن يستطيع المثقفون و السياسيون التغيير لأنهم لا يملكون اى شىء من الاساس.. و معظمهم يقضى وقته فى صراعات و نقاشات لا طائل من ورائها… و للأسف لغتهم غير لغة الناس فى مصر

لن يكون التغيير سوى بايدى الناس البسطاء اصحاب القضيه و المصلحه من التغيير… و لكننا نراهم مذعورين و خائفين.. ينطلقون احيانا فيفعلون ما عجزنا عنه.. مثل عمال المحله و موظفى الضرائب العقاريه
و خامدين احيانا كثيره يخافون من ان يعلو صوتهم أو يهمسون بأبسط المطالب الاساسيه

جربنا التظاهرات التى بها حشود بالالاف
و جربنا الوقفات و الاحتجاجات
و لكن هل جربنا التفاعل مع الناس و التواصل معهم
بنفس طويل هذه المره .. و ليس بنفس قصير كمن سبقونا من شباب التسعينات و شباب 2001 و 2003 و 2005
نحتاج لسيلسة النفس الطويل و ان نقتنع جميعا ان التغيير يحتاج لوقت و تعب حقيقى و مجهود و تضحيات

بعد اشتراك شباب 6 ابريل فى الوقفات الاحتجاجيه المستمره سواء لمطالب الحركه او لمطالب فئات و حركات اخرى…. اشتكى البعض من الحصار الرهيب لتلك الوقفات.. و تخيل البعض من جيل 2008 أنه لو إختفت تلك الحشود الامنيه لفعلنا جميع الافاعيل
فى عام 2005 لم يكن هناك اى حصار لأى تظاهرات و كانت اغلب المظاهرات فى القاهره و تحديدا فى منطقة وسط البلد املا فى حلم المظاهره المليونيه
و كانت الهتافات مكرره و محفوظه و احيانا لم تتغير منذ مظاهرات السبعينات و كان الشباب يكررها بدون أى تمييز او تفكير.. كما يحدث الان بالضبط.. و كانت الهتافات إما ضد مبارك و حبيب العادلى والداخليه و أمن الدوله و كان بعضها لا يتعدى سوى بعض السباب المتفق فى الوزن و القافيه… او هتافات اخرى تطالب بالحريه و الديمقراطيه بالاضافه لبعض الاشعار ذات المغزى الكامن التى كان بعض المتظاهرين احيانا لا يفهموها
و كان رد فعل الناس فى الشارع لا يخرج عن احد الفعلين
إما يطلق ساقيه للرياح بعد سماع الهتافات ضد مبارك او حبيب العادلى
أو يكون اكثر شجاعه و يرفض الجرى بمجرد سماع الهتاف و لكنه يرانا عباره عن مجموعه من الكائنات الفضائيه التى تطالب بأشياء لا تهمه و مصطلحات غريبه مثل الحريه و الديمقراطيه و تندد بحكم العسكر.. و يتكلمون احيانا عن واحده اسمها بهيه لا يعرف اهى معهم فى المظاهره ام لم تاتى بعد
و فى اواخر 2005 و بعد شهور من الهتافات الحماسيه التى تجعل الدم يغلى فى العروق.. بدات مع مجموعه صغيره من الزملاء بإنتهاج اسلوب جديد.. و هو التوقف عن ترديد الهتافات و ترك الهتافات لأهلها ليس تقليلا من شأن الهتافات أو الهاتفين.. و لكن لكل شخص عمل يرتاح اليه
و بدانا فى التركيز على العشرات الذين يشاهدون الكائنات الفضائيه فقد كانوا يقفون ساكنين بدون اى حراك.. و احيانا يقومون بالتصوير و يرحلون ليتفاخروا على اصدقائهم بفيديوها لتلك الكائنات العجيبه التى تسمى معارضه مصريه
و مع الحديث معهم خلف خطوط العدو و خلف الكوردون وجدنا انهم ينقسمون لثلاث اقسام
اقليه ضئيله جدا لا تتعدى اصابع اليد تنتظر فقط ان تطلب منهم الانضمام و تشجعهم لتجدهم منضمين اليك حتى و ان كان هناك كوردون امنى
حوالى النصف من المتفرجين يجادلك و يجادلك و يجادلك لتبرير عجزه و خوفه.. و يظل يبحث فى ذاكرته عن الاحاديث و الايات القرآنيه و الامثال و الاقوال المأثوره التى تتحدث عن عدم القاء النفس فى التهلكه بجانب الحكمه المصريه الخالصه.. اصل اللى نعرفه احسن من اللى ما نعرفوش.. و اصله حرامى و شبع
و القسم الثانى تجدهم ينظرون اليك نظرة اعجاب شديد.. و تجد السنتهم تلاحقك بالدعوات ان ينصرك الله و يثبتك و يدعوا الله ان يخرب بيت ابو حسنى مبارك… و عندما تطلب منه ان يشارك معك و اننا وحدنا لا نستطيع التغيير.. تجده يسارع فى الانصراف قائلا.. معلش يا بطل عندى عيال عايز اربيهم ربنا يوفقكوا
كنا نتكلم مع الناس خارج الكوردون بالساعات لنفوز بفرد او اثنين او ثلاثه من المتطوعين الجدد للحركه الوطنيه عموما لا لأى حزب أو تيار محدد

و كانت احداث اعتصام القضاه فى 2006 هى نقطه فاصله فى مسار الحركه الوطنيه و مفهوم النضال فى الشارع..فبعد اعتقال المئات من النشطاء السياسيين من كفايه و شباب من اجل التغيير و حزب الغد “القديم” و الاخوان المسلمون … تاكدنا بعدها ان الشارع ليس لنا.. و اننا يجب ان نسير وفقا لقواعد اللعبه و نكتفى بالوقوف على سلالم النقابه او النائب العام… و بعد خروجنا من السجن اصاب الاحباط و الملل الجميع سواء من تم اعتقاله ام من نجا.. و كفر كثيرون بحلم التغيير
ما عدا مجموعه قليله من بقايا شباب من اجل التغيير اصرت على الاستمرار و بدات فى مظاهرات صغيره مفاجئه فى الاحياء الشعبيه و كانت ناجحه جدا و لكنها كانت تحتاج لتنظيم اكثر و متابعه مستمر و بناء حقيقى.. و استمرت تلك المجموعه حتى اوائل 2007 حتى قابلتنا مشكلة عدم وجود تمويل كافى للانشطه بجانب النفس القصير
ملحوظه.. معظم تلك المجموعه الصغيره يشاركون فى انشطة شباب 6 ابريل الان

و بدا السؤال المصيرى يطرح نفسه فى 2007……. اين الطريق؟؟؟
الاحباط ينتشر كالسرطان بين النشطاء
الشارع ليس لنا و الامن اصبح اكثر شراسه
الجماهير لا تجد من تثق به سواء شخص أو تيار
هل نفعل مثل جيل التسعينات و نستسلم أو نكتفى بالنشاط الحقوقى و الاعلامى
اسئله تدور بيننا
حتى بدأت النضالات العماليه و الفئويه فى الظهور… ووقف جميع السياسيين يراقبون من بعيد و يتعجبون.. اضرابات عماليه متلاحقه.. اعتصامات كل يوم… و لكن من يقود هذا فلم يكن هناك من ينظمهم
حتى الاحزاب و التنظيمات اليساريه و” ما اكثرها ” وصلت لمرحله من الضعف بأنها لم تكن تستطيع الحشد لندوه او اجتماع
رغم مطالبة تلك الحركات الاجتماعيه بمطالب فئويه بسيطه و احيانا نجدهم يناشدون السيد الرئيس الذى هو سبب مشاكلهم من الاساس… و لكن اجمع المحللون داخل مصر و خارجها أن لحركة كفايه و شباب من اجل التغيير و التظاهرات المستمره دور كبير فى كسر حجاز الخوف عند تلك الفئات… و ان حلم التغيير لا يزال موجود

بعض الملاحظات العابره

** للأسف حتى الان لا يوجد فى مصر تيار قوى يستطيع تحريك الجماهير أو تثق به الجماهير.. حتى الاخوان رغم قوتهم التنظيميه يعتبرون الان فى اضعف حالاتهم

** لا يوجد الزعيم الملهم الذى يلهب العواطف و يحرك المشاعر و يثق به الناس و يقفون خلفه

** لن تجدى اى محاولات للترقيع عن طريق الانتخابات البرلمانيه و افكار الاصلاح التدريجى و التسول من الحزب الحاكم.. فكل تلك الاحزاب الهشه التى ترضى ببعض المقاعد هنا و هناك عن طريق الصفقات المشبوهه مع الحزب الوطنى هى شريك رئيسى فى الجريمه

** المعارضه الحاليه بمعظم فصائلها هى المساعد الحقيقى للحزب الوطنى و تكتل الفساد حيث انه يستمد قوته من ضعف تلك المعارضه المهلهله دائمة التناحر و التقاتل و استهلاك المجهود فى التنظير و الجدال و البحث بإخلاص عن أى مواطن للإختلاف…. و بالطبع لا ننسى دور سلاح العصافير فى ذلك.. سواء العصافير الصغيره من شباب العصافير أو العصافير الكبيره التى ترتدى بدل فخمه و ذات اسماء لامعه مشهوره

** لم تنجح اى تجربة تغيير فى التاريخ بدون اتحاد حقيقى لجميع قوى المعارضه و اتفاقهم جميعا على النقاط المشتركه فيما يشبه وثيقة العمل او الدستور الجامع الذى يحكم تعاونهم جميعا قبل مرحلة التغيير و بعد مرحلة التغيير…. لم تنجح تجربه للتغيير فى العالم بدون ترتيب سيناريو حقيقى قابل للتنفيذ لما بعد التغيير

ربما لن يكون شباب 6 ابريل كبيرا فى صياغة ذلك.. و لكننا نستطيع الدفع فى هذا الاتجاه طوال الوقت

و لكن يبقى السؤال الهام… كيف يكون التغير السلمى (ما دمنا اتفقنا انه هو الهدف) و بيد من؟؟؟
و ما دورنا تحديدا فى ذلك

على ضوء الملاحظات السابقه و ملاحظات اخرى تاليه .. لن يكون التغيير سوى بيد الشعب
ووظيفة اى قوه سياسيه او أى تجمع يطمح للتغيير السلمى هى فقط التنظيم و محاولة تحويلة لتغيير سلمى غير فوضوى

نحتاج أن نكون نحن القوه المنظمه التى بين الناس فى كل حاره و كل مقهى و كل شارع و كل حى و كل كليه و كل نادى

نحتاج لأن نستمع للناس و نفكر معهم و ان نقف معهم فى نضالهم و نتعلم منهم و ايضا نحكى لهم بعض تجاربنا البسيطه
نحتاج لان نربط بين الخبز و الحريه.. فهما ليسا قضيتين .. بل هما قضيه واحده
نحتاج لأن نربط بين اهالى الدويقه و اهالى طوسون و موظفى الضرائب العقاريه و فلاحين سراندوا بطلبة الجامعه
نحتاج ان نتواجد مع كل فئه و داخل كل فئه
نحتاج ان يكون هناك شباب 6 ابريل فى الدويقه و طوسون و سراندوا و عزبة ابو رجيله و فى كل حى و منطقه

