السبت، 22 مارس، 2008

ليكن يوم 6 ابريل يوم الغضب الشعبى من الغلاء .. إضراب عام

يزداد الوضع سوءا كل يوم.. تتضاعف أسعار جميع السلع .. كنا قديما نسمع انه لا يموت احد من الجوع .. اصبح فى عصر مبارك من يموت من الجوع و الفقر و الظلم
و اصبحنا الان نسمع عن ألاف حالات الانتحار سنويا بسبب عدم القدره على اطعام الاطفال أو عدم القدره على شراء ملابس العيد ... حتى انحدر الحال بنا و اصبح الناس يقتلون بعضهم فى طوابير العيش اليوميه
نسمح تصريحات الكذابين و الأفاقين كل صباح فى جرائد الكذب اليوميه المسماه بالقوميه و تليفزيون الرياله المسمى بتليفزيون الرياده ... لا مساس بمحدودى الدخل .. إهتمام الرئيس بمشكلة رغيف الخبز بعد تفاجئه بوجودها .. لا زياده فى اسعار السلع الغذائيه
تصريحات نسمعها منذ 27 سنه و الوضع للاسوا
استثمارات و قرارات لا تصب سوى فى مصلحة رجال الاعمال و تزيد الغنى غنى و تزيد الفقير فقرا
لنفعل مثل عمال المحله و موظفى الضرائب العقاريه
لقد اعلن عمال المحله ان يوم 6 ابريل هو يوم الاضراب العام
لنجعل يوم 6 ابريل يوم الاضراب و الغضب من حالنا المتردى
اضراب عن العمل و الدراسه و شراء أى سلع
يوم اعلان الغضب فى كل الميادين العامه فى كل محافظات مصر
لنعلن لهم اننا شعب يغضب و يفكر و يرفض الظلم و الاستبداد
لنكذب مقولات اننا شعب جبان خانع خاضع لا يثور ولا يعترض

موعدنا 6 ابريل فى كل ميادين محافظات مصر
و ان لم تستطع المشاركه فإعلن غضبك بالإضراب عن الشراء أو ممارسة اى نشاط








هناك تعليقان (2):

Salar يقول...

See here or here

nonoymm يقول...

اولا اتمنى ان حضرتك مش تكون فتحت التعليق الاول لانه فيروس الاسم وهير وهير برضه فيروس اتعملت معايا كذا مرة
ياريت تحذفهم وبسرعة ربنا يستر
اول زيارة للمدونة
ان شاء اله ساتابع
فكر حضرتك الاعتصام دة ممكن يجيب نتيجة والاوضاع تتحسن يارب
انا معاكم بس انا ست بيت واطفالي صغار
مش هاثر
هدعي
تحياتي لحضرتك