و لما فى ذلك اكثر من ملاحظه
عندما خرج اهالى المحله يطالبون بمطالبهم البسيطه و لكنهم دمروا اصنام الطاغيه بمجرد ان شاهدوها امامهم لأنهم ادركوا انه سبب معاناتهم

عندما تظاهر اهالى طوسون فى الاسكندريه لمساندة شباب 6 ابريل الذين تم اعتقالهم فى الاسكندريه فى 23 يوليو

عندما تظاهر اهالى طوسون للتضامن مع اهالى الدويقه

نحتاج لشعب واعى عنده حلم التغير و ينتظر فقط لحظة الخروج المنظم بدون اى اضرار لبلده

بالتأكيد الطريق طويل و لكنه ليس مستحيل

و نحاول الان ترتيب الاوراق و معالجة الاخطاء و التقييم… و التنظيم
بالتاكيد يتطلب تحقيق حلم التغيير للعمل الجاد و الإخلاص منا للفكره
الاخلاص ثم الاخلاص ثم الاخلاص
ثم سياسة النفس الطويل

بالتأكيد نحتاج ان نتحاور و نضيف لتلك الاستراتيجيه بعد وضوح الهدف
و قتها فقط سنعلم جميعا اى وسائلنا اكثر فاعليه
و ايها ذات تأثر طويل المدى و ايها ذات تاثير محدود
و كيف نأتى بوسائل جديده.. و متى؟؟

اجمع الكثيرون من المحللين السياسيين فى مقالات كثيره داخل مصر و خارجها على ان هذا النظام الحالى يعانى الكثير من الترهل و التخبط و العشوائيه
و تعجب الكثيرون كيف لم يسقط بعد كل تلك الازمات.. فالبطش ليس مبرر.. فصحيح ان هذا النظام متغلغل امنيا و مسيطر على الكثير من المؤسسات الهامه…. و لكنه اكثر الانظمه المرفوضه شعبيا فى تاريخ مصر و اكثر الانظمه الحاكمه الفاشله و اكثر الفترات التى حدثت فيها مئات الكوارث المتتاليه
و كانت التحليلات كثيره بداية من القهر و الظلم للجهل للجبن لتغلغل الفساد
و لكن الاجابه الابرز كانت التى تتحدث عن ان كل ما سبق طبيعى فى معظم الدول التى استطاعت التغيير رغم الجبن و الخوف و القمع و احيانا الاعدام و التصفيه للمعارضين
إلا ان السبب الرئيسى فى مصر هو حال المعارضه الذى ربما يكون اسوأ من حال الحزب الحاكم الناهب
فالمعارضه بين متعصب و ديكتاتور و نصاب و محترف خطب حنجوريه و محترف كلام و مرتزقه ومتكسب من المعارضه .. او مستكين او مكتفى ببعض المصالح و المكاسب الوقتيه او بعض المقاعد فى البرلمان
فالحزب الوطنى يستمد قوته من ضعف المعارضه و تشرذمها

فى بعض تجارب التغيير فى الدول الاوربيه … لم تستجيب قوات الشرطه و الجيش للأوامر بسحل و قمع الجماهير فى اللحظه الاخيره الفاصله و ذلك بسبب توحد المعارضه و الشعب حول رؤيه و منهج و سيناريو واضح لما بعد اسقاط النظام

سأل الزميل عمرو ميروز فى بداية التوبيك سؤال حول هل من الممكن ان يتحد الاسلامى و العلمانى و الشيوعى و الناصرى و الليبرالى للاتفاق حول هدف؟؟

بالتاكي انه حلم صعب التحقيق
ليس بسبب دور عصافير امن الدوله فقط فى اثارة الاختلاف و الخلاف فقط.. و هؤلاء منهم من هو رئيس لحزب كبير او صغير.. و منهم من هو كاتب لامع .. و منهم من هو عصفور صغير مبتدىء

و ليس المصالح الشخصيه و تغليب مصلحة الحزب أو التيار على مصلحة مصر فقط
و لكن ايضا بسبب التعصب المتغلغل فى جذور الشعب المصرى
فالمواطن المصرى اما اهلاوى او زملكاوى … مسلم او مسيحى … اسلامى او علمانى … ليبرالى او شيوعى
للأسف لم نتعلم ثقافة قبول الاخر كما هو… لم نتعلم احترام الرأى الاخر
فنجد السياسيين يعانون من كثير من الامراض هم الاخرون

و لكن ماذا نريد ان نفعل… و ما امكانياتنا فى الاساس
اتفقنا جميعا ان التغيير لن يكون الا بيد الشعب
و اننا للاسف ليست لنا قواعد و لا يعرفنا الناس
لذلك فنحتاج ان نكون بينهم
ان نبنى انفسنا فى كل مكان
ان نعوض نقص الامكانيات بالمجهود و الاخلاص
بالتأكيد نحتاج لذلك لخطه و افكار جديده
و ارسال البيانات على الايميلات المكتوبه على الصفحه الرئيسيه للجروب هى البدايه

بجانب العمل الجماعى لنا جميعا سواء قضايا نطرحها او نشترك فيها مع احد القوى السياسيه
كقضايا تعبر عن موقفنا السياسى او قضايا التضامن مع المطالب الاجتماعيه و الالتحام مع حركة الاحتجاج الاجتماعيه الصاعده
ده بجد هايخلينا نوصل للناس.. و نسمع منهم و نشجعهم يطلبوا حقهم.. زى اهالى طوسون و اهلى سراندو
الناس دى لما وقفنا معاهم و اتكلمنا و ساندناهم فى قضاياهم.. هيبقى من السهل اقناعهم يقفوا معانا لما نعمل تحرك كبير

و تبقى النقطه الاهم
كيف يكون سيناريو التغيير
و ماذا بعد
هل المعارضه المصريه عندها خطه ثابته
هل توجد حكومة ظل مستعده
هل اتفقنا على الدستور الجامع
هل اتفقنا على الجمعيه المنتخبه لإدارة مصر او عدة اشخاص يتم الاتفاق عليهم للحكم فى فتره انتقاليه

سمعنا جميعا عن تلك الافكار
و لكن نحتاج لخطه تفصيليه يثق فيها الناس عندما يسألون… و اين البديل عن مبارك
ماذا لو سقط مبارك… ماذا لو مات فجأه… ماذا لو تنحى و بدا انتخابات رئاسيه مفاجئه… هل نحن مستعدون؟؟؟؟

للمزيد

http://shabab6april.wordpress.com

بيان يوم 23 يوليو فى الاسكندريه

2008-08-29T15:58:00.000+02:00

حقنا و هناخده

تفتكر احنا ليه بنعمل كده؟؟

يمكن شايفنا فاضيين او مش لاقيين حاجه نعملها ... و أكيد مش عارف إحنا مين

إحنا مجموعة شباب مننا اللى فى الجامعه و مننا اللى بيشتغل ... لكن كلنا متفقين ان وضع مصر بقى سىء جدا و كل يوم هايكون أسوأ و الحياه هاتكون أصعب بسبب العصابه اللى بيسرقوا خير البلد و مش هاممهم غير مصالحهم وازاى يزودوا ثروتهم و بيحاربوا أى حد بيحاول يصلح

عمر ما حد سرقك هاييجى من نفسه و يقولك اتفضل حقك اهوه

دورنا كلنا اننا نطالب بحقنا و نصر عليه ... لازم كلنا نقف مع بعض و نكون ايد واحده و نقول عايزين حقنا

حقنا فى مرتبات محترمه تكفينا .. حقنا فى تعليم حقيقى مش كله حفظ و غش .. حقنا فى تداول سلطه و ديمقراطيه حقيقيه و عداله اجتماعيه و مساواه بين الجميع و حساب حقيقى لكل المسئولين

حقنا نعرف فلوسنا بتروح فين و ليه

حقنا ده علشان ناخده لازم كلنا نطالب بيه .. مجموعه صغيره ماتنفعش ... لازم كل الناس تقف مع بعض

و كل الناس يطالبوا بحقهم .. فى شغلهم ... فى منطقتهم .. فى جامعتهم ... فى بلدهم

شباب 6 ابريل

حقنا و ها ناخده

www.shabab6april.wordpress.com مدونة شباب 6 ابريل

http://groups.yahoo.com/group/shabab6april المجموعة البريديه

http://www.facebook.com/group.php?gid=9973986703 الجروب الرئيسى على الفيسبوك

كن معنا يوم 28 يونيو القادم بنقابة الصحفيين

2008-06-25T10:49:00.002+03:00

سيدي الفاضل/ سيدتي الفاضلة /ـ

بعد التحية

تتشرف مجموعة شباب 6 إبريل بدعوة سيادتكم لحضور مؤتمرها الأول
والمنعقد في مقر نقابة الصحفيين، الطابق الرابع، في تمام الساعة السادسة مساءً ، وذلك يوم 28 / يونيو/2008
ندعو سيادتكم إلى ضم صوتك إلى أصواتنا من أجل رفعة مصر
ندعو سيادتكم إلى النزول معنا إلى أرض الواقع كي نكون تكون شريكا معنا في مواجهة مشاكل وطننا العزيز
والعمل على حلها

فمن منا لا يرى الواقع المريرالذي تعيشه البلاد. من منا لا يشعر بالغربة في وطنه

فمصر تمر بفتره عصيبه لم تحدث فى تاريخها من قبل .. و نعانى جميعنا من مشكلات سياسيه و اقتصاديه و اجتماعيه
نحن جيل الشباب نعلن أننا لا نريد أن نكمل منظومة الفساد و لا نريد ان نشارك فى الجريمه بصمتنا
نحن مجموعه كبيره من الشباب لا يجمعنا إلا حب هذا البلد و الرغبه فى إصلاحه .. كانت بداية تجمعنا فى 6 ابريل .. جمعتنا الرغبه فى إنقاذ هذا الوطن بعدما أدركنا جميعا فداحة الوضع الراهن .. و رغم ان الغالبيه العظمى منا لا تنتمى لأى تيار سياسى و لم يكن يربطنا بالسياسه أى رابط إلا اننا مصممون على إكمال الطريق
و إننا نؤمن أننا نستطيع استكمال ما توقف عنده الاخرون .. و مقتنعون بقدرتنا و حقنا فى تغيير هذا الواقع الأليم

نعلن غضبنا وتمردنا على هذه الأوضاع التى لن تترك أخضر أو يابس لأولادنا فى المستقبل وإذا كانت الأجيال السابقة قد فرطت فى حقوقنا فنحن لن نفرط فى مستقبلنا ومستقبل الأجيال المصرية القادمة وهذه هى مطالبنا فى وطن لن يتحرر إللا بشبابه الحر الواعى

1-تحقيق الإكتفاء الذاتى من الغذاء
2-حد أدنى للأجور لكل الفئات و الوظائف و ربط الأجور بالأسعار كما يحدث فى جميع الدول التى تعانى من الغلاء .
3-اجراءات حقيقيه لوقف ارتفاع الاسعار و منع الاحتكار و منع فوضى السوق.
4- وقف تصدير الغاز لاسرائيل

دعوتنا لكم فى هذا المؤتمر ليس إلا رغبة منا فى مشاركتكم لنا فى محاولة لعودة الروح المصرية لجسد الوطن المصرى لتخليصه من مظاهر الفساد والسلبية والبيروقراطية إيمانا منا بحتمية تضافر كل جهود الشرفاء فى وطننا الحبيب مصر
ندعوكم لتفكروا معنا كيف ننقذ هذا البلد

كما نرجو من جموع الجماهير مساندتنا فى تحركنا لا أن يكملوا منظومة الفساد بسلبيتهم المعهودة

وعليه، ندعوك سيدي الفاضل / سيدتي الفاضلة لحضور مؤتمرنا للتعرف على هذا الجيل المناضل الذى لا يسعى إلى شىء سوى إقرار العدل ومحاربة الفساد
وللمشاركة معنا في وضع الحلول لهذه الأوضاع المأساوية التي يحياها هذا الشعب البسيط

ندعوك بأن تنزل معنا إلى أرض الواقع وتكون شاهداً بنفسك على أهم خطوات شباب هذا الجيل
شباب 6 إبريل
http://www.facebook.com/group.php?gid=9973986703

التوابع

2008-06-23T16:47:00.000+03:00

38 اتصال لم ارد عليهم .. انه صاحب المكتب الذى اعمل معه.. و لكنى اغلقت صوت الجرس لساعه واحده .. 38 اتصال؟؟؟؟

* أحمد تعالى المكتب دلوقتى

* حاضر يا بشمهندس انا جاى دلوقتى

صوته غير مريح و لكن لنرى ما المشكله .. و لكنى اعلم ما هى المشكله

* فين يا احمد المناقصه اللى كنت شغال فيها بقالك شهر و المفروض انك خلصتها و المفروض كنا نقدمها

* حضرتك عارف انها ضاعت فى الورق اللى خادوه من عربيتى فى امن الدوله... انا شغال فيها تانى ليل نهار بقالى اسبوعين

* و فين المستخلص اللى كنا المفروض نصرفه

* بعيد حساب الكميات تانى و بعيد الشغل تانى حضرتك عارف انهم ضيعوا ورق كتير بعد اما خلصته .. انا اسف

* بص يا احمد .. احنا اشتغلنا مع بعض قبل كده .. و طول عمرك كان شغلك كويس و ادارتك عاجبانى

لكن انا ماليش دعوه بمشاكلك مع الحكومه ... انا خسرت فلوس كتير قوى بسبب حواراتك دى و انت حتى كنت مش مركز فى الشغل قبل ما تتمسك

* بس شغلك خلصته برضه فى وقته ساعتها .. المشكله انهم مسكونى قبل ما اسلمه و ضيعوا كل حاجه بمنتهى الاستهتار ... و عامة انا بعيده تانى و شغال فيه بقالى اسبوع

* .. خلينا اصدقاء و علاقتنا احترام زى ما كانت من زمان .. و لما ييجى شغل تانى و تكون مشاكلك مع الحكومه خلصت هابقى اكلمك اكيد يا احمد

اخرج من عنده غير مصدق لما سمعت ... كنت دائما افخر بقدرتى على الاداره .. كنت افخر بأن اكثر من شركه ترغب فى ان اعمل فيها

هل تسرعت عندما قررت ترك الوظيفه و العمل لحسابى الخاص؟؟؟

ياللا

الرجل لم يخطىء .. انا بالفعل لم اكن اعمل بكامل طاقتى معه .. صحيح استطعت تعويض ذلك بتكثيف الشغل خلال ايام قلائل .. و لكن ما ذنب الرجل فى ضياع النتائج بسبب بعض الجهله ... ما ذنبه فى تلك الخساره الفادحه التى تكبدها بسبب بعض الظباط التافهين

عامة لا يزال هناك امل .. لا تزال اعمالى فى الشروق و العبور موجوده

صحيح ان طه اصبح لا يتصل كثيرا ليبلغنى بالنتائج .. و لكن ذلك بالتأكيد بسبب تحسن مستواه

فين ايام ما كان بيتصل كل خمس دقايق

الحمد لله .. الان اصبح يستطيع الاداره بدون مشاكل

تمر الايام و ابدا مره اخرى فى التركيز فى عملى .. لابد من زيادته و التركيز مره اخرى فى الفتره القادمه .. لابد من الاتفاق على بعض المشروعات الاخرى .. اظننى سمعت ان صاحب الشركه الوحيده التى اتعامل معها الان ينوى اخذ مناقصات جديده .. يمكننى ان اتفق معه على ادارتها بنسبه معقوله لن يرفضها

اتابع الاعمال و لكنى الاحظ شيئا غريبا

اصبح الجميع يتعامل مع على انى ضيفا فى عملى .. بل إن طه و ابراهيم اصبحوا يلقون السلام و يتكلمون معى بالكاد

تتوالى الايام و اسمع همسات و غمزات بين طه و ابراهيم و صاحب الشركه التى ادير له مواقعه و اعماله

يبدا الشك يزحف و ابدا فى السؤال

* راجل ما كلمكش فى حاجه يا طه؟؟

* حاجه زى ايه؟؟

* عن الشغل الجديد؟؟؟ عمارات العبور ... ماقالش هايبدأ امتى ؟؟؟ .دا كان اخر مره كلمنى كان بيقول انه مستعجل .. بس دلوقتى كل لما اشوفه الاقيه بينقطنى بالكلام

*مش عارف

اكرر نفس الشؤال مره اخرى على ابراهيم فيجيب اجابه لم افهم منها شىء .. و لكن من الواضح ان شيئا ما اكتمل نسجه فى الظلام ... شكلها بقى هنا و هناك

هو الراجل جاب حد يشيل الشغل يا طه
لأ .. احنا هانشتغل معاه
هو اتفق مع مين ... بقاله شهر بيهرب منى
اتفق معايا
معاك .. طب ماقولتليش ليه
اصله اتفق انى اشتغل فى شركته و يدينى مرتب كل شهر انا و ابراهيم
يعنى هاتسيب الشغل بتاعى و هاتروح معاه ... طب مش المفروض الراجل يفض الاتفاق اللى كان بينى و بينه الاول قبل ما يقرر كده
هو كام مكسوف يكلمك فى كده
بسم الله ما شاء الله يا طه ...بيت تعرف تتفق اهوه و تدير الشغل .. يا سلام بجد كنت بتمنى كده من زمان ... بس ما توقعتش انك اول ما تعرف تدير الليله يبقى تنطرنى
انا مش شايف فيها مشكله
لأ حاسب .. .فيه حاجه اسمها اصول .. فيه حاجه اسمها احترام ... فى اتفاقات رجاله ... تسمع عنها؟؟
انا اللى كنت واقف فى الشغل ...
انت كنت شغال معايا انا و انا كنت بعاملك كأنك شريك مش موظف ... انت شايف انك عملت حاجه صح؟؟؟
طبعا

لا اتذكر ماذا قلت له بعد ان قال انه مستريح الضمير بعد ان استولى على عملى بعد ان نسج خيوط المؤامره هو و صديقى الاخر.. لا اتذكر ماذا حدث فانا عندما افقد اعصابى لا ارى امامى

و لكن علمت فيما بعد انه اتقف مع صديقى الاخر على ان يعرضوا على المالك ان يتم تعيينهم عنده بمرتب

لا اعلم كيف نسوا الصداقه و كيف نسوا انى من تعبت فى تعليمهم بعد تخرجهم من الجامعه منذ شهور

لا اعلم كيف لم يشعروا بعذاب الضمير

لا اعلم مع اى مخلوقات اتعامل ... اهم بنى ادمين .. ام انا الذى كائن من كوكب اخر

يبدوا انى كنت مخطىء عندما تجاهلت نصائح المقربين بأن شغلى اولى من السياسه و اهم من اى حاجه

لا اعلم من الخطا و من الصواب ... لكن فيه رب اسمه كريم

البحار و المرسى

2008-06-01T06:13:00.000+03:00

نزل البحار الشاب الى قاربه الشراعى الصغير.. فرد الشراع استعدادا لإحدى رحلاته التى تعود عليها منذ سنوات.. القى نظره وداع على الميناء الذى مكث فيه طويلا .. كان يمكن ان يمكث أكثر من ذلك و لكن البحر يناديه .. لا يعرف لماذا يعشق البحر كل هذا العشق .. لا يعرف لماذا لا يعرف الاستقرار فى الموانىء الهادئه

طاف بعشرات منها.. و لم تستطيع اى ميناء من قبل فى إجتذابه أو تقليل عشقه للبحر

سار اياما طويله فى قاربه الرشيق القوى وسط امواج هادره و عواصف رعديه .. إلى ان لمح من بعيد ميناء صغير يختفى وسط الكثير من أشجار جزيره هادئه

لم يبذل اى مجهود فى توجيه قاربه لذلك الميناء.. فقد كان قاربه الرشيق يتجه تلقاءيا نحو تلك الميناء الصغيره و كأن فى كل منهما قطب مغناطيسى يجذب الاخر

و عند اقترابه من تلك الميناء الصغير .. تعجب من وجود مرسى واحد صغير لا يسع سوى قارب واحد صغير .. و زاد من تعجبه وجود عشرات القوارب التى تحوم حول الميناء و لم يجرؤ اى منهم على الاقتراب و الرسو

نظر مليا لتلك الميناء العجيبه و ارتاح قلبه لتصميمها و جمالها..فقد كانت بسيطه جميله تجذب الناظرين و سرعان ما يقعون فى عشقها

حدثه عقله المغرور انه قد شاهد من قبل ما هو أجمل منها و أفخم .. و لم تفلح أى ميناء من قبل فى أن تجذبه للبقاء بها سوى سويعات معدوده يستكمل بعدها رحلته فى ذلك البحر الممتع متلاطم الأمواج ... و لكن لهذه الميناء الصغيره سحر عجيب رغم بساطتها.. قد يكون هذا هو السر

مكث البحار الشاب ذو القارب العجيب فى الميناء الصغيره ايام عديده ..لم يعرف سر هذا الانجذاب العنيف تجاه تلك الميناء.. لم يدرك التصاق قاربه بذلك المرسى .. لم يلحظ تلك النظرات الناريه الموجهه اليه من كل جانب

و يوما بعد يوما نسى متعته بالابحار .. لم يعد يحس بأى مؤثرات حوله .. سوى استمتاعه بوجوده فى تلك الميناء العجيبه .. إلى ان لاحظ هذا الشيخ العجوز ذو اللحيه البيضاء.. فقد كان شيخ وقور هادىء الوجه .. لم يعرف البحار الشاب من أين أتى هذا الشيخ و أين يقيم ..و لكنه لمح فى عينيه نظرات غريبه .. مزيج بين العطف و الكراهيه.

ألقى البحار على الشيخ السلام على استحياء .. و لكن الشيخ لم يجبه

فسأله البحار .. مالك يا مولانا .. ماذا فعلت لتعاملنى بهذا الجفاء

رد عليه الشيخ قائلا .. انظر لقاربك الصغير .. انك تركته بدون اجكام قوى وسط الامواج .. لقد دمر قاربك المرسى

نظر البحار مذعورا لقاربه و ما احدثه من دمار .. فاستدرك الشيخ ذو اللحيه البيضاء كلامه للبحار الشاب قائلا .. انك ايضا تستمتع برسوك و راحتك فى تلك الميناء فرحا بما تقدمه لك و لم تفكر يوما فى ما يمكنك ان تقدمه لها

فرد البحار الشاب متسائلا .. و ماذا يمكن ان اقدمه و كيف استطيع اصلاح ما افسده قاربى الشارد

رد عليه الشيخ فى صوت من مزيج من الغضب الحنون .. لن تستطيع ان تفعل شىء يا ولدى .. فإنك لا تعرف ما يمكنك فعله .. فلترحل من هذا المكان و لتترك غيرك يصلح ما أفسدته انت .. فإنك لن تستطيع مهما حاولت

فوجىء البحار الشاب بكلام الشيخ .. و أحس بحزن شديد .. ومن ذلك الشيخ الذى يأمره بالرحيل بعد ان إستراح فى تلك الميناء .. إنه لن يرحل و لن يستطيع مخلوق ان يرغمه على فعل شىء لا يريده .. إنه يستطيع بكل سهوله إصلاح أى شىء فى اى وقت ..

قطع افكاره فجأه عندما إكتشف ان الميناء بالفعل لم تعد كما كانت .. و انه بالفعل أفسد الكثير و لا يملك شىء لإصلاحه .. و الاغرب أنه احس بان هذه الميناء العجيبه ... حزينه

نزل البحار الشاب لقاربه لائما.. انظر ماذا فعلت .. كان يجب ان اقيدك جيدا .. ستتسبب فى طردنا

و ظل البحار الشاب يلوم قاربه الصغير و لم ينتبه أن قاربه يتحرك ببطء مغادرا تلك الميناء التىلم يرى مثلها من قبل

انتبه فقط بعد ان بعد كثيرا .. إنتبه ف .. اسرعت بالإقتراب من مينائه الصغير .. و لكن ياللعجب فجاه توقف الجميع و لم يجرؤ اى منهم على الإقتراب من المرسى

عن الاربعاء العجيب اتحدث .. الكرنك 2008

2008-05-19T13:22:00.003+03:00

استيقظت صباح ذلك اليوم متعبا بعد يومين من العمل الشاق المتواصل .. فقد كاد عملى يضيع بسبب 4 مايو الذى لم يؤتى بثماره

ذهبت الى عملى مبكرا .. فاليوم لابد من اجراء بعض الحسابات الهامه و طباعة لوحات فى غاية الاهميه و تسليمها للمكتب

لا اعرف لماذا لم اكن متفائلا ذلك اليوم .. اتصلت بكثير من الاصدقاء .. و كنت لاول مره منذ اكثر من شهر اذكر مكانى فى التليفون بصراحه

*ايوه يا زميلى .. انا انهارده فى التجمع الخامس .. فى شارع التسعين .. ايوه فى المعرض ..هامشى على الساعه واحده

*ايوه يا بشمهندس طبعت كل اللوحات و الاستشارى مضى عليها ووافق .. جاى دلوقتى على المكتب

كان بعض العمال قد اعدوا طعام الغذاء و لكنى فضلت التحرك لان هذا اليوم كان مليئا بكثير من المواعيد الهامه

ركبت سيارتى المتهالكه و بدات فى التحرك و لمحت فى المرأه اليتيمه سياره بيجو مسرعه تتوقف فجاه امام الموقع الذى اشرف عليه

جاء خاطر فجأه بداخلى انها قد يكون بها بعض ظباط امن الدوله

ههههههه .. طب كويس انى مشيت

تعانى سيارتى من بعض الامراض المستعصيه التى تجعل تحركها بطيئا و تحتاج لأموال كثيره لكى تشفى و تعود سياره مره اخرى .. زقزوقه حبيبتى اكيد هاصلحها فى يوم من الايام ..دى ياما شاليتنى و انقذتنى من اخطار كتير .. ايه يعنى الكبالن مكسره و علبة الدركسيون بتزيق و لا المقص مكسور و ملحوم اى كلام

ايه المشكله ان مافيش استبن و مافيش كوريك وواخده كام خبطه ..اول الشهر هاجيبلك بطاريه جديده يا زقزوقه..انا مسميكى زقزوقه علشان الناس بيزقوكى كتير

ابتسم فى خاطرى الى ان فوجئت بسياره ميكروباص اجره سوهاج تقطع الطريق

ايه ابن الهبله ده ..الشارع فاضى و الدنيا صحرا و مش عارف يسوق .. حبكت يركن قدامى

احاول التحرك .. فأجده مصمم على الغلاسه ..ايه ياد يابن ال**** .. اقطع الشتيمه لاننى لمحت ان كل من فى الميكروباص ينظرون إلى بتحفز واضح .. الشرر يتطاير بوضوح من اعينهم .. اول مره المح الشرر ينطلق من العيون ... اجسام ضخمه .. حلاقه زيرو .. نضارات شمس .. يانهار اسود .. انتوا جيتو

اعود بالسياره للخلف سريعا .. لا اعرف لماذا

ثمانية بغال ينزلون دفعه واحده من الميكروباص و يحاولون اللحاق بى .. يشيرون لشخص ما فى الخلف

انظر خلفى فأجد ثلاث سيارات ملاكى يسدون الطريق مره واحده ..ارتطم بواحده .. اتحرك للامام مره اخرى و يبدأ قذف الطوب و الحجاره على السياره .. هى بقى فيها طوب كمان؟؟

سائق الميكروباص الصعيدى الغلبان يسد الطرق و يصدمنى بظهر سيارته .. ليه كده بس ياسطى احنا غلابه زى بعض .. عملتيها يا زقزوقه .. اخص عليكى

افاجىء بأياد كثيره تمتد الى ملابسى و تفتح الباب و تبدأ حفلة اللكمات و السباب.. مباراه

- محدش ليه دعوه .. كله يمشى .. احنا امن دوله .. ياللا من هنا يا ** انت و هو

اجد نفسى فجأه بداخل الميكروباص ..

- مانت وقعت أهوه يا **** فيه حد يهرب من امن الدوله يابن ال***

- احنا هانعرفك احنا مين يابن ال****

- كسروله العربيه ... كسروا عضم امه ابن ال*** ده .... مش عايزه يبطل صويت

هكذا هتف كبيرهم .. و الجميع عنده ضمير شديد فى تنفيذ الأوامر ... ضرب شديد من جميع الاتجاهات .. و بجميع اطرافهم .. إيد و رجل

آآآآآآآآآآآه هكذا هتفت انا رغم محاولتى للتحمل .. لكن الضرب كان فعلا شديد و متواصل .. و من يتعب منهم الباقى يكمل .. و لكن هل اشترك معهم السائق الصعيدى الغلبان أم اكتفى بقيادة السياره؟؟

قبل الضرب تبرع احدهم بوضع التيشيرت فوق وجهى .. و تبرع اخر بتقطيع الفانله الداخليه لنصفين .. و تبرع ثالث بربط النصف فوق عينى و تبرع اخر بربط يدى خلف ظهرى بالنصف الاخر .. و تبارى الاخرون فى تكتيفى و ضربى ... منتهى التعاون فعلا

يتوقف الميكروباص بعد رحله قصيره جدا امام احد المبانى .. احد الشوارع المجاوره .. لابد انه احد فيلات احد الباشوات ..او مقر خفى لامن الدوله

يجرجرونى على السلالم و انا معصب العينين وسط ركلات و صفعات و سب لجميع اهلى .. الكبير و الصغير

يلقون بى على بلاط احدى الغرف .. البلاط بارد رغم حرارة الجو ..يا سلااااام

ياتى احدهم و يستبدل الفانله الداخليه بكلابشات حديديه حول يدى وراء ظهرى و يغلقها على اخرها

*يا ريت تخف الكلابشات شويه ...

- إخرس ياد يابن ال***** ... انت بتتكلم ليه

- قوم اقف ياد ..انت بقى المناضل؟؟ .. انت بقى اللى هاتعمل اللى محدش عمله؟؟؟ ... انت يابنى هتسافر دلوقتى

- ابقى تعالى *** على قبرى لو شوفت الشارع تانى .. يابن ال*****

- حضروا الكهربا .. الواد ده مش متربى و مش عارف ازاى يعامل اسياده

- احنا ياد اسيادكوا و اسياد كل البلد دى .. هنعرفك دلوقتى احنا مين

- مابتردش علينا ليه

* يعنى اتكلم و لا اخرس ..؟؟؟؟

- ... يا جماعه قولت مش عايزه يبطل صويت .. احنا هانطلع دين امك

* آآآآآآآآآآه

فجأه انفتح مره اخرى دش كبير من الضربات و الصفعات و الركلات من جميع الإتجاهات .. انهم بلا شك لا يقلون عن 15 جثه و أحجام اياديهم و ارجلهم مختلفه فى المقاس و القوه

لا اعلم كيف يحفظون هذا الكم الهائل من السباب .. رغم انى كنت اعتقد ان لسانى طويل لكنى سمعت شتائم لم اكن اتخيل انها موجوده ... قاموس لغوى عظيم

استمر دش الضرب و السب اكثر من 30 دقيقه .. تبعه بعد ذلك بعض التوابع القليله لبعض راغبى التسليه

- انت بقى اللى عاملى فيها راجل؟؟؟

- قول انا مره

تذكر فلتلتزم بسلاح الصمت

- قول انا مره

و تنهال الصفعات و الركلات مره اخرى كم كنت اود ان اقول له انت مره و لكننى وجدت نفسى اردد

* حسبى الله و نعم الوكيل

- و كمان بتحسبن علينا؟؟؟ دا انت هايطلع دين امك

خلاص سيبه هو لما يركب الزحليقه هايقول كل حاجه

فجأه يختفى الجميع ...

تمر الدقائق كالسنين ... إلى ان اسمع اصوات كثيره .. نساء و أطفال و شيوخ و رجال ... زعيق و خناق و شتيمه

مين دول .. هو انا فين ... بس اكيد انا فى القسم

* لو سمحت

- عايز ايه

* هو انا فى قسم القاهره الجديده؟؟؟

- مش قالولك ماتفتحش بوقك ياض

*خلاص انا عرفت .. طب ممكن تفك الكلابشات شويه .. مش هما مشيو برضه .. انت من القسم ولا تبعهم؟؟؟

*خلاص يا عم مش هاسأل تانى .. بس يا ريت تخف الكلابشات شويه

- حاضر المفتاح تحت و هانزل اجيبه

إنه بالتاكيد احد عساكر القسم .. إنه لا يسبنى كما فعل الاخرون .. و لكن اين هم .. و لماذا اختفوا فجاه؟؟؟

- اخف الكلابشات عن كده كمان؟؟

* لا كده قشطه .. شكرا يا ذوق .. ممكن بقى شوية ميه علشان عطشان و الجو حر

- حاضر .. انت طلباتك كترت قوى ماتتعودش على كده

يأتى لى بزجاجة مياه و يشربنى

* جزاك الله كل خير .. طلب اخير بقى

- لأ

* طب خلاص

و تمر الدقائق مره اخرى و الذباب يقف على ظهرى و جروحى

* لو سمحت

- ايه تانى .. انت مش بتبطل طلبات

* عايز سيجاره

- نعم؟؟؟

* سيجاره .. انا كان معايا علبة سجاير فى العربيه .. هات واحده و خدها كلها

- طب و هاتشربها ازاى و انت متكلبش

* فكنى او شربهالى

- يا عم سيبك منه انت هاتسمعله كمان .. دا عيل ابن **** انت بتتكلم معاه ليه مش كفايه شرب

* ربنا يسامحك

- انت بتشتغل ايه

* مهندس

- مهندس ؟؟؟؟ طب و هما جابوك هنا ليه

* اصلى معترض على زيادة الاسعار و البهدله اللى عايشينها .. تسمع عن الفيس بوك

- لأ

* طب ممكن سيجاره؟؟

- طيب لما الظابط ينزل بس

أخيرا وجدت بعض البنى ادمين فى وزارة الداخليه

- هاولعهالك و هاشربهالك فى السريع .. بسرعه قبل ما الظابط يرجع

* قشطه

- خلاص يا عم شربت السيجاره ... عايز حاجه تانى ... ياريت تتكتم بقى

* حاجه اخيره .. معلش اصل عنيا اصلا تعبانه و اللى رابطها رابط بضمير شويه و عاملالى صداع .. يا ريت تخفها شويه

- طب كمان شويه علشان فيه حد جاى

* انتوا بتتكلموا معاه ليه يا ولاد ال*****

هات ضهرك ياد ... ارفعله التيشيرت علشان ادهنله المرهم

مرهم؟؟؟ ... كريم ؟؟؟؟ غريبه

ياللا انزل معانا ..حاسب السلمه لف يمين يابنى اتحرك متخشب ليه كده

اركب الميكروباص مره اخرى و معى اتنين عساكر او مندوبين غلابه من القسم يرافقهم ضابط امن الدوله ابو مرهم

اجلس على الكرسى الخفى نائم مختفى عن انظار الماره ... و يستمر صديقى الذى لا اعرف اسمه فى امدادى بكام نفس كل ما اطلب منه

اساله ... * هو الظابط اللى راكب العربيه معنا اسمه ايه؟؟

- و الله ماعرف .. بس هو ابن *****

* طب تعرف اسم اى ظابط من اللى جابونى القسم ؟؟؟؟

- لأ ... و اسكت احسن لك

* احنا رايحين لاظوغلى طبعا

- مش عارف

* بس انا عارف

- و عرفت منين و انت متغمى .. انت شايف ولا ايه

* لا يا عم .. من الاتجاهات .. انا مهندس .. دماغى جواها خريطه

- ماشى يا خفيف .. بس انا اخرى معاك على الباب .. هناك مش هاعرف اعملك اى حاجه

تمر على الافكار مجتمعه تاره و متفرقه تاره ... ترى هل علم احد الزملاء بذلك .. ترى هل تحرك أحد .. لو تم سجنى ..من سيدفع عنى اقساطى و ديونى الكثيره ... و من و كيف و هل ... ياللا بقى .. كله بيطلع فى الغسيل

- ياللا علشان نازلين ..وطى علشان الباب

اتذكر تلك رائحة فى هذا المكان ...رائحة التعذيب و الموتى... حضرت الى هنا منذ عامين بعد خروجى من سجن طره .. و لكن وقتها كنت ارى كل شىء و لم يغمينى احد

اتذكر شكل تلك البلاطات التى امشى عليها الان .. و تلك العتبه التى تفصل بين العالم العلوى و السفلى

اتذكر رائحة دورات المياه التى فى الممر الذى تحت الارض بجوار زنازين الاسلاميين .. لابد اننا مررنا عليها .. هل سيضعوننى فى تلك الزنزانه الى كنت اسمع من بداخلها يطلبون الرحمه من الله و يصرخون

اتذكر ذلك السلم الحديدى الذى اصعد عليه الان .. رأيته منذ عامين و كنت اجلس امامه منتظر انهاء اجراءات الافراج و كان المعتقلين الاسلاميين و الشباب الملتحين يصعدون عليه على ارجلهم و ينزلون عليه محمولين و فاقدى الوعى ... و لكن.. لماذا انا صاعد عليه الان.

. ينتهى السلم و الكعبله.. ثم ادخل فى طرقه ثم مصعد

يرافقنى ثلاث على ما اعتقد .. ضاط امن الدوله و الاثنين الغلابه من القسم

- هاتودوه لمين

- عمرو بيه

- مش عارف هو فين .. اطلع بيه الاداره على طول ...هو احزاب ؟؟؟ انت تبع حزب ايه؟؟؟

* كله زى بعضه

- انت ردودك مستفزه على فكره .. خف شويه

- اقف هنا

تمر الدقائق و استمع لحوار العساكر و المخبرين و ضحكهم و كلامهم عن البنات و الحشيش و الدنيا و الحياه

اضحك و اشترك فى الحوار .. و اهو كله يفيد التانى بخبراته

فجأه يصمتون .. و اسمع اقدام ثقيله تقترب ... و يصيح بصوت رهيب

- انت بقى اللى عمال تسخن الناس

و تنهال الضربات و الصفعات و اللكمات.. و فجاه يتركنى و يكمل طريقه

- معلش يا أحمد مفيش فى ايدى حاجه اعملهالك هنا

* ............

اسمع الكثير من الاقدام التى تقترب .. شكلها هاتبقى حفله .. استر يا رب

- انت بقى اللى عاملى فيها زعيم و مش هامك امن الدوله .... هاتولى ابن ال**** ده على جوه

كثير من الايادى تسرع لتلبية النداء .. مع بعض المجامالات بكام ضربه على كام شلوت ... و لزياده فى المجامله يتم جرى على الارض .. إلى أن أدخل مكتب واسع مكيف به موكيت على الارضيه تنبعث منه رائحة الفخامه .. ده شكله مكتب حد من البشاوات الكبار قوى

- بص يا باشا .. احنا نطلعله أمر إعتقال و نخلص منه

- وليه ... هو هايخر بكل حاجه دلوقتى

- يا باشا دا صنف ابن **** .. الاشكال دى لازم تتربى علشان يعرفوا احنا مين ... يابنى انت حشره .. ولا حاجه..و اى حد بتتحمى فيه ولا هايعرف يعمل لك حاجه... الاحزاب بنت ال**** و شوية ال**** اللى عاملين مراكز حقوق انسان دول نلمهم فى عربيتين

بالطبع لم ينسى هذا الضابط الطيب ان يدعم أقواله ببعض السباب لجميع الشخصيات السياسيه فردا فردا من جميع التيارات من اقصى اليمين لأقصى اليسار ايمن نور, جميله اسماعيل , امير سالم , اسامه الغزالى حرب , مجدى احمد حسين , محمد عبد القدوس , جورج اسحق ... بالاضافه الى اهلى اللى ماعرفوش يربونى

و جلس الباشا الكبير على مكتبه .. و سمعت ازيز الكرسى و جلس حوالى 4 او 5 ضباط اخرين بإختلاف اصواتهم.. بخلاف بعض المخبرين عند الحاجه لأى مساعده

- قوللى بقى يا بتاع الفيس بوك انت ... ازاى يجيلك استدعاء من 10 ايام و ماتجيش

* انا مجاليش اى استدعاءات

- رد على الباشا عدل .....

و تبدأ مسابقة الضرب و الركلات

* آآآآآآآآه

- هاسألك السؤال تانى .. ازاى يجيلك استدعاء بك..... و ماتجيش يابن ال****

* دا كان مجرد تليفون اللى جالى ... ماكانش استدعاء رسمى ..و كان الكلام عن دردشه مش استجواب

- لأ .. ده اسمه استدعاء ... انت بقى ماجيتش لييييه؟

- يا باشا سيبنى عليه شويه دا عيل لبط .. سيبنى اعدلهولك شويه

* ماكنتش شايف أى فايده أو هدف من حضورى هنا

- احنا بس اللى نحدد ايه المفيد و ايه غير المفيد ... مش انت

- يا باشا دا عيل مش متربى يا باشا ... سيبنى اظبطه شويه ... الكهربا جوا جاهزه

- و ليه الكهربا ... هاتتكلم عدل ياد ولا نخليك تخر بكل حاجه لوحدك؟؟

و تبدأ مسابقة الضرب و الركلات كأنى كره فى ملعب واسع

* أآآآآآآآآآآآآآآآآه .... آآآآآآآآآآآآآآآآآآآآآآآآآآه ...

- ايه بقى باسوورد الجروب

* مش فاكر اصلى كنت كاتبه فى ورقه و ناسيها (صفعه قويه)..... آآآآآآآه

- يا جماعه انتوا إزاى تجيبوهولى مش متظبط ... ظبطوه الاول قبل ما يدخلى ... هاتوهولى جاهز علشان الوقت و تعب القلب

انقض على الجنود و الضباط الاشاوس المغاوير حماة الوطن .. حماة الامن و الامان فى مسابقه جديده للركل و الصفع و السب ... و بدأ البعض فى تقشير ملابسى .. و تطوع احد الضباط المحققين بسحبى على وجهى و صدرى على الارض و خرج بى خارج المكتب ابو موكيت الى الطرقات ام بلاط وسخ .. مسحولا على وجهى يجرنى هو و يساعده أخرون عندما يتعب

اتذكر اننى فى المرحله الابتدائيه كنت اسمع احدى المدرسات تهدد الفصل .... إللى هايتكلم هامسح بيه البلاط .... و كنت اتعجب وقتها .. كيف يكون ذلك ... و اخيرا جائنى الجواب بعد عشرين عاما ... هذا هو مسح البلاط .. اديك جربت ازاى يتمسح بيك البلاط .. مبسوط؟؟

و لكن ماذا اقول للباشا الذى يتتظر الباسوورد

- افتكرت ياد يا ***** ولا نجيب العصايه ... هاتولى اتخن عصايه عندكوا

* افتكرت ... اعتقد كان مكتوب كمان فى رساله على الموبايل.. مش فاكر مسحتها ولا لأ

- استنى كده ... موجوده .. دى مبعوتالك من رقم اسراء ... هى لسه بتدخل؟؟؟

* لا يا باشا مابتدخلش على الجروب

- احنا عارفين من غير ما تقول

يا رب محدش منهم يجرب الباسوورد .. بس الغريبه ان كمان محدش سألنى عن الايميل ... شكل الظباط اللى بيفهموا فى النت لسه ماجوش

- مين بقى مشيره؟؟

* مشيره؟؟

- انت هاتستعبط ... يا جماعه قولنا ظبطوه

تعود مره اخرى لمباراة الصفع و التنكيل .. لم اكن اعرف من اى اتجاه تاتى الضربات.و اللكمات .. و لكنى متأكد اننى لو كنت حر اليدين و ارى وجوههم ما استطاع احد او جرؤ على ذلك

* آآآآآآآآه ... ايوه ايوه عارفها ... مالها؟؟؟

- اسمها ايه بالكامل و ساكنه فين؟؟؟

* ماعرفش

- لا تعرف

* هاعرف منين ... ماعرفش ....(ضرب) آآآآآآه ... ماعرفش ....(ضرب) أأأأأأأأأه

- طب و فاطمه

* هاعرف منين ... ماعرفش .... آآآآآآه ... ماعرفش .... أأأأأأأأأه

- طب و ايناس

* هاعرف منين ... ماعرفش .... آآآآآآه ... ماعرفش .... أأأأأأأأأه

- طب و عمر

* هاعرف منين ... ماعرفش .... آآآآآآه ... ماعرفش .... أأأأأأأأأه... محدش يعرف حد ... كله من على النت

- طب و ...... طب و .......

- ايه علاقتك بجميله اسماعيل .. و ليه بتبعتلك رسايل

* ماهى بتبعت للناس كلها ... كل الاحزاب و القوى ايه المشكله لما تبعت لى

- نجلاء بدير .. احمد محسن .. فهمى هويدى ...اسئله .. اسئله .. اسئله

* اجوبه متناثره يتخللها اصوات ضرب و صراخ

يكتفى الباشا بهذه الاسئله و اجوبتى التى تشبه المهلبيه ..و يصمت لفتره و انهض لأقف مره اخرى .. و اسمع وقع خطوات تاتى من بعيد تقترب منى .. ثم قجاه اتلقى صفعه على اذنى اليمنى فأرى نورا مبهرا رغم الظلام الدامس .. و فجاه اسمع تصفير غريب .. كأنهم جميعا ابتدئوا فى الصفير .. و لاول مره فى حياتى اتأكد من صحة ما كنت اراه فى كارتون توم و جيرى من عصافير و نجوم تدور حول من يتم ضربه على رأسه .... لقد رأيت تلك العصافير الصغيره و النجوم بالفعل.. ... هل زار مخرجوا تلك الافلام مبنى امن الدوله فى مصر من قبل؟؟؟

- خلاص خدوه .. و إحمد " ربنا" انك وقعت فى ايد حد حنين .. ممكن بعد كده تقع فى ايد حد ما بيرحمش

ما هذا .. لقد نطق الباشا كلمة " ربنا" ... هل يقصد " ربنا"؟؟ هل " ربنا" هو " ربه" ام يقصد "رب" اخر

و لكن على اية حال واضح من كلامه انه له "رب" و قد كنت اعتقد ان هؤلاء البشاوات يعتقدون انهم هم الالهه .. لابد انهم مقتنعون انهم ارباب متفرقون يجمعهم " رب" كبير فى وزارة الداخليه او فى رئاسة الجمهوريه

و لكن ربنا نحن يأمرنا بالرحمه و سوف يحاسبنا على ما نفعله .. بالتاكيد لم يأمرهم ربهم بذلك و بالتاكيد هم مقتنعون انه لن يحاسبهم

يا ربى حمدا لك انى اعبدك انت وحدك .. لا شريك لك .. و لا اعبد رب هذا الباشا و من معه . فانت الرحيم . و انت المنتقم

يقتادنى العساكر و الامناء للادوار السفليه ... انزل على نفس السلم الحديد لا تقوى رجلى على حملى.. اتذكر شكل ذلك الشاب الملتحى من سنتين

يتم استبدال الكلابشات باخرى قديمه مؤلمه و يتم ربطى فى باب حديد .. تمر الدقائق و ادخل فى النوم

- انت يا ابنى ياللى نايم و انت متكلبش .. انت ازاى نايم كده؟؟ .. انت تبع ايه؟ ... شكلك كده عيل روش و جاى غلط

* فيس بوك

- مين؟؟؟

* مش مهم ... ممكن بس تفك الكلابش من الباب او تربطنى عدل علشان عايز انام شويه

تمر الساعات و انا نائم بالكلابشات و الغمامه على عينى و ملقى على الارض

اتذكر محمد الشرقاوى منذ سنتين .عندما كان يتعجب قائلا يابنى انت ازاى بتعرف تنام كده فى اى حته و اى زنزانه و اى وقت

- مش انت اللى الظابط كلمك فى التليفون من عشرتيام

* اه

- طب هو اجازه انهارده .... انا كلمته و جاى دلوقتى و اكيد مش هيوافق على اللى حصل

* يا رااااااجل ههههههههههه

- بتضحك على ايه ... انا غلطان ... خليك كده مرمى لحد ما يبان لك صاحب

اصعد معه بعد قليل للضابط الذى يقولون انه قطع اجازته لإنقاذى ... يؤنبنى بسبب دماغى الناشفه ثم يصطحبنى للمدير و تبدأ النصائح الابويه الحنونه

- احنا مش ضدكوا .و لا سفاحين زى ما جرايد المعارضه ما بتصورلكوا ... و البلد قطعت شوط كبير فى طريق الديمقراطيه ... بس الشعب المصرى هو اللى مش مهيأ للديمقراطيه

* امال ايه اللى حصلى انهارده ... يعنى كل الضرب ده و كان مثلا بيتهيألى؟؟

- معلش .. اعتبرنا زى والدك

* *********

- احنا و الله مش بننجح الفاسدين فى مجلس الشعب ولا بنساعد الحزب الوطنى .. بس هى البلد كده .. و احنا برضه بنكشف قضايا فساد كتير

* *********

- فكر فى حزب او جمعيه اهليه او مركز دراسات ... لكن الفيس بوك لأ لأ لأ

بالطبع لم يكن النقاش مثمر او مفيد و لا اعرف ما الذى دفعنى للنقاش معهم ... استعنت بسلاح الصمت مره اخرى و جلست استمع مع هز رأسى بين كل فتره و اخرى كدليل على الاقتناع التام .. رغم ان رقبتى كانت قد تسمرت على اتجاه واحد و رفضت اى حركه يمينا او يسارا

تزداد الالام فى جسمى بمرور الوقت ... تزحف ببطء و ثقه تامه من الوصول لجميع انحاء جسدى .. يدى اليمنى لا استطيع تحريكها .. اذنى اليمنى ايضا و ياللصدفه لا استطيع ان اسمع بها .. أحس و ياللغرابه ان هناك من ضربنى ضربا مبرحا منذ قليل

- حاجاتك كامله؟؟؟

· لا فيه كاميرا فيديو ديجيتال ناقصه .. دى غاليه و كمان جايبها بالقسط .. لسه مشتريها من شهرين .. كان مقدمها 500 و قسطها 150 فى الشهر

- هاندور عليها ... سلام يا احمد و فكر كويس

*الو

* الو

* انت كويس؟؟

* كويس

* عملوا فيك ايه؟؟

*حاجات كتير عملوها و حاجات كتير ماعملوهاش

*كنت خايفه قوى عليك

* من ايه ؟؟ .. ماتخافيش

* ........

* بطلى عياط و متخافيش

* احمد انا حجخعبيتنبمرؤالساكنسسجخصخ

* ايه؟؟؟ .. بطلى عياط مش فاهم منك حاجه

عفوا ... لقد نفذ رصيدكم يرجى اعادة شحن البطاقه

للانضمام لجروب الفيس بوك

http://www.facebook.com/group.php?gid=9973986703

لمشاهدة جميع صور التعذيب

www.misrdigital.com

عن الحره اتحدث

2008-05-15T08:11:00.003+03:00

حصل انهارده معايا موقف لذيذ عمال اضحك كل ما افتكره
من يومين اتصلت بيا قناة الحره و قالوا انهم بيعملوا موضوع عن الدور السياسى للفيس بوك فى الوطن العربى و هايكلموا شباب الكويت و الاردن و لبنان و مصر للحديث عن التجربه
طبعا ساعتها كان قفايا لسه وارم و قولت قشطه .. نحكى عن التجربه و نفضح ولاد الجزمه اللى بيقولوا اننا فى ازهى عصور الديمقراطيه و ييجوا يخطفونا من الشوارع و يعذبونا
المهم .. لبست القميص اللى على الحبل و بعد ما خلصت شغل روحت لمكان الاستوديو اللى قناة الحره متعاقده معاه للتصوير
هو فى عماره مش فاكر رقمها على الكورنيش جنب ماسبيرو فوق نظارات كارتييه .. و مش فاكر كان اسم الاستوديو ايه ايه تى سى او ايه جى سى تقريبا مش فاكر .. تقريبا الضرب بتاع امن الدوله زود الزهايمر عندى
دخلت الاستوديو .. و فجاه لقيت واحد طويل عريض المنكعين .. و بيكلمنى من بعيد ..* ازيك يا بشمهندس معاك طارق نصار مدير الاستوديو
-اهلا وسهلا
*مش عايزين شتيمه فى مصر
-و مين قال انى هاشتم فى مصر .. و مين يرضى اساسا بكده
*قصدى اى كلام عن الجكومه أو الأمن
-و هم دول مصر .. دول بعض الافراد اللى بيديروا مصر و هما اللى بيشوهوا صورتها بافعالهم
*انا قولتلك اى كلام عن الحكومه او الامن هاقطع الارسال
- طب سلاموا عليكم .. اكيد بعد اللى حصلى مش هاطلع و أقول ان كل حاجه فى مصر زى الفل و الحكومه بتحترم حقوق الانسان
* بلاش ننشر غسيلنا الوسخ
- طيب يا عم سلاموا عليكوا
* طب ثوانى
سابنى و مش و قعد يكلم حد فى التليفون .. انا قولت اكيد بيتصل بامن الدوله و هايسلمنى .. ياللا بقى .. هى علقه و لا اكتر
شويه كده و جه احد الفنيين و قاللى اتفضل قدام الكاميرا ... ماشى
قعدت قدام الكاميرا و حطيت السماعه فى ودنى و كنت سامع المذيع بيكلم حد من الكويت عن تجربة استخدام الفيس بوك فى الانتخابات البرلمانيه الكويتيه ... قعدت حوالى 20 دقيقه
* مساء الخير .. استاذ احمد؟؟ - ده المذيع بتاع الحره اللى على المايك
- اهلا وسهلا
* اهلا بيك .. سمعت من كام يوم على اللى حصلك
- اه .. دى كانت مجرد استضافه من امن الدوله على شويه ضرب علشان انا مش متربى و هم اكتشفوا ان ابويا نسى يربينى تقريبا .. و بالمره يعرفوا الباسوورد
* ههههههه على فكره مش ده سؤالى .. انا هاتكلم بصفه عامه احنا لسه ماسجلناش
- عادى مافيش مشاكل .. انا هاتكلم عن تجربة الفيس بوك بصفه عامه
ششششششششششششششششت ... إيىء
ده كان الصوت اللى سمعته فى السماعه و بعد كده سكوت تاااام
عدت ربع ساعه و محدش معبر اللى خلفونى.. و بالفعل بدات انام لغاية ما دخل احد الفنيين
* إحنا أسفين يا بشمهندز عطل فنى و هانصلحه على طول
- ...........
عدت ربع ساعه كمان و بدأت بالفعل أروح فى النوم و تقريبا بدأت أشخر لغاية ما الفنى اللى دخل من شويه صحانى من النوم .. الله يكرمه
* معلش يا بشمهندز الجهاز هنج و هانكلمك وقت تانى
- شكرا .. بس المكان عندكوا هادى و كويس جدا للنوم .كنت يا عم سيبنى شويه .. بصراحه الجو حر انهارده و التكييف عندكوا جميل.. سلاموا عليكم
و طبعا نازل و انا هاقع على الارض من كتر الضحك
و بعدها جالى اتصال من احد معدى قناة الحره بيعتذر و ان الاستوديو ده بالتعاقد مش تبع القناه نفسها و بيوعد بإكمال البرنامج فى يوم تانى فى استوديو غيره
شكرا شكرا
بس ما كنت اعرف ان السيطره الامنيه بالمنظر ده
على كل الفضاءيات المصريه .. و كمان الحره
مش قصدى ان الامن مسيطر على الحره زى ما هو مسيطر على دريم و المحور
قصدى انه برضه بيتحكم فى اللى يتقال و ما يتقالش و لو عن طريق املاء الاوامر للاستوديو مش القناه

شكرا

عن 4 مايو و ما بعد 4 مايو

2008-05-15T07:56:00.000+03:00

كان معادنا التانى يوم 4 مايو .. و ده كان المقصود منه ايصال رساله لمبارك فى عيد ميلاده انه يراعى الناس و إن الناس غاضبه جدا من سياسته و طريقة ادارته لمصر
هدفنا هو ايقاظ الشعب من الغيبوبه و كيفية المطالبه بحقوقه البسيطه .. هدفنا نشر الإيجابيه بعد سنوات طويله من الخوف و الرعب ..
بعد 6 ابريل ناس كتير بدأت تتكلم ..و بعد 4 مايو ناس أكتر هاتتكلم و خصوصا بعد حركة النصب بتاعة العلاوه ثم تعويض اضعاف اضعافها من جيوبنا برضه .. خلاص العجله دارت و محدش هايقدر يوقفها و المارد بدأ يصحى
و بعد 6 ابريل بقينا نسمع من الحكومه كلام عن وقف ارتفاع الاسعار و حد ادنى للأجور ..
كل ده كان كلام لإمتصاص غضب الشعب
و لزيادة النصب على الشعب المصرى الغلبان ... اعلن الرئيس مبارك عن حيلة علاوة عيد العمال لضرب يوم 4 مايو
و بالفعل نجحت الحكومه و الحزب الوطنى فى افشال بعض الفاعليات يوم 4 مايو
و لما لقوا المصريين شربوا المقلب و فرحوا بالرشوه و كمان ما استجابوش لدعوة الاحتجاج و الضغط على الحكومه
فرحت الحكومه و قالت ياللا بقى نستغل دى فرصه
دا شعب طيب .. عمره ما هايعترض و لا هايضغط و لا هايحاسبنا
ياللا نزود حساباتنا فى بنوك سويسرا ... و ممكن ناخد موضوع العلاوه دى حجه

لكن احنا يا شباب مش هانسيبهم ينصبوا على الشعب و يسرقوه
مش هانسمح بكده
احنا تحولنا لأكبر جماعة ضغط فى مصر
احنا مش حزب سياسى
ولا نسعى للسلطه

لكن احنا عايزين حقنا
حقنا اللى بيتسرق كل يوم و احنا ساكتين

مطالبنا لسه موجوده و لم يتم الاستجابه ليها
مطالبنا بسيطه جدا
1- حد ادنى للاجور لكل فئه مع ربط الاجور بالاسعار كما تفعل أى دوله تعانى من الغلاء ...
2- إجراءات فوريه و صارمه و إصدار تشريعات و قوانين يتم تطبيقها على الجميع لمكافحة الغلاء و التحكم فى السوق و منع الإحتكار ..
3- الافراج عن معتقلى يوم 6 ابريل

و المطالب دى ممكن الحكومه تحلها بكل سهوله .. بس الأهم النيه مش مجرد تصريحات .. و فيه حلول كتير لزيادة الموارد زى الضرائب التصاعديه و التفعيل الحقيقى لرقابة الدوله و حماية المستهلك و تطبيق القوانين على الكل .. مش الغلابه بس
فيه عشرات الحلول اللى الناس المخلصين بيطالبوا بيها من زمان .. بس لازم حد يجبر صناع القرار فى مصر على التطبيق .. عمرهم ما هيدونا حقوقنا ولا هايحسوا بينا من نفسهم

'طيب و بعد 4 مايو؟؟؟

الفكره اننا عايزين نعمل حمله كبيره
نعلن ان مطالبنا السابقه لم يتم اجابتها
و هى حد ادنى للاجور مع ربطها بالاسعار
و اجراءات فوريه و تطبيق التشريعات لمنع احتكار السلع الرئيسيه و وقف زيادة الاسعار
و تحقيق الاكتفاء الذاتى من الغذاء

الحمله هاتبدا بمؤتمر صحفى لممثلين لينا
و ننشر مطالبنا فى كل وسائل الاعلام
و نطالب بحل فورى للازمه التى ستؤدى لتدمير مصر و زيادة الفروق بين الطبقات و زعزعة الاستقرار .. حلوه زعزعة الاستقرارا دى

و هانرجع الجروب سخن تانى و هاننشر مطالبنا بكل الوسائل و ننشر لينكات الجروب فى كل حته فى النت

و هاندى فرصه اسبوع للحكومه للرد على المطالب المدعمه بحلول

طبعا هاينفضوا

ساعتها هايكون فيه تصعيد كبير
و حمله اكبر
و هانحدد معاد تانى للاحتجاج
بس هانخليها اكثر شعبيه
يعنى لازم كل الناس فى مصر يعرفوا مطالبنا .. و اكيد كله هايوافق عليها
و لازم كل الناس تكون معانا لإجبار الحكومه على تنفيذ المطالب

حد فهمنى

هانعمل ايه يوم 4 مايو

2008-04-28T19:39:00.003+03:00

الإضراب السلمى مستمر

نجحنا فى ايصال رسالتنا
نجحنا فى التعبير عن راينا و ايصال صوتنا لصناع القرار
اكتر من 40% من المصريين استجابوا
و لولا الخوف و القهر كان ممكن يستجيب كل الشعب

احنا مش حزب سياسى
و لا نسعى للحكم
احنا اكبر تجمع مخلص لمصر على النت

كانت خطوتنا الاولى يوم 6 ابريل
كل مصر عرفت باليوم ده .. و اللى ماعرفش .. وزارة الداخليه مشكوره عرفته
هدفنا هو ايقاظ الشعب من الغيبوبه و كيفية المطالبه بحقوقه البسيطه .. هدفنا نشر الإيجابيه بعد سنوات طويله من الخوف و الرعب .. وطبعا كلنا عارفين إن يوم 6 ابريل كل الناس فى الشارع كان نفسها تعبر عن رأيها و تقول اتخنقنا .. بس الإرهاب اللى حصل من الامن المركزى و الحشود الرهيبه خوفوا ناس كتير و خلى كل الناس مش عارفين يتجمعوا فى مكان واحد
بعد 6 ابريل ناس كتير بدأت تتكلم ..و بعد 4 مايو ناس أكتر هاتتكلم .. خلاص العجله دارت و محدش هايقدر يوقفها و المارد بدأ يصحى
و بعد 6 ابريل بقينا نسمع من الحكومه كلام عن وقف ارتفاع الاسعار و حد ادنى للأجور .. بس كلام ..و إحنا بس اللى ممكن نجبرهم ينفذوه

مطالبنا بسيطه جدا
1- حد ادنى للاجور لكل فئه مع ربط الاجور بالاسعار كما تفعل أى دوله تعانى من الغلاء ...
2- إجراءات فوريه و صارمه و إصدار تشريعات و قوانين يتم تطبيقها على الجميع لمكافحة الغلاء و التحكم فى السوق و منع الإحتكار ..
3- الافراج عن معتقلى يوم 6 ابريل

و المطالب دى ممكن الحكومه تحلها بكل سهوله .. بس الأهم النيه مش مجرد تصريحات .. و فيه حلول كتير لزيادة الموارد زى الضرائب التصاعديه و التفعيل الحقيقى لرقابة الدوله و حماية المستهلك و تطبيق القوانين على الكل .. مش الغلابه بس
فيه عشرات الحلول اللى الناس المخلصين بيطالبوا بيها من زمان .. بس لازم حد يجبر صناع القرار فى مصر على التطبيق .. عمرهم ما هيدونا حقوقنا ولا هايحسوا بينا من نفسهم

طب هانعمل ايه يوم 4 مايو؟؟
كل واحد يعمل اللى يقدر عليه من الإختيارات التاليه

1- الاجماع على ارتداء ملابس سوداء و يفضل مطبوع عليها مطالبنا المحدده المذكوره بأعلى هذه الصفحه .. و لو مش عارف يبقى اى حاجه سوده .. و خلاص .. شريط .. شاره .. بندانا

2- تم الاتفاق على ان يحاول الجميع قدر استطاعته بكل السبل البقاء فى المنزل فى يوم الإضراب مع تعليق لافته على باب منزله بمطالبنا المشروعه

3- الاجماع على تعليق علم مصر فى البلكونات و رايات سوداء و اى لوحات او لافتات تتضمن مطالبنا البسيطه

4- للطلاب و الاطباء و المهن الحرجه التى قد تضره دعوة البقاء فى البيت ... يمكنك أن تذهب لعملك او جامعتك او مدرستك عادى جدا مع الحرص على ارتداء اى شىء اسود او شاره سوده و ياريت تعرف تكتب بأى طريقه مطالبنا على اللبس او الشاره اللى هاتعلقها على شنطتك او دراعك ..و يستحسن تعرف تتجمع مع الناس جوه جامعتك او شغلك و تعلنوا الاعتصام الرمزى لبعض الوقت إعتراضا على الاحوال السيئه التى تمر بها مصر مع اعلان مطالبنا بوضوح

5- مقاطعة شراء اى سلع فى اليوم ده تحديدا .. و مقاطعة اللحوم و الفارخ لمدة 3 ايام هى 4 و 5 و 6 مايو .. و ماتخافوش ..محدش هايموت

6- مقاطعة الجرائد الحكوميه المضلله و الكاذبه زى الاهرام و الاخبار و الجمهوريه و روز اليوسف ... و كذلك مقاطعة الفضائيات الغير محايده و التى تستجيب للضغوط و تذيع النشرات و الاخبار القادمه من أمن الدوله و خاصة برامج 90 دقيقه و القاهره اليوم

7- نظرا لإستخدام حكومة الحزب الوطنى لقانون التجمهر الذى تم اصداره عام 1914 و الذى يجرم اى تجمع 5 افراد " فى الشارع "بدون اذن مسبق .. فإننا نطالب جميع اعضاء الجروب و المتعاطفين بالوقوف أمام منازلهم لكل أو لبعض الوقت يوم 4 مايو المقبل مرتدين السواد و حاملين للافتات بها مطالبنا مع فتح حوارات نقاشيه مع الماره و الجيران و إن لم تستطع فممكن تقف فى البلكونه مع نشر حاجه سوده و كتابة مطالبنا و إن لم تستطع فممكن تقف على سطح البيت .. .. اتصرف
ملحوظه - هذه النقطه قابله للتعديل يا ريت تراجع تانى قبل يوم 4 مايو

على جميع الاعضاء و المتعاطفين استعادة حماس و مجهود ما قبل 6 ابريل و العمل الجاد منذ اليوم حتى يوم الاضراب القادم على نشر كل تلك الافكار بين الشعب المصرى و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل المشروعه من دعوات صريحه عامه او فرديه او ارسال رسائل محمول لقوائمنا على التليفون او إرسال رسائل للشريط المتحرك فى الفضائيات بجميع انواعها او مكالمات هاتفيه او البريد الالكترونى لكل القوائم و المجموعات البريديه و المنتديات و المدونات و المواقع الاعلانيه و الجرائد و الصحف و المجلات و الاتصال بالفضائيات .. و كذلك تعليق الالافتات و ارتداء تى شيرت أو شاره يحمل الدعوه للإحتجاج السلمى من الان حتى ميعاد 4 مايو بجانب لصق دعوات الاحتجاج السلمى فى الشوارع و امام المساجد و داخل الجامعات و توزيع البيانات فى الشوارع و استخدام كل الوسائل المتاحه منها فكرة الاسبراى و استامبات الخشب و... و... و....
و على طلاب الجامعه نشر كل تلك الافكار بين اصدقائهم و زملائهم و محاولة النشر بكل الوسائل السلميه شارحين اهمية اليوم و كيف انه الخطوه الثانيه و موضحين مكاسب 6 ابريل
مهمتنا هى النشر فى الشارع و نقل ثقافة الايجابيه لرجل الشارع البسيط
الناس اللى ماعندهمش نت ولا عندهم وصلة دش .. ولا بيقروا جرايد من الاساس

و على المصريين المقيمين بالخارج التحضير لوقفات إحتجاجيه صامته امام مقرات السفاره المصريه .. بجد هاتفرق معانا كتير

ندعوا جموع المهندسين المظلومين لترتيب وقفه احتجاجيه يوم 4 مايو بالمقر الرئيسى للنقابه للمطالبه بفك الحراسه عن النقابه و اجراء انتخابات
و كذلك ندعوا الاطباء لتنظيم وقفه احتجاجيه يوم 4 مايو للمطالبه بكادر خاص
و ندعوا الصحفيين لتنظيم وقفه احتجاجيه اعتراضا على محاكمة الصحفيين و رؤساء التحرير و اغلاق بعض الصحف
و نوجه الدعوه لاى عمال يعانون من مشكلات مع ادارة المصنع .للقيام بوقفه احتجاجيه لمدة نصف ساعه للمطالبه بحقوقهم
كله داخل مكانه .. من غير تجمهر ولا فوضى ولا تعطيل مرور

لينك الجروب على الفيس بوك
http://www.facebook.com/group.php?gid=9973986703

صور يوم 6 ابريل

2008-04-11T17:09:00.004+02:00

يوم 6 ابريل الساعه 10 صباحا

قوات الاحتلال

من نجا من الاعتقال فى ذلك اليوم و توجه لقفص لنقابة المحامين

الناس واقفه بتتفرج بإهتمام و نفسهم يعملوا حاجه

الناس عماله تزيد

و فجاه تنطلق الشراره
الجماهير بتهتف لوحدها .... إحنا الشعب

و تبدا القوات فى المحاصره

اجرى يا جدع

اعتقال لبعض المواطنين الابرياء

و الناس تتجمع تانى

الست دى من الناس .. و فجاه قعدت تتكلم مع الناس و تصرخ ... انتوا واقفين تتفرجوا؟؟؟؟

القوات تتقدم ... و يتكرر السيناريو

بيان جروب الفيس بوك بشأن أحداث العنف في المحلة الكبرى

2008-04-11T10:17:00.002+02:00

بيان بشأن أحداث العنف في المحلة الكبرى

نحن مجموعة Group "اضراب عام لشعب مصر – 6 April " المنشأة علي موقع الفيسبوك و موقعها
www.facebook.com/group. php?gid =9973986703
و التي يبلغ عدد أعضائها ما يقرب من 70000 عضو، و التي هي عبارة عن تجمع لكل من هو مقتنع بضرورة إيصال أصواتنا لصناع القرار بكافة الوسائل السلميه المشروعه .. نعلن رفضنا التام لأي أحداث عنف شهدتها البلاد مؤخرا و عن نبذها للعنف بجميع أشكاله و صوره.

فنحن ندين و بشدة أعمال العنف التي شهدتها مدينة المحلة الكبرى يومي السادس و السابع من أبريل عام 2008 و نطالب بمعاقبة من تسبب فى دفع الجماهير الغاضبه لإستخدام العنف
و نحن نؤكد علي أن العنف ليس وسيلة مشروعة للتعبير عن الرأي، و أن هناك العديد من الوسائل السلمية المشروعة التي يحق لأي مواطن استخدامها للتعبير عن رأيه أو عن غضبه. كتلك الوسائل التي نادينا بها مثل الجلوس بالمنزل، و مقاطعة شراء أي سلعة، و ارتداء الألوان السوداء، و رفع العلم المصري في الشرفات، و محاولة الإضراب عن العمل لمن لا يضر إضرابه عن العمل مصالح الدولة، أو التظاهر السلمي.

كما ندين و بشدة قمع الأمن المصري للمتظاهرين في مدينة المحلة الكبرى و الذي كان بداية لولادة شرارة العنف لدي بعض المتظاهرين. و هو ما أدي إلي حدوث مواجهات لا تتوافق مع ما نتمناه للمصلحة العامة.

كما نود أن نؤكد علي أن مطالبنا شرعية و تهدف إلي صالح المواطن المصري البسيط و هي:
1- حد أدنى للأجور لكل الفئات و الوظائف و ربط الأجور بالأسعار كما يحدث فى جميع الدول التي تعانى من الغلاء
2- إجراءات حقيقية لوقف ارتفاع الأسعار و منع الاحتكار
كما نطالب بالإفراج الفوري عن جميع المعتلقين علي خلفية أحداث السادس من أبريل من عام 2008، إعمالا للدستور والمواثيق الدولية المعنية بحقوق الإنسان ، والتي تكفل الحق في التظاهر السلمي وحرية الرأي والتعبير.

مجموعة Group "اضراب عام لشعب مصر – 6 April"

شاهد تسجيل حلقة برنامج على الهوا مع جمال عنايت على شبكة الاوربت

2008-04-04T15:00:00.000+02:00

اقوى نقاش عن جروب اضراب 6 ابريل على الفيس بوك حتى الان
لقاء مع مؤسسى الجروب و عضو الحزب الوطنى رئيس اللجنه التشريعيه بمجلس الشعب
هذا الجروب هو اقوى من اى فصيل سياسى فى مصر
تجمع عظيم من شباب لا مصالح شخصيه تحركهم
لا هدف لهم إلا اصلاح و انقاذ مصر

لينك الجزء الاول و المقدمه
http://www.youtube.com/watch?v=5hKfk1MIYBw

لينك الجزء الثانى و فيه المقلب اللى كنا هانقع فيه
http://www.youtube.com/watch?v=L2oIehOwT7g

لينك الجزء الثالث
http://www.youtube.com/watch?v=ZQ6gx6HDyAk

الجزء الرابع الساخن
http://www.youtube.com/watch?v=8Xsk8st8tuI
كنا محضرين كلام كتييير
و للاسف خلص الوقت
فيه مذيعين ماينفعش معاهم الديمقراطيه

كان نفسى اتكلم براحتى
الوقت كان قليل

اكن نفسى اخبط براحتى
للأسف مافشتش غليلى

لينك الجزء الثانى فيه المقلب اللى كنا هانقع فيه

عمر هريدى حب يستغلنا لصالح الجزب الوطنى
فاكرنا زباين
المشكله ان كلامه و ردوده غير مقنعه بالمره و لما يتزنق مش بيعرف يرد
و ده هايبان فى الجزء الثالث

فى الجزء الثالث هرشنا المقلب و التدبيسه
و بدأنا نزنق بتاع الحزب الوطنى
لكن جمال عنايت كان بيلغوش و يقاطع و بينقذ عمر هريدى عضو الحزب الوطنى و امين اللجنه التشريعيه بالحزب الوطنى
لو كنا فى العاشره مساء او لو كان فيه وقت كنا فرمناه
كان فيه نقط كتير كاتبها فى الورقه و لو كنت قولتها كنت بهدلته بس الوقت

المذيع عايز يقول اننا ماعندناش حلول
احنا حاولنا ناكد إن الحلول موجوده من سنين و الناس صوتها اتنبح
لكن الحزب الوطنى مصالحه غير مصالح الشعب
المذيع كان بيسأل اسئله متخصصه
و احنا حاولنا نرد عليه قدر الامكان
ممكن يكون الاداء مش جامد بسبب الاتفاق على عدم التصعيد و اننا اتاخدنا على خوانه
و كمان موضوع الوقت
انا كنت كاتب حاجات كتيييير مالحقتش اقول ربعها

شوفتوا لما قدمناله حل فصل الانتاج عن التوزيع و ماعرفش يرد
لما الدعم يتوجه للرغيف مش للدقيق ده حل موجود فى دول كتير جدا من زمان

الجزء الرابع ساخن جدا و لو كنا طولنا كنا هانبهدل الراجل
كنا محضرين كلام كتييير
و للاسف خلص الوقت

و ماذا بعد 6 ابريل

2008-03-30T03:49:00.001+02:00

سؤال هام جدا لابد من الإجابه عليه
هانعمل ايه بعد يوم 6 ابريل
الكل متوقع ان يوم 6 ابريل ده يبقى يوم مهم جدا و فيه احداث كتير
على الاقل هانعمل قلق جامد
و الناس اللى ماعرفتش هاتعرف اليوم ده
و الفكره هاتكبر
لإن فيه ناس هتتظاهر
و ناس هاتعتصم
و ناس هاتضرب عن العمل و الدراسه
و ناس بافعل ناويه لو راحوا الشغل او الجامعه هايعلنوا اضرابهم لساعات و منهم اللى هايعمل اعتصام و مظاهرات
و فيه طلبه ابتدوا يعلنوا عن الاضراب فى الجامعه من دلوقتى
و فيه مظاهرات هاتكون فى الجامعه كمان
دا غير الاضراب عن الشراء
و ده انا شايفه نشاط مهم جدا
لإن فيه ناس بتخاف من المظاهرات و مضطره تروح الشغل و لو راحت هاتخاف تتكلم
طبعا انا ضد الخوف و شايفه انه السبب الرئيسى لتدمير مصر
لكن لو حد ... بلاش نقول خايف .... خليها مش هايقدر يشارك فى المظاهرات او الاضراب يبقى يشارك فى الإضراب عن الشراء
و طبعا كلنا متفقين عن الشاره او التيشيرت و تعليق علم مصر اليوم ده

و طبعا نعمل اللى علينا و ننشر الفكره للناس اللى مش بتدخل على النت بكل الطرق
و ندعى ربنا انه يوفقنا و ينصرنا على الظلمه

طيب ..... هل يوم واحد كفايه
بالطبع بأ
حتى لو نجح
لازم يستمر
و حالة الإيجابيه تنتقل للناس
اصل الثوره دى بتبقى عدوى ... او زى الشراره فى القش ... شوفوا التاريخ بيقول ايه

المهم
عندنا يوم 7 ابريل و 8 ابريل انتخابات المحليات
الحكومه هاتكون مشغوله بالتزوير كالعاده
يبقى الحل نكمل الإضراب .. و نستمر
و ننشر الفكره
و نعمل اعتصامات بجد بقى
اعتصامات مش مظاهرات
حاجه تسمع اعلاميا
و كله بالادب
لا هانشتم حد ولا نزعل حد

طبعا احنا مش مغسلين و ضامنين جنه زى المثل ما بيقول
بس اكيد كلنا هانبذل كل طاقتنا و ننشر الفكره
و نخليها تستمر بعد 6 ابريل
و تكبر و تكبر
لغاية ما نحقق كل هدفنا و نجبر الحكومه انها تلتزم و تطبق الحلول
و على فكره فيه حلول لكل مشاكل مصر
و فيه علماء و مفكرين صوتهم اتنبح من سنين
بس الحلول تتعارض مع مصالح رجال الاعمال اللى بيحكمونا
حلول مشاكلنا تتعارض مع مصالح الحراميه اللى بيحكموا مصر
لازم نجبرهم يطبقوا الحلول

و على فكره
حتى لو لا قدر الله مانجحناش المره دى
ماتنسوش ان دلوقتى جروبنا بقى اكبر من اى حزب فى مصر

يا ريت تفكروا معايا و ماذا بعد 6 ابريل
ghosty

انضم لأقوى جروب مصرى على الفيس بوك
اضراب 6 ابريل
http://www.facebook.com/group.php?gid=9973986